គេសង្កេតឃើញថា ភាពផ្អែមល្ហែម និងទំនាក់ទំនងយ៉ាងជ្រាលជ្រៅ រវាង នាយព្រែក និង តារាសម្ដែង ឈិន មុន្នីនាថ ពីមួយថ្ងៃទៅមួយថ្ងៃ បានធ្វើឱ្យអ្នកគាំទ្រ កាន់តែចាប់អារម្មណ៍ តាមដានខ្សែជីវិតស្នេហារបស់ពួកគេ។
ភាពផ្អែមល្ហែមនេះ ក្រៅតែពីការបង្ហាញឲ្យដឹង តាមរយៈបណ្ដាញសង្គមហើយនោះ គេក៏ឧស្សាហ៍ឃើញ ពួកគេ បណ្ដើរគ្នាចេញក្រៅ ឬធ្វើដំណើរកម្សាន្តផ្សេងៗផងដែរ។ ក្នុងនោះមានការលើកឡើងថា ពួកគេសក្ដិសមគ្នាណាស់ រហូតឈានដល់សួររឿងថ្ងៃរៀបការថែមទៀតផង។
លើសពីនេះ កាលពីថ្ងៃទី១៩ ខែកក្កដា ឆ្នាំ២០២១កន្លងទៅនេះ ពួកគេ កាន់តែធ្វើឲ្យអ្នកគាំទ្រ មានការចាប់អារម្មណ៍ថែមមួយកម្រិតទៀត ក្រោយពីពួកគេ បានបង្ហោះវីដេអូច្រៀងឆ្លើយឆ្លងគ្នានៅលើបណ្ដាញសង្គមទីកតុក ហើយយកមកបង្ហោះបន្តនៅក្នុងបណ្ដាញសង្គមហ្វេសប៊ុកនោះ។
នៅក្នុងវីដេអូ ច្រៀងឆ្លើយឆ្លងគ្នា នូវបទ «សំណាបយោងដី» ដែលយកមកបង្ហោះក្នុងទំព័រហ្វេសប៊ុករបស់ខ្លួននេះ, តារាសម្ដែង វ័យក្មេង កំពុងឡើងកូដ ឈិន មុន្នីនាថ បានភ្ជាប់ជាមួយCaptionយ៉ាងទាក់ទាញថា «ច្រៀងលេងជាមួយពូ នាយ ព្រែក ខុសឆ្គងអីសូមបងប្អូនកុំប្រកាន់ណា ស្ដាប់លេងៗទៅចា»។
នៅក្រោម វីដេអូនោះ នាយព្រែក ក៏បានចូលទៅខំមិន បែបលេងសើចថា «ដោយសារខ្ញុំនៅជិតកាមេរ៉ាពេកចឹងសំឡេងខ្ញុំជះរៀងខ្លាំង អត់សូវឮល្អដូចនាថទេ កុំអីពីរោះជាងនាថបាត់ហើយ ហាហាហាហា។ ចំណែក មុន្នីនាថ បានឆ្លើយតប តាមរយៈខំមិនដែរថា «ខ្ញុំច្រៀងពីរោះស្រាប់»។
វីដេអូមួយនេះ ក្រោយបង្ហោះរយៈពេលប៉ុន្មានថ្ងៃ គិតត្រឹមថ្ងៃទី២៥ ខែកក្កដា ឆ្នាំ២០២១នេះ មានអ្នកទស្សនាសរុប រហូតដល់២លានដងឯណោះ ជាមួយនឹងការបញ្ចេញមតិជាង១ពាន់ ដោយក្នុងការបញ្ចេញមតិ (ខំមិន) នោះ ភាគច្រើន សុទ្ធតែលើកសរសើរថា ពួកគេច្រៀងពីរោះ និងគួរឲ្យស្រឡាញ់ថែមទៀតផង៕ សូមទស្សនាវីដេអូ ខាងក្រោមនេះ ៖
