ខណៈដែលការស្លាប់ដោយចៃដន្យរបស់តារាសម្តែង Nida “Tangmo” Patcharaveerapong ដែលបានធ្លាក់ពីលើទូកល្បឿនលឿនចូលទៅក្នុងទន្លេចៅប្រាយ៉ា កាលពីយប់ថ្ងៃព្រហស្បតិ៍ បានទទួលការចាប់អារម្មណ៍ពីគ្រប់ៗគ្នាក្នុងប្រទេសនោះ, ប៉ូលិសភូមិន្ទថៃ កំពុងធ្វើការស៊ើបអង្កេតលើករណីរឹតបន្តឹងផ្លូវទឹក ដើម្បីជម្រះមន្ទិលសង្ស័យអំពីសោកនាដកម្មនេះ។
ដោយចាត់ទុកថាជនសង្ស័យក្នុងសំណុំរឿងគឺជាអ្នកជំនួញ ដែលមានទ្រព្យសម្បត្តិ, អ្នកស៊ើបអង្កេត RTP ស្ថិតនៅក្រោមសម្ពាធដើម្បីបង្ហាញថា ពួកគេមានសមត្ថភាពដោះស្រាយបញ្ហាដោយតម្លាភាព។
នោះបាននិយាយថា ការស្លាប់របស់ Tangmo មិនមែនគ្រាន់តែជាការធ្វេសប្រហែសព្រហ្មទណ្ឌប៉ុណ្ណោះទេ, នាយកដ្ឋានកំពង់ផែ និងភ្នាក់ងារផ្សេងទៀតដែលទទួលបន្ទុកត្រួតពិនិត្យការដឹកជញ្ជូនតាមផ្លូវទឹក គឺគ្រាន់តែជាកំហុស ហើយពួកគេត្រូវតែឈានជើងចូលដោះស្រាយបញ្ហា។
ដោយសារប្រទេសថៃមានភាពល្បីល្បាញ ដោយសារតួលេខគ្រោះ.ថ្នាក់ចរា.ចរណ៍ និងការស្លាប់ខ្ពស់ គ្រោះ.ថ្នាក់នៅតាមដងផ្លូវទឹកទាក់ទាញការចាប់អារម្មណ៍ពីប្រព័ន្ធផ្សព្វផ្សាយ។ និយាយថាគ្រោះ.ថ្នាក់បែបនេះ គឺសា.ហាវដូចការកើតឡើងនៅលើគោកអ៊ីចឹង។
ក្នុងឆ្នាំ 2018 អ្នកទេសចរចំនួន 46 នាក់ បានស្លាប់ បន្ទាប់ពីទូកមួយ បានលិចនៅភូកេត ខណៈដែលថ្មីៗនេះ មនុស្សមួយចំនួនទៀតបានបាត់បង់ជីវិតនៅក្នុងឧបទ្ទវហេតុនៅតាមបណ្តោយទន្លេចៅប្រាយ៉ា ជិតទីក្រុងបាងកក និងអយុធ្យា។
កំណត់ត្រាបែបនេះ បានជំរុញឱ្យអាជ្ញាធរបង្កើនការត្រួតពិនិត្យសុវត្ថិភាពនៃទូកសាធារណៈ ប៉ុន្តែទូកកម្សាន្ត ដែលគ្រប់គ្រងដោយឯកជន ដូចជាទូក Tangmo បានជិះជាដើម កម្រទទួលការត្រួតពិនិត្យបែបនេះណាស់។
នេះជាការព្រួយបារម្ភព្រោះវិស័យនេះកំពុងមានសន្ទុះខ្លាំង ដោយមានបុគ្គល និងតារាល្បីៗកាន់តែច្រើនប្រើទូកល្បឿនលឿន និងទូកកាណូតទៅភោជនីយដ្ឋាន និងបារតាមដងទន្លេ។
ខណៈស្ថានភាពកម្មសិទ្ធិរបស់ទូកនៅតែមិនច្បាស់លាស់ មានរឿងមួយប្រាកដថា ទូកមិនត្រូវបានចេញពីចតនៅយប់នោះទេ។ ពន្ធរបស់ទូកហួសកាលកំណត់ ហើយការធានារ៉ាប់រងរបស់វាបានផុតកំណត់។
ប៉ូលិសក៏បានរកឃើញកែវស្រា និងស្នាមប្រឡាក់ស្រាក្រហមនៅក្នុងទូកផងដែរ។ គេនៅមិនទាន់ដឹងថា តើប៉ូលិសបានធ្វើតេស្តរកសារធាតុញៀ.ន និងជាតិអាល់កុលលើអ្នកដែលមានវត្តមាននៅលើទូកឬអត់នោះទេ។
ទោះបីជាពួកគេធ្វើក៏ដោយ ក៏ពួកគេប្រហែលជាមិនអាចរកឃើញភស្តុតាងសំខាន់ៗណាមួយឡើយ ខណៈដែលការធ្វើតេស្តលើមនុស្សទាំងប្រាំនាក់នៅលើទូក ត្រូវបានធ្វើឡើងបន្ទាប់ពីពួកគេបានរាយការណ៍ទៅប៉ូលិសពីរថ្ងៃក្រោយមក។
មិត្តភក្តិរបស់ Tangmo ក៏បានផ្តល់ការពន្យល់ដ៏ច្របូកច្របល់អំពីរបៀបដែលតារាស្រីរូបនេះធ្លាក់ក្នុងទន្លេ។
ប្រធានទូក ត្រូវបានគេរាយការណ៍ថា គាត់មិនឮតួស្រីស្រែកខ្លាំងៗពីឧបករណ៍បំពងសំឡេង និងម៉ាស៊ីនរបស់ទូកនោះទេ។ ដោយសារការផឹកស៊ីដែលកំពុងកើតឡើងនៅលើទូក វាមិនមែនជារឿងភ្ញាក់ផ្អើលនោះទេ នៅពេលដែលប៉ូលិសដឹងថា អ្នកជិះលើទូកទាំង ៦ នាក់នោះ មិនបានពាក់អាវជីវិតទេ ទោះបីជាពួកគេចេញដំណើរទាំងយប់ក៏ដោយ។
សំណួរមួយទៀតគឺថាតើអ្នកទទួលខុសត្រូវលើទូកនៅយប់នោះ ដែលជាអ្នកនាំចូលរថយន្តទំនើប,មនុស្សវ័យក្មេង, អ្នកមានចតុស្តម្ភ មានជំនាញខាងសុវត្ថិភាពទូកដែរឬទេ?
នាយកដ្ឋានកំពង់ផែ និងអាជ្ញាធរពាក់ព័ន្ធផ្សេងទៀតមិនអាចមានលទ្ធភាពនៅទំនេរបានទេ។
ផ្លូវទឹករបស់ប្រទេសថៃបានក្លាយទៅជាកន្លែងលេងកម្សាន្តយ៉ាងឆាប់រហ័សសម្រាប់អ្នកជិះទូកកម្សាន្ត ហើយនាយកដ្ឋានត្រូវតែធ្វើឱ្យប្រាកដថាអ្នកដែលនៅពីក្រោយចង្កូតគឺសមនឹងមិនត្រឹមតែបើកបរប៉ុណ្ណោះទេ ប៉ុន្តែថែមទាំងទទួលខុសត្រូវចំពោះសុវត្ថិភាពរបស់មនុស្សផ្សេងទៀតនៅលើទូកផងដែរ។
ការខកខានក្នុងការអនុវត្តការប្រុងប្រយ័ត្នសុវត្ថិភាពនឹងត្រួសត្រាយផ្លូវសម្រាប់សោកនាដកម្មបន្ថែមទៀត៕
