ប្រិយមិត្ត ពុកម៉ែបងប្អូន បានជ្រាបរួចមកហើយថា កាលពីពេលថ្មីៗកន្លងទៅនេះ តារាទីកតុកដ៏ល្បី អ្នកនាង សុខ លីន ទើបតែទម្លាយវិបត្តិផ្លូវចិត្តរបស់ខ្លួនត្រូវប្ដីធ្វើបាយ ដែលលាក់ទុកអស់រយៈពេល៧ឆ្នាំ ឲ្យមហាជនបានដឹងជាសាធារណៈ។
ក្រោយពីទម្លាយពីវិបត្តិផ្លូវចិត្តរបស់ខ្លួនរួចមក សុខ លីន ក៏បានបង្ហាញមុខកូនជាទីស្រឡាញ់របស់ខ្លួន ជាមួយនឹងការបង្ហោះសារសម្ដែងក្ដីអាណិត ព្រមទាំងសុំទោស ដែលខ្លួនគ្មានវាសនា បាននៅជិតថ្នាក់ថ្នមកូនអោយល្អដូចម្ដាយគេ ផងដែរ។
ក្នុងពេលបង្ហាញមុខកូន កាលពីថ្ងៃទី៦ ខែសីហា ឆ្នាំ២០២១នោះដែរ ស្រាប់តែបន្តិចក្រោយមក សុខ លីន បានជួបទុក្ខធំ ដោយត្រូវបាត់បង់មនុស្សជាទីស្រឡាញ់ម្នាក់ ដែលតែងតែជួយនាង ព្រមទាំងកូន ពេលជួបការលំបាកក្នុងជីវិតនោះ។
បង្ហោះភ្ជាប់ជាមួយរូបថតលោកយាយខ្លួន តារាទីកតុក សុខ លីន បានរៀបរាប់ទាំងទឹកភ្នែកថា «លោកយាយជាអ្នកមានគុណ តែងតែជួយហើយ និងស្រលាញ់ ពេលដែលខ្ញុំ និងកូនពិបាក សូមលោកយាយទៅអោយបានសុខចៅពិតជាសោកស្ដាយខ្លាំងណាស់»។
តាមរយៈទុក្ខសោកផ្ទួនៗនេះ អ្នកគាំទ្រមួយចំនួន បានចូលរួមរំលែកទុក្ខ ជាមួយនឹងការលើកទឹកចិត្តនាង តាមរយៈខំមិន ដូច្នេះថា «យំចុះអូន, សូមចូលរួមរំលែកទុក្ខផងចុះណាអូន, បងលីន ត្រូវតែរឹងមាំបងអាចធ្វើបាន បងជួបរឿងច្រើនមកហើយ តែបងអាចឆ្លងផុតចឹងរឿងប៉ុណ្ណឹង រឿងអីបងធ្វើមិនបានបង, ពេលឃើញលីនពិបាកចិត្ត ខ្ញុំយំតាម ហើយប្រាប់ខ្លួនឯងថា មិនមែនមានតែយើងទេ ស៊ូៗ»៕
