ប៉ូលិស កំពុងពិចារណាពីលទ្ធភាពនៃការចោទប្រកាន់អ្នកទាំងអស់នៅលើទូកល្បឿនលឿន ដែលដឹកតារាសម្ដែងនាង Nida “Tangmo” Patcharaveerapong ជាមួយនឹងការធ្វេសប្រហែស ដែលនាំឱ្យស្លាប់ និងនិយាយមិនពិត។
ប្រភពពីនគរបាលភូមិភាគទី១ បានឲ្យដឹងថា កំណត់ត្រាសន្ទនាតាមទូរស័ព្ទ បានបង្ហាញថា បន្ទាប់ពីតារាស្រីរូបនេះ ធ្លាក់ចូលទន្លេចៅប្រាយ៉ា ក្នុងខេត្ត Nonthaburi កាលពីយប់ថ្ងៃព្រហស្បតិ៍ បុរសម្នាក់នៅលើទូកល្បឿនលឿន បានទូរស័ព្ទទៅកាន់បុគ្គលមានអំណាចជាច្រើននាក់ ដើម្បីសុំយោបល់ ហើយបានទទួលស្គាល់ថា ជននោះ បើកទូកពេលសោកនាដកម្មកើតឡើង បណ្តាលឱ្យទូកកញ្ចក់ៗក្នុងទឹក។
ប្រភពបន្តថា នៅពេលនោះ Tangmo បានចាប់ទាញមនុស្សម្នាក់ទៀតដែលមានប្រតិកម្មពីការភ័យខ្លាច ត្រូវបានធ្លាក់ចូលក្នុងទឹក។ ប្រតិកម្មនោះ បានធ្វើឲ្យតារាស្រីរូបនេះ ក្រឡាប់ផ្ងារជើងស្តាំត្រូវក្បាលទូក។
ប៉ូលិសគ្រោងនឹងកោះហៅគូកនរបស់តារាស្រីទាំង ៥ នាក់ ដែលអាចត្រូវបានចោទប្រកាន់ពីបទធ្វេសប្រហែសជាសមូហភាព ឈានទៅដល់ការស្លាប់ និងធ្វើសេចក្តីថ្លែងការណ៍មិនពិត។ មុននេះត្រូវបានគេចោទថា Tangmo បានធ្លាក់ពីលើទូក ខណៈនាងសម្រាកនៅខាងក្រោយទូក។
ជាមួយគ្នានេះ លោកឧត្តមសេនីយ៍ទោ Prachuap Wongsuk ជំនួយការស្នងការនៃការិយាល័យនគរបាលភូមិន្ទថៃ បាននិយាយថា នាយកដ្ឋានបង្ក្រាបបទល្មើសបច្ចេកវិទ្យា បានដាក់លទ្ធផលមួយផ្នែកពីការពិនិត្យលើទូរសព្ទរបស់មនុស្ស ៥ នាក់ផ្សេងទៀតនៅលើទូក ហើយប៉ូលិសនឹងប្រើប្រាស់កំណត់ត្រាតាមដាន (the tracking records )ដើម្បីដំណើរការឡើងវិញ នូវដំណើររបស់ទូកល្បឿនលឿនដើម្បីកំណត់ផ្លូវ និងល្បឿនពិតប្រាកដរបស់វានៅពេលដែល Tengmo ឡើងលើនោះ។
លោកឧត្តមសេនីយ៍ទោ Jirapat Phumjit ស្នងការនៃស្នងការដ្ឋាននគរបាលខេត្តភូមិភាគទី១ បាននិយាយថា ប៉ូលិសមិនទាន់អាចបញ្ជាក់បានថា តើការមុតជើងរបស់តារាស្រីរូបនេះ បណ្តាលមកពីស្លាបចក្រទូក ឬយ៉ាងណានោះទេ។ លោកបានបន្តថា ប៉ូលិស បានអញ្ជើញអ្នកជំនាញ និងអ្នកសិក្សាពាក់ព័ន្ធមកចែករំលែកការកត់សម្គាល់អំពីករណីនេះ។
ស្នងការប្រចាំតំបន់បានបញ្ជាក់ថា ប៉ូលិសប្រាកដជាអាចបិទបញ្ចប់ករណីនេះបាន។ លោកក៏បាននិយាយដែរថា បុរសពីរនាក់ដែលជិះទូកលឿនគ្មានប័ណ្ណបើកបរទូក។
Tangmo អាយុ ៣៧ ឆ្នាំបានធ្លាក់ចូលទៅក្នុងទន្លេ Chao Phraya ក្បែរផែ Pibul 1 ក្នុងសង្កាត់ Muang នៃ Nonthaburi ប្រហែលម៉ោង 10.40 យប់ថ្ងៃព្រហស្បតិ៍។ សាកសពរបស់នាងត្រូវបានរកឃើញនៅម៉ោងប្រហែល ១ រសៀលថ្ងៃសៅរ៍។
មុននេះប៉ូលិស បានចាប់យកស្លាបចក្រទូកមកពិនិត្យ។ កាលពីថ្ងៃពុធ ពួកគេ បានភ្ជាប់វាឡើងវិញសម្រាប់ការធ្វើដំណើរនៅទន្លេចៅប្រាយ៉ា។
ការចាប់ផ្តើម ធ្វើឡើងវិញនៅម៉ោងប្រហែល ៦ ល្ងាច ប៉ុន្តែបានឈប់ នៅពេលដែលស្លាបចក្រ បានបាត់ក្នុងទន្លេ។ វានឹងត្រូវបន្តឡើងវិញនៅពេលដែលប៉ូលិសបានភ្ជាប់ស្លាបចក្រមួយទៀតទៅក្នុងទូក៕ ប្រភព ៖ បាងកកប៉ុស្ដិ៍
ដេីម្បីកាន់តែជ្រាបច្បាស់សូមទស្សនារូបភាពខាងក្រោមទាំងអស់គ្នា៖
