តារាចម្រៀង វីរៈ និច្ច មុននឹងក្លាយជាតារាចម្រៀងមានឈ្មោះបោះសំឡេងរហូតមកដល់បច្ចុប្បន្ននេះ រូបនាងក៏ធ្លាប់សម្ដែងក្នុងបទចម្រៀងផងដែរ ដូចជាបទ ជម្រើសទី២ របស់លោកឆាយ វីរៈយុទ្ធ ដែលជាហេតុធ្វើឲ្យគេស្គាល់នាងកាន់តែច្រើន នាពេលនោះ។
ក្រោយមកពេលនាង មានឱកាសចេញបទចម្រៀងជាបន្តបន្ទាប់ រួមនឹងទឹកដើមសំឡេងរបស់នាងពីរោះផងនោះ កាន់តែធ្វើឲ្យកេរ្តិ៍ឈ្មោះរបស់នាងល្បីល្បាញ ដោយពេលចេញបទម្ដងៗ តែងតែមានចំនួនអ្នកទស្សនាច្រើន។
អ្វីដែលកាន់តែពិសេស, តារាតារាចម្រៀងវីរៈនិច្ច ក្រៅពីមានសំឡេងពីរោះ និងទទួលបានការពេញចិត្តពេញថ្លើមពីទស្សនិកជនហើយនោះ នាងនៅមានចំណុចមួយទៀត គឺរូបសម្រស់នេះតែម្តង។
ទោះជាមានសម្រស់ស្អាតបែបនេះក៏ដោយ ក៏កន្លងមក គេមិនធ្លាប់លេចឮថា រូបនាង មានសម្ព័ន្ធភាពស្នេហារួមបុរសរូបណានោះទេ។ តែពេលនេះ តារាស្រីរូបនេះ ស្រាប់តែធ្វើឲ្យអ្នកគាំទ្រភ្ញាក់ផ្អើល ខណៈទទួលដំណឹងថា នាង កំពុងភ្ជាប់ពាក្យជាមួយបុរសសង្ហាម្នាក់យ៉ាងស្ងាត់ៗនោះ។
ចំពោះ ពិធីភ្ជាប់ពាក្យនោះ គេសង្កេតឃើញថា ធ្វើឡើងនៅចំពោះមុខមេបាទាំងសងខាង ក្នុងនោះក៏មានវត្តមានរបស់តារាចម្រៀងល្បីលោក ខាន់ ជេមស៍ ដែលត្រូវជាពូរបស់នាង ចូលរួមផងដែរ។
រូបភាពកំឡុងពេលភ្ជាប់ពាក្យយ៉ាងស្ងាត់ស្ងៀមរបស់ម្ចាស់បទ«ជាតិនេះឆាចោល» កញ្ញា វីរៈ និច្ច ត្រូវបានអ្នកគាំទ្រចែករំលែកច្រើនសន្ធឹកសន្ធាប់ពីគណនីហ្វេសប៊ុកផ្លូវការរបស់បុរសជាគូដណ្ដឹងឈ្មោះ Kheiv Pich II។
បង្ហោះភ្ជាប់ជាមួយរូបថតជាច្រើនសន្លឹកក្នុងពិធីភ្ជាប់ពាក្យ កាលពីរសៀលថ្ងៃទី៤ ខែសីហា ឆ្នាំ២០២១នេះ ម្ចាស់គណនីហ្វេសប៊ុកឈ្មោះ « Kheiv Pich II» បានរៀបរាប់ថា «អរគុណម៉ាក់ប៉ានិងគ្រួសារទាំងសងខាង ដែលផ្ដល់ថ្ងៃនេះអោយកូន Virak Nich»។
តាមរយៈនេះ អ្នកគាំទ្រ និងអ្នកសិល្បៈមួយចំនួន មានការចាប់អារម្មណ៍យ៉ាងខ្លាំង ហើយក៏បានចូលរួមអបអរសាទរព្រោងព្រាតជាមួយនឹងការលើកឡើងថា «អីយ៉ា ស្ងាត់ៗ លឿនសហាវ Virak Nich ហើយកាលបានដល់គូរនឹងគេ Khin Sreyneath, ជូនពរបង ទាំងពីរស្រលាញ់គ្នារហូត Virak NichKheiv Pich II លឿនបោះគេ see u soon ម្ហូបការ,
ក្មេងៗស្រករក្រោយគេមានលិឍអស់ហើយ កាលដល់វេនឯងCongratulations o Virak Nich, ធ្លាប់និយាយគ្នាច្រើនណាស់ជាមួយយាយប៉ិហ្នឹង អារឿងស្នេហាហ្នឹងវាឈឺម៉េចខ្លះ ឥលូវគេរកឃើញគូគេហើយ Big congratulations my baby girl Virak Nich»៕
