ប្រិយមិត្ត បានជ្រាបរួចមកហើយថា តារាកំប្លែង ដែលសម្បូរវោរហាស័ព្ទ និងទេពកោសល្យសម្តែងដៃគូនាយ ពាក់មី អ្នកនាង អូន សុកាន់ដា ហៅខ្ញុង បច្ចុប្បន្ន មានរូបរាងធាត់ ទ្រលុកទ្រន់ គួរឲ្យក្នាញ់ស្រឡាញ់។ តែប្រិយមិត្ត មួយចំនួនទំនងជាមិនដែលឃើញរូបរាងនាងពីមុននោះឡើយ។
ដោយឡែក កាលពីថ្ងៃទី៨ ខែសីហា ឆ្នាំ២០២១ តារាសម្ដែង ដែលទើបប្រកាសលាឈប់ពីស្ថានីយទូរទស្សន៍CTNរូបនេះ បានបង្ហាញរូបថតខ្លួន កាលពី អតីតកាល ធ្វើឲ្យអ្នកគាំទ្រមានការចាប់អារម្មណ៍ជាខ្លាំង ហើយចំពោះរូបនាងផ្ទាល់ ក៏មានការភ្ញាក់ផ្អើលនឹងរូបខ្លួនឯងស្ទើរលស់ព្រលឹងផងដែរ។
បង្ហោះភ្ជាប់ជាមួយរូបថតរបស់ខ្លួន កាលនៅស្គមជាច្រើនសន្លឹក អ្នកនាង ខ្ញុង បានបង្ហាញអារម្មណ៍ថា «ឆ្ងល់ខ្លួនឯងដែរថីបានកាណុងមុខអាក្រក់ម្ល៉េះ និយាយមែនគ្រាន់តែបើកឃើញរូបខ្លួនឯងចង់លួសព្រលឹង»។
តាមរយៈនេះ អ្នកគាំទ្រមួយចំនួន បានលើកឡើងថា «កាលពីមិនទាន់កែច្រមុះ, ឥលូវក៏នៅអត់ស្អាតអាដែលហ្នឹង, ម្យ៉ាងម្នាក់តើបង, ស្អាតតាមសម័យកាល, កាលមុនស្អាតៗបែបពីមុនឥលូវស្អាតបែបសម័យ ឥលូវ, មើលរូបកាលមុនដឹងថា ចែសុកាន់ដា ដល់មើលរូបចុងក្រោយបានដឹងថា ចែខ្ញុងសោះ, សម័យកាលនុងអត់ស្អាត តែចិត្តស្មោះ.សម័យឥលូវស្អាតៗតែចិត្តចុងស្រល់.អ្នកខ្លះ, មានអាក្រក់ឯណា ស្អាតបែបធម្មជាតិ»។
ក្រោយពីការបង្ហោះរូប និងបង្ហាញអារម្មណ៍របស់ខ្លួនរួចមក, នៅថ្ងៃទី១០ ខែសីហា ឆ្នាំ២០២១នេះ អ្នកនាងខ្ញុង ក៏បានបង្ហាញពីអត្តសញ្ញាណ និងចំណង់ចំណូលចិត្តរបស់ខ្លួនពេលទំនេរដូច្នេះថា «ឈ្មោះ: សុកាន់ដា(ហៅ កណ្ដុលតូច ) អាយុ: 38ឆ្នាំ កំពស់: 1.55ម គីឡូ: 54គីឡូ ចេះនិយាយ: គ្រប់ភាសា បញ្ជាក់ ស្ដាប់បានមិនបានអត់ខ្វល់ មុខរបរ: សិល្បៈ + លក់ផលិតផលឃូស៊ី និង របស់ញាំពេលទំនេរ: ចូលចិត្តដើរលេងផ្ទះគេនិយាយដើមទេ ចុះអ្នកមើលវិញ?»៕
