នោះ! ក្រោយ​ល្បី​រឿង​ លោក​ឌួង ងៀប ​​ធ្វើ​អត្តសញ្ញាណប័ណ្ណ​ក្លែង​ក្លាយ​ឲ្យ​ចិន ​យក​លុយ​ជាង​២០​ម៉ឺន​ដុល្លារ ​ស្រាប់តែ​លោក​ផែង វណ្ណៈ ​ដាក់​ចំៗ​ថា…

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

កាលពី​ថ្ងៃ​ទី​១១ ខែ​កុម្ភៈ ឆ្នាំ​២០២២​​ លោកជំទាវ ហ៊ុន ស៊ី​ណាត ​បាន​បង្ហោះ​លិខិត​មួយច្បាប់ ពាក់ព័ន្ធ​នឹង តំណាង អយ្យការ ប្រាប់​សម្ដេច ក្រឡា ហោម ស ខេង អំពី ការចោទប្រកាន់ ជា​ផ្លូវការ ចំពោះ​លោក ឌួង ងៀប។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

បង្ហោះ​ភ្ជាប់​ជាមួយ​លិខិត​មួយ​ច្បាប់ លោកជំទាវ ហ៊ុន ស៊ី​ណាត បាន​លើកឡើង​ថា «​តំណាង​អយ្យការ អម​សាលាដំបូង​រាជធានី​ភ្នំពេញ ធ្វើលិខិត គោរព​ជូន សម្ដេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី ក្រសួងមហាផ្ទៃ អំពី​ការចោទប្រកាន់​ជា​ផ្លូវការ​ចំពោះ​លោក​ឧត្ដមសេនីយ៍ឯក ឌួង ងៀប អគ្គលេខាធិការរង ក្រសួងមហាផ្ទៃ ពីបទ ឆបោក និង ក្លែងបន្លំ​ឯកសារ​សាធារណៈ​ធ្វើ​អត្តសញ្ញាណប័ណ្ណ​ក្លែងក្លាយ​ឲ្យ​ចិន​យក​លុយ​២០ ម៉ឺន​ដុល្លារ​ពេលនេះ​ចិន​ប្ដឹង​»​។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

នៅ​ក្នុង​លិខិត​គោរព​ជម្រាប​ជូន​សម្ដេច សខេង តាមរយៈ​រដ្ឋមន្ត្រី​ក្រសួង​យុត្តិធម៌​​ បាន​បញ្ជាក់​ដូច្នេះ​ថា «​អយ្យការ​អម​សាលាដំបូង​រាជធានី​ភ្នំពេញ បានទទួល​ចាត់ការ​សំណុំរឿង​ព្រហ្មទណ្ឌ​លេខ​: ១០៤៣ ចុះ​ថ្ងៃទី​១ ខែមីនា ឆ្នាំ​២០២១ តាម​ពាក្យបណ្ដឹង​របស់​ឈ្មោះ HUANG HSIAO SHIEN បាន​ប្ដឹង​ឈ្មោះ​ឌួង ងៀប និង​ឈ្មោះ ឌួង ម៉េង​ហុង ពីបទ : ឆបោក ក្លែងបន្លំ​ឯកសារ​សាធារណៈ និង​សមគំនិត​ក្នុង​អំពើ​ឆបោក និង​សមគំនិត​ក្នុង​អំពើ​ក្លែងបន្លំ​ឯកសារ​សាធារណៈ ប្រព្រឹត្ត​នៅ​រាជធានី​ភ្នំពេញ កាលពី​អំឡុង​ឆ្នាំ​២០១៨»​។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ក្រោយពី​បានធ្វើការ​ស៊ើបអង្កេត និង​ពិនិត្យ​លើ​ភស្តុតាង​នានា​ក្នុង​សំណុំរឿង តំណាង​អយ្យការ​អម​សាលាដំបូង​រាជធានី​ភ្នំពេញ សម្រេច​បើក​ការស៊ើបអង្កេត​ឈ្មោះ ឌួង ងៀប ភេទ​ប្រុស អាយុ​៥៦​ឆ្នាំ មុខរបរ​អគ្គលេខាធិការ​រង នៃ​ក្រសួងមហាផ្ទៃ​, ឈ្មោះ ឌួង ម៉េង​ហុង ព្រមទាំង​បក្ខពួក ពីបទ​ឆបោក និង​ក្លែងបន្លំ​ឯកសារ​សាធារណៈ ប្រព្រឹត្ត​នៅ​រាជធានី​ភ្នំពេញ កាលពី​អំឡុង​ឆ្នាំ​២០១៨ បទល្មើស​ព្រហ្មទណ្ឌ ដែលមាន​ចែង​ឲ្យ​ផ្ដន្ទាទោស​តាម​មាត្រា ៣៧៧, មាត្រា​៣៧៨, មាត្រា​៦២៦ និង​មាត្រា​៦២៩​ក្រុម​ព្រហ្មទណ្ឌ នៃ​ព្រះរាជាណាចក្រ​កម្ពុជា តាម​ដីកា​សន្និដ្ឋាន​បញ្ជូន​រឿង​ឲ្យ​ស៊ើបសួរ​លេខ​៣០០៩ អ​.​យ​.​ខ​ចុះ​ថ្ងៃ​ទី​២១ ខែកញ្ញា ឆ្នាំ​២០២១ ហើយ​បញ្ជូនទៅ​សាលាដំបូង​រាជធានី​ភ្នំពេញ​ដើម្បី​ចាត់ការ​បន្ត​តាម​នីតិវិធី។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ងាកមកលោកផែង វណ្ណៈ ដែលជាអ្នកសារព័ត៌មានដ៏ល្បី ក្រោយដឹងរឿងលោក ឌួង ងៀប ​​ធ្វើ​អត្តសញ្ញាណប័ណ្ណ​ក្លែង​ក្លាយ​ឲ្យ​ចិន ​យក​លុយ​ជាង​២០​ម៉ឺន​ដុល្លារនោះ នៅព្រឹកថ្ងៃទី១២ ខែកុម្ភៈ ឆ្នាំ២០២២នេះ លោក បានលើកឡើងថា «យកលុយគេ​ទាំងសែនទាំងលានដុល្លារ​ អត់បង្ហោះ​ប្រាប់​មហាជន​ ប្រាប់​ថ្នាក់​ដឹកនាំ​អោយដឹងទេ​ យកទៅចាយ​ហ៊ឺហា​ជាមួយស្រីក្មេង​ កំដរតណ្ហា​ភ្លេចប្រពន្ធកូន។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

លុះពេលម្ចាស់លុយគេប្ដឹង​ទាមទារ​លុយគេវិញ​ អត់​លុយសងគេ​ បង្ហោះ​ហ្វេសប៊ុក​ ធ្វើ​ឆ្កួត​ ធ្វើ​ជា​ រកមហាជន​ និង​ ថ្នាក់​ដឹកនាំ​ជួយ។ ចង់​បោកប្រាស់​គេ​ ហ្វ្រី​មែន​ ? បោកគឺបោក​ ច្បាប់​គឺច្បាប់​ សម្រែក​តាម ហ្វេសប៊ុក​ មិនអាចគេចផុតពី​សំណាញ់​ច្បាប់​បានទេ​»។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​សូមបញ្ជាក់ថា ពាក់ព័ន្ធ​នឹង​ករណី​ឈ្មោះ ឌួង ងៀប នេះដែរ នៅ​យប់​ថ្ងៃទី​១០ ខែកុម្ភៈ ឆ្នាំ​២០២២ អ្នកនាំពាក្យ​សាលាដំបូង​រាជធានី​ភ្នំពេញ បានចេញ​សេចក្តីថ្លែងការណ៍​មួយ បញ្ជាក់ថា កាលពី​ថ្ងៃទី​៧ ខែកុម្ភៈ ឆ្នាំ​២០២២ វេលា​ម៉ោង ២៣:៣០​នាទី​យប់ បណ្តាញ​ទំនាក់ទំនង​សង្គម Facebook ដែលមាន ឈ្មោះ Duong Ngeap បាន​បង្ហោះ​វីដេអូ​មួយ ក្រោម​ការចោទប្រកាន់​សាលាដំបូង​រាជធានី​ភ្នំពេញ​ថា បាន​ចាត់ការ​សំណុំរឿង​របស់គាត់ ពីស​ទៅ​ខ្មៅ និង​ចោទប្រកាន់​រូបគាត់​ថា បាន​ឆបោក​ជនជាតិ​តៃវ៉ាន់​។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​បើតាម​អ្នកនាំពាក្យ​សាលាដំបូង​រាជធានី​ភ្នំពេញ បាន​លើកឡើងថា សំណុំរឿង​ព្រហ្មទណ្ឌ​លេខ​៧២១៧ ចុះ​ថ្ងៃទី​៨ ខែវិច្ឆិកា ឆ្នាំ​២០២០ ត្រូវបាន​អយ្យការ​អម​សាលាដំបូង​រាជធានី​ភ្នំពេញ បើក​ការ​ស៊ើបសួរ​លើ​ឈ្មោះ ឌួង ងៀប តាម​ដីកា​សន្និដ្ឋាន​បញ្ជូន​រឿង​ឱ្យ​ស៊ើបសួរ​លេខ​១៨៣៤ អ​.​យ​.​ជ ចុះ​ថ្ងៃទី​២១ ខែមិថុនា ឆ្នាំ​២០២១ ពីបទ​ឆបោក និង​មិន​បំពេញ​កាតព្វកិច្ច​ចំពោះ​ឧបករណ៍​អាច​ជួញដូរ​បាន លើ​អង្គហេតុ​ពាក់ព័ន្ធ​នឹង​ការលក់​អចលនវត្ថុ​មួយកន្លែង ដែល​អ្នកទិញ​ជាដើម​បណ្តឹងរដ្ឋប្បវេណី​ឈ្មោះ CHIH YU YEN និង​ឈ្មោះ YAO CHING KING បានប្រគល់​ប្រាក់​ថ្លៃ​ដី​គ្រប់​ចំនួន ៧.៣០៥.០០០​ដុល្លារ ឱ្យទៅ​ជន​ត្រូវ​ចោទ​ឈ្មោះ ឌួង ងៀប រួចរាល់ ប៉ុន្តែ​ជន​ត្រូវ​ចោទថា​មិនមាន​ដី​នោះឡើយ​។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​អ្នកនាំពាក្យ​បន្តថា ក្នុងការ​សម្របសម្រួល​ដោះស្រាយ​ទំនាស់​ខាងលើនេះ លោក ដួង ងៀប បានចេញ​មូលប្បទានប័ត្រ​ចំនួន​៣​សន្លឹក សរុប​ទឹកប្រាក់​ជាង​៧​លាន​ដុល្លារ​អាមេរិក ទៅឱ្យ​ដើម​បណ្តឹងរដ្ឋប្បវេណី​។ តុលាការ​ថា មូលប្បទានប័ត្រ​ដែល​លោក ឌួង ងៀប ចេញ​ឱ្យ​ដើមបណ្តឹង​រដ្ឋប្បវេណី​នោះ​គឺ​គ្មាន​សាច់ប្រាក់​នោះទេ នៅពេលដែល​ដើម​បណ្តឹងរដ្ឋប្បវេណី​យកទៅ​បើក​នៅ​ធនាគារ​។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​អ្នកនាំពាក្យ​សាលាដំបូង​រាជធានី​ភ្នំពេញ បាន​បន្តទៀតថា ក្នុងដំណាក់កាល​ស៊ើបសួរ ចៅក្រម​ស៊ើបសួរ​បាន​ពិនិត្យ ផ្ទៀងផ្ទាត់​ភស្តុតាង និង​សួរចម្លើយ​ជន​ត្រូវ​ចោទ​ឈ្មោះ ឌួង ងៀប ហើយ​បានសម្រេច​មិន​ឃុំខ្លួន​ជន​ត្រូវ​ចោទ ដោយ​ជំនួស​មកវិញ​នូវ​ការដាក់​ជន​ត្រូវ​ចោទ​ឱ្យនៅ​ក្រោម​ការត្រួតពិនិត្យ​តាមផ្លូវ​តុលាការ ដោយ​តម្រូវឱ្យ​ដាក់​ប្រាក់​ធានា​មិន​ឃុំខ្លួន​ចំនួន​ទឹកប្រាក់​ជាង​៥​លាន​ដុល្លារ​អាមេរិក មក​តម្កល់​នៅ​គណនី​របស់​សាលាដំបូង​រាជធានី​ភ្នំពេញ​។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​អ្នកនាំពាក្យ​សាលាដំបូង​រាជធានី​ភ្នំពេញ បាន​បញ្ជាក់ថា “​ជន​ត្រូវ​ចោទ​ឈ្មោះ ឌួង ងៀប បានគេច​វេះ​ពី​កាតព្វកិច្ច​នៃ​ការត្រួតពិនិត្យ​តាមផ្លូវ​តុលាការ ចៅក្រម​ស៊ើបសួរ​ក៏បាន​ចាត់វិធានការ​បន្ត​តាម​នីតិវិធី ស្របតាម​បញ្ញត្តិ​មាត្រា ២៣០ នៃ​ក្រមនីតិវិធី​ព្រហ្មទណ្ឌ​”​។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​ជា​ចុងបញ្ចប់​នៃ​សេចក្តីថ្លែងការណ៍​របស់​ខ្លួន អ្នកនាំពាក្យ​សាលាដំបូង​រាជធានី​ភ្នំពេញ បាន​សង្កត់ធ្ងន់ថា “​សាលាដំបូង​នឹង​បន្ត​អនុវត្តតាម​នីតិវិធី​ជា​ធរមាន​ចំពោះ​ករណីនេះ ដោយ​មិន​អនុញ្ញាតឱ្យ​ជន​ត្រូវ​ចោទ​ឈ្មោះ ឌួង ងៀប ប្រើប្រាស់​ប្រព័ន្ធ​បណ្តាញ​សង្គម​ដើម្បី​គេចវេះ​ពី​ការទទួលខុសត្រូវ​រប​ស់​ខ្លួន​ឡើយ​”៕​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

Related posts

Leave a Comment