ប៉ូលិស បានរកឃើញការមុតភ្លៅរបស់តារាសម្តែងNida “Tangmo” Patcharaveerapong ដែលបានលង់ទឹកទន្លេចៅប្រាយ៉ាកាលពីសប្តាហ៍មុន និងបានរកឃើញស្នាមកោសលើអ្នកជិះទូកជាមួយនាងដែលមានអាយុប្រហែលប្រាំទៅប្រាំពីរថ្ងៃ។
ប៉ូលិសជាន់ខ្ពស់ បានធ្វើសន្និសីទសារព័ត៌មានមួយនៅស្ថានីយប៉ូលិស Muang Nonthaburi នាថ្ងៃអង្គារ ទី១ ខែមីនា ឆ្នាំ២០២២នេះ ដើម្បីផ្តល់ព័ត៌មានអំពីវឌ្ឍនភាពនៃការស៊ើបអង្កេតរបស់ពួកគេលើការស្លា.ប់របស់ Tangmo។
Pol Col Napaphat Natthasumon មកពីវិទ្យាស្ថាន Forensic Medicine នៃមន្ទីរពេទ្យ Police General Hospital បាននិយាយថា ការធ្វើកោសល្យវិច័យបានបញ្ជាក់ថា Tangmo បានលង់ទឹកស្លា.ប់ ដោយសារតែមានភក់នៅក្នុងសួត។
ប៉ូលិស បានរកឃើញការមុតភ្លៅស្តាំរបស់នាងយ៉ាងធំ ប៉ុន្តែមិនទាន់បញ្ជាក់ថា វាមកពីកប៉ាល់ទូក ឬយ៉ាងណានោះទេ។ Pol Col Napaphat បាននិយាយថា មានស្នាមកោសតូចៗនៅជើងឆ្វេងរបស់នាង ហើយប៉ូលិសមិនទាន់អាចកំណត់អត្តសញ្ញាណបាននៅឡើយ។
នាង បាននិយាយថា Nitas “Job” Kiratisoothisathornជាអ្នករួមដំណើរលើទូកជាមួយ Tangmo មានស្នាមរបួសនៅដៃ និងមានស្នាមជាំលើស្មា។ ស្នាមនោះធំជាងការកោសក្រចកដៃ ហើយស្នាមជាំនេះបណ្តាលមកពីការប៉ះពាល់ជាមួយវត្ថុរឹង។
ស្នាមទាំង២នេះ មិនមែនមកពីការប្រយុទ្ធគ្នាទេ។ នាងបានបន្ថែមថា ស្នាមនេះ មានអាយុពី ៥ ទៅ ៧ ថ្ងៃ។
នាយឧត្តមសេនីយ៍ Chutima Chaimusik មេបញ្ជាការមជ្ឈមណ្ឌលស្រាវជ្រាវឧក្រិដ្ឋកម្មវិទ្យាសាស្ត្រទី១ បាននិយាយថា មជ្ឈមណ្ឌលគួរតែដឹងក្នុងរយៈពេលពី ៣ ទៅ ៤ ថ្ងៃ ប្រសិនបើមានដានទឹកនោមនៅខាងក្រោយទូកលឿន និងនៅលើអាវ និងកន្សែងរបស់ Tangmo។ អ្នករួមដំណើរទូកម្នាក់បាននិយាយមុននេះថា តារាស្រីរូបនេះ បានធ្លាក់ពីលើទូក ខណៈកំពុងសម្រាកនៅខាងក្រោយទូក។
នាយឧត្តមសេនីយ៍ ជុន ធីម៉ា បាននិយាយថា នៅលើទូកនោះ មិនមានគ្រឿងញៀ.នទេ។
លោកឧត្តមសេនីយ៍ទោ Jiraphat Phumjit ស្នងការនៃស្នងការដ្ឋាននគរបាលខេត្តលេខ១ ដែលគ្របដណ្តប់ខេត្ត Nonthaburi បាននិយាយថា មន្ត្រីមិនអាចធ្វើការពិនិត្យលើទូកក្តោងល្បឿនលឿន ដែលរួមដំណើរដោយដៃគូរបស់Tangmoចំនួន៥នាក់ បានភ្លាមៗនោះទេ ដោយសារត្រូវរង់ចាំការយល់ព្រមជាមុនសិន។ លោកបន្ថែមថា ពួកគេត្រូវបានគេចាត់ទុកជាសាក្សី មិនមែនជាជនសង្ស័យទេ។
គាត់បាននិយាយថា ប៉ូលិសកំពុងរង់ចាំលទ្ធផលតេស្តឈាមរបស់ពួកគេ ហើយការធ្វើតេស្ត DNA ក៏នឹងត្រូវបានអនុវត្តផងដែរ។
Tangmo បានធ្លាក់ចូលទៅក្នុងទន្លេប្រហែល 10.40 យប់ថ្ងៃព្រហស្បតិ៍។ សាកសពរបស់នាងត្រូវបានរកឃើញនៅម៉ោងប្រហែល ១ រសៀលថ្ងៃសៅរ៍។
ប៉ូលិសបានចោទប្រកាន់អ្នករួមទូកពីរនាក់រួចហើយ។ ការធ្វេសប្រហែសបណ្ដាលឲ្យស្លាប់ស្ថិតក្នុងចំណោមបទចោទ។
ស្របពេលលទ្ធផលស៊ើបអង្កេតខាងលើ មិនទាន់បិទបញ្ចប់នោះ មហាជន បានដាក់ការសង្ស័យជាច្រើនលើមនុស្សទាំង៥នាក់ ដែលជិះទូកជាមួយTangmo ហើយអ្នក ដែលគេសង្ស័យច្រើនជាងគេ គឺ Gatick អ្នកគ្រប់គ្រងផ្ទាល់របស់Tangmoតែម្ដង។
ទោះយ៉ាងណា Gatick បានបកស្រាយចម្ងល់ជាច្រើនរួចមកហើយ ហើយក្នុងចំណោមចម្ងល់ជាច្រើននោះ នាងក៏បានដាច់ចិត្តឆ្លើយហើយ រឿងពាក់ព័ន្ធនឹងកូនស្រី ដែលមានពាក្យលើកឡើងថា «បើ Tangmo ស្លាប់បាត់កូនស្រីរបស់នាងនឹងទទួលមរតកបន្តពី Tangmo»។
Gatick បានឆ្លើយតបថា៖ «ពាក់ព័ន្ធនឹងបញ្ហានេះ ខ្ញុំសូមឆ្លើយថាគឺមិនពិតទេ មិនពិត ១០០ ភាគរយ ព្រោះមិនមានការចុះហត្ថលេខាលើក្រដាសស្នាមអ្វីនោះឡើយ ខ្ញុំនៅតែជាម្តាយកូនរបស់ខ្ញុំ ១០០ ភាគរយ ពួកយើងជួយមើលកូនគ្នាពិតមែន តែខ្ញុំនៅតែជាម្តាយ មិនមែនខ្ញុំប្រគល់ភារកិច្ចនេះទាំងស្រុងឱ្យ Tangmo នោះឡើយ។
អ្វីដែល Tangmo ជួយបានក៏ជួយ អ្វីដែលជួយមិនបានក៏ប្រាប់គ្នាទៅវិញទៅមកត្រង់ៗ មិនមានការប្រគល់ភារកិច្ចគ្រប់យ៉ាងឱ្យនោះទេ ហើយចំពោះរូបភាពចេញទៅ ពួកយើងទាំងពីរធ្លាប់បាននិយាយគ្នារួចហើយ ព្រោះ Tangmo គឺជាម្តាយធម៌កូនខ្ញុំ។ ខ្ញុំក៏មើលការខុសត្រូវកូន Tangmo ក៏មើលការខុសត្រូវកូន ពួកយើងតែងនិយាយគ្នាទៅវិញទៅមក ព្រោះពួកយើងមិត្តភក្តិគ្នា»។
ចំណែក ក្រុមហ៊ុនធានារ៉ាប់រងអាយុជីវិត Dhipaya បានទម្លាយថា ករណីការស្លាប់របស់តារាស្រី Tangmo ខាងក្រុមហ៊ុនធានារ៉ាប់រងនឹងផ្តល់សំណងចំនួន ១ លានបាត ដែលស្មើរនឹង ៣ ម៉ឺនដុល្លារ។ ក្នុងនោះឈ្មោះដែលតារាស្រី Tangmo បានដាក់ក្នុងបញ្ជីទទួលលុយនោះ គឺជាឈ្មោះកូនស្រីចិញ្ចឹមរបស់នាង ដែលត្រូវជាកូនបង្កើតរបស់ Gatick ជាអ្នកទទួលតែម្នាក់គត់។
ក្រោយបានឮដូច្នេះ ម្នាក់ៗស្ទើរតែស្រសក់ទឹកភ្នែកអាណិត Tangmo ដែលមួយជីវិតនេះនាងស្ទើរតែធ្វើដើម្បីអ្នកដទៃ ជាពិសេសចំពោះនាង Gatick និង កូនស្រី តែចុងក្រោយបែរជាមកត្រូវបាត់បង់ជីវិតដោយបែបនេះទៅវិញ៕
