បច្ចុប្បន្ននេះ គេសង្កេតឃើញថា អ្នកលក់ផលិតផលតាមអនឡាញដ៏ល្បីឈ្មោះអ្នកនាង Love Riya មានសំឡេងស្អកៗ តែបើងាកមើលមើលទឹកដបសំឡេងរបស់នាងវិញ បានដឹងថា ច្រៀងពីរោះខ្លាំងណាស់ ហើយសំឡេងមូលល្អទៀត។
ជាក់ស្ដែងវីដេអូអ្នកនាងច្រៀងខារ៉ាអូខេ ត្រូវបានគេយកមកបង្ហោះក្នុងបណ្ដាញសង្គមយូធូប កាលពីចុងឆ្នាំ២០១៨នោះ ឃើញថាអ្នកនាងច្រៀងបានពីរោះខ្លាំងណាស់ រហូតអ្នកគាំទ្រ ភ្ញាក់ផ្អើលលាន់មាត់សរសើរស្ទើរគ្រប់គ្នា។ តែអ្នកខ្លះក៏មិនជឿថា អ្នកនាងLove Riyaជាច្រើនច្រៀងផងដែរ។
ដោយឡែក កាលពីយប់កណ្ដាលអធ្រាត្រថ្ងៃទី៩ ខែសីហា ឆ្នាំ២០២១នេះ អ្នកនាងLove Riya បានបង្ហើរសំនៀង នូវបទបុរាណវិញម្ដង ហើយឃើញថា សំឡេងរបស់នាងនៅតែពីរោះដដែល បើទោះបច្ចុប្បន្ន នាងខំស្រែកលក់ឡេ សំឡេងឡើងស្អកក៏ដោយ តែពេលច្រៀងវិញ មិនដូច្នោះឡើយ។
ក្រោយពីបានស្ដាប់អ្នកនាងLove Riyaច្រៀងហើយ អ្នកគាំទ្រមានការចាប់អារម្មណ៍ខ្លាំងណាស់ ក៏លាន់មាត់សរសើរថា «ពីរោះណាស់ចែយ៉ា, ពីរោះណាស់បងស្រី, រំភើបជំនួសហើយបងស្រីសម្លាញ់»។
ទោះយ៉ាងណា ក៏មានអ្នកខ្លះចូលមករិះគន់នាងផងដែរ តែមិនមែនរឿងច្រៀងនោះទេ គឺរឿងស្នេហា ដែលនាងត្រូវហើយបែក បែកហើយត្រូវនោះ ដោយពួកគេថា នាងជា ស្រីអស់សាច់, ថោកទាបដល់តម្លៃស្ត្រីខ្មែរជាដើម នោះ។
ឆ្លើយតបជំនួសអ្នកនាងLove Riya អ្នកគាំទ្រមួយចំនួន បានលើកឡើងថា «អ្នកប្រដៅបងយ៉ានឹងមានដូចបងយ៉ានៅមានឡានទំទើបមានល្អៗនៅៗហាពួកមីច្រណែនបងយ៉ា, អាអ្នកទើសគេនឹងបើមិនពេញចិត្ត អូសរំលងទៅ ទើសខុសទំនង, បើគិតថាគាត់អស់សាច់ហើយចូលមើលគាត់ធ្វើអី,ទើសគេតែតាមដានរឿងគេ, គេធ្វើអីនេះជារឿងគេមិនទៅសុំបាយអ្នកឯងស៊ីទេ ខ្វល់តែកូនចៅអ្នកទៅ»៕ សូមស្ដាប់បទចម្រៀង ដែលLove Riyaច្រៀងជាច្រើនបទខាងក្រោមនេះទាំងអស់គ្នា ៖
