មិត្តភក្តិ អ្នកគាំទ្រ និងសមាជិកគ្រួសារ បានប្រមូលផ្តុំគ្នានៅក្នុងព្រះវិហារនៅទីក្រុងបាងកកកាលពីថ្ងៃសុក្រ សម្រាប់ការលាគ្នាដ៏រំជួលចិត្តដល់ Nida “Tangmo” Patcharaveerapong នៅថ្ងៃដំបូងនៃការអធិស្ឋានបុណ្យសពបីថ្ងៃ។
បើទោះបីជាពិធី បានប្រព្រឹត្តទៅចំពោះតារាស្រី ដែលបានលង់ទឹកស្លា.ប់កាលពីថ្ងៃទី២៤ ខែកុម្ភៈ ក៏ដោយ ក៏ប៉ូលិសកំពុងបន្តស៊ើបអង្កេត។ ពួកគេកំពុងពិនិត្យមើលភស្តុតាងថ្មី ដែលអាចប្រ.ឆាំងនឹងការសន្និដ្ឋានដំបូងរបស់ពួកគេដែលថាការស្លា.ប់របស់នាងគឺដោយចៃដន្យ។
អ្នកកាន់ទុក្ខប្រហែល 1,000 នាក់ បានមកព្រះវិហារ Liberty Church Bangkok ក្នុងសង្កាត់ Saphan Sung សម្រាប់ការអធិស្ឋាន។ ពិធីដ៏ថ្លៃថ្លានឹងធ្វើឡើងរហូតដល់ថ្ងៃអាទិត្យ ហើយកៅអីទាំងអស់ត្រូវបានកក់ទុកមុនពេញមួយថ្ងៃ ដោយព្រឹត្តិការណ៍នេះ មានការផ្សាយបន្តផ្ទាល់នៅលើគណនី YouTube និង Facebook របស់ព្រះវិហារ។
ព្រះវិហារគ្រិស្តសាសនាផ្សាយដំណឹងល្អ អាចផ្ទុកភ្ញៀវបាន 3,000 នាក់ ប៉ុន្តែចំនួនអតិបរមា ដែលអនុញ្ញាតឱ្យមានព្រឹត្តិការណ៍សម្រាប់Tangmoគឺ 1,000 ដោយសារវិធានការរក្សាគម្លាតសង្គម។
“យើងទាំងអស់គ្នាដឹងថា Tangmo គឺជាកូនស្រីជាទីស្រឡាញ់របស់ព្រះ។ ព្រះជាម្ចាស់បានរៀបចំកន្លែងសម្រាប់កូនស្រីនេះនៅស្ថានសួគ៌»។
Supachai Sriwichit បានរំឮកពីពេលវេលាដ៏រីករាយដែលគាត់បានចំណាយជាមួយ “បងស្រី” របស់គាត់នៅពេលគាត់មកដល់ព្រះវិហារ។
“ខ្ញុំមកទីនេះក្នុងនាមជាបងប្អូន ដើម្បីបញ្ជូនប្អូនស្រីរបស់ខ្ញុំទៅកាន់ឋានសួគ៌ក្នុងព្រឹត្តិការណ៍ដ៏ប្រណិតមួយ។ ខ្ញុំនៅតែគិតពីអតីតកាលជាមួយនាង។ យើងបានស្គាល់គ្នា និងធ្វើការជាមួយគ្នាជាង១០ឆ្នាំ ហើយខ្ញុំមិនភ្លេចថ្ងៃនោះឡើយ»។
លោក Supachai ដែលជាអ្នកគ្រប់គ្រងកំពូលតារាជាច្រើននៅក្នុងឧស្សាហកម្មកម្សាន្ត បានសហការរៀបចំពិធីលាគ្នាជាមួយ Nida ជាមួយតារាសម្តែង Patcharapa “Aum” Chaichua ។
អ្នកគ្រប់គ្រងផ្ទាល់ខ្លួនរបស់ Nida Idsarin “Gatick” Juthasuksawat បានទៅព្រះវិហារនៅពេលរសៀលដើម្បីបង្ហាញភួងផ្កា។ នាង ជាមនុស្សម្នាក់ក្នុងចំណោមមនុស្សនៅលើទូកល្បឿនលឿន។ នាងបានចាកចេញពីព្រះវិហារទាំងទឹកភ្នែក ហើយបដិសេធមិននិយាយជាមួយអ្នកកាសែត។
“អ្នក និងខ្ញុំគឺលើសពីមិត្ត។ យើងជាគ្រួសារ” អ្នកស្រី Gatick បានសរសេរសារលារបស់នាងដែលបានបង្ហោះនៅព្រះវិហារ។
Tangmo ត្រូវបានធ្លាក់ចូលទន្លេចៅប្រាយ៉ាកាលពីយប់ថ្ងៃទី២៤ កុម្ភៈ ពីទូកល្បឿនលឿនជាមួយអ្នករួមដំណើរ៥នាក់ផ្សេងទៀតជិះលើនោះ។ សាកសពរបស់នាង ត្រូវបានគេរកឃើញពីរថ្ងៃក្រោយមកនៅមិនឆ្ងាយប៉ុន្មានពីកន្លែងដែលឧប្បត្តិហេតុកើតឡើងនៅជិតផែ Pibul 1 ក្នុងខេត្ត Nonthaburi។
នៅពេលសាកសួរដំបូង អ្នកជិះទូកបាននិយាយថា តារាស្រីរូបនេះបានទៅបន្ធូរអារម្មណ៍ពីក្រោយទូក ហើយធ្លាក់ទៅទន្លេ។ បង្គន់នៅលើទូកត្រូវបានគេនិយាយថាមិនមានសណ្ដាប់ធ្នាប់។
រហូតមកដល់ពេលនេះ ម្ចាស់ទូក Tanupat “Por” Lerttaweewit និងអ្នកបើកបរនៅពេលនោះ គឺលោក Phaiboon “Robert” Trikanjananun ត្រូវបានចោទប្រកាន់ពីបទធ្វេសប្រហែស និងបើកទូកគ្មានការអនុញ្ញាត។
យោងតាមប៉ូលិសបានឲ្យដឹងថា លោក Phaiboon ដែលមិនមែនជាអ្នកបើកបរទូកដែលមានបទពិសោធន៍ បានសារភាពថា ខ្លួនពិតជាបានបង្កឲ្យទូកធេងធោង, កន្ត្រាក់ៗ ដែលធ្វើឲ្យនាង Tangmo ធ្លាក់ទឹកស្លា.ប់។
ប៉ូលិសបាននិយាយថា ពួកគេមិនបានរកឃើញការប្រព្រឹត្តខុសនោះទេ ប៉ុន្តែមានភស្តុតាងបន្ថែមទៀត ត្រូវបានគេយកចិត្តទុកដាក់ ហើយពួកគេកំពុងពិនិត្យមើល។ ការបង្ហោះ បានរីកសាយភាយនៅលើប្រព័ន្ធផ្សព្វផ្សាយសង្គម រួមជាមួយនឹងមតិយោបល់ពីមនុស្សផ្តល់ទ្រឹស្តីផ្ទាល់ខ្លួនរបស់ពួកគេអំពីអ្វីដែលបណ្តាលឱ្យមានគ្រោះ.ថ្នាក់។
ប៉ុន្តែលោកឧត្តមសេនីយ៍ទោ Jirapat Phumjit មេបញ្ជាការនគរបាលភូមិភាគទី១ បាននិយាយកាលពីថ្ងៃសុក្រថា មិនទាន់មានភស្តុតាងច្បាស់លាស់ណាមួយដែលបង្ហាញថាការស្លា.ប់នេះមិនមែនជាគ្រោះ.ថ្នាក់នោះទេ។
ប្រធានផ្នែកស៊ើបអង្កេតបាននិយាយថា ប៉ូលិសកំពុងរង់ចាំព័ត៌មានបន្ថែមមុននឹងបញ្ចប់ករណីនេះ។ លោកបានបន្ថែមថា នោះរាប់បញ្ចូលទាំងលទ្ធផលក្រោយការធ្វើកោសល្យវិច័យដែលធ្វើឡើងនៅមន្ទីរពេទ្យ Siriraj ដើម្បីប្រៀបធៀបជាមួយមន្ទីរពេទ្យទូទៅ ព័ត៌មានពីសាក្សី និងភស្តុតាងផ្សេងៗទៀត។
ឧត្តមសេនីយ៍ឯក Jirapat បាននិយាយថា វានឹងចំណាយពេលប្រហែល 4 សប្តាហ៍ មុនពេលអ្នកស៊ើបអង្កេតឈានដល់ការសន្និដ្ឋានចុងក្រោយរបស់ពួកគេ៕
