គេនៅចាំបានថា ម្ចាស់បទ«កុលាបពុលដី» លោក កែវ វាសនា បានសម្រេចចិត្តបញ្ចប់ភាពនៅលីវ កាលពីថ្ងៃទី១១ ខែឧសភា ឆ្នាំ២០១៦ ជាមួយនឹងកូនស្រី របស់សេដ្ឋីជនបទ ឈ្មោះ«សេដ្ឋីលី» ក្នុងស្រុកមង្គលបុរី ខេត្តបន្ទាយមានជ័យ។
ទោះយ៉ាងណា ទម្រាំតែបានរៀបការជាមួយគ្នានេះ លោកកែវ វាសនា និងភរិយា បានឆ្លងកាត់ឧបសគ្គជាច្រើន ពិសេសការតាមបំបែកបំបាក់ស្នេហាពីសំណាក់ឪពុកខាងស្រី។ ចុងក្រោយពួកគេ នៅតែជម្នះវាបាន ហើយទទួលការស្រឡាញ់ទ្វេដង ធ្វើឲ្យគ្រួសាររស់នៅយ៉ាងមានសុភមង្គល។
បច្ចុប្បន្ន លោកកែវ វាសនា បានរួមរស់ជាមួយភរិយា មានកូនក្នុងបន្ទុកចំនួន២នាក់ ជាមួយនឹងប្រភពចំណូលច្រើនផ្នែក ធ្វើឲ្យគ្រួសារពួកគេ កាន់តែមានសុភមង្គលថែមទៀត។ ជាក់ស្ដែង កាលពីអំឡុងឆ្នាំ២០២១ ភរិយា លោកកែវ វាសនា បានទម្លាយពីប្រភពចំណូលរបស់ខ្លួនថា មានចំនួន៣ផ្នែក
ហើយការមានបានដូចសព្វថ្ងៃ ក៏មិនមែន ដោយសារទ្រព្យសម្បត្តិរបស់ឪពុកម្ដាយ១រៀលដែរ គឺបានគ្រប់យ៉ាងដូចសព្វថ្ងៃជាញើសឈាមរបស់ពួកគេទាំង២តែម្ដង។ តាមរយៈនេះ ឃើញថា ប្រពន្ធលោក កែវ វាសនា មិនត្រឹមតែស្អាតនោះទេ ថែមទាំងឆ្លាតក្នុងការរកស៊ី ទៀតផង។
លើសពីនេះ កាលពីថ្ងៃទី១៧ ខែកុម្ភៈ កន្លងទៅនេះ អ្នកនាង លឹម សុគន្ធធារី ហៅ ឆី ឆី ថែមទាំងបង្ហោះរូបថតរបស់ខ្លួន១សន្លឹកឈរមុខរថយន្ត Rolls-Royce យ៉ាងថ្មីសន្លាងទៀតផង ហើយប្រាប់ថា «រាល់ថ្ងៃអ្វីដែលយើងអាចធ្វើបានធ្វើទៅ អោយតែយើងសប្បាយចិត្ត
រស់ដើម្បីជីវិតយើងអោយមានន័យ មិនមែនរស់ដើម្បីផ្គាប់ចិត្តអ្នកដទៃឡើយ»។
តាមរយៈនេះ អ្នកលេងបណ្ដាញសង្គមមួយចំនួនចូលរំមិនភ្លែតថា «តោះជប់លៀង, ឃើញចតមុខផ្ទះអូន ញាក់ណាស់ចេ, ឃើញកូនដែរ ពេលបងទៅមើលផ្ទះ តែអត់ឃើញម៉ាក់ ព្រោះអត់ស្គាល់ឡាន, អបអរសាទរអូន»៕ សូមទស្សនាវីដេអូ ខាងក្រោម ៖
