បើទោះជាថ្មីៗនេះ កក្កដា សុភ័ណ្ឌ ទទួលរងការរិះគន់ជាបន្តបន្ទាប់ជុំវិញការស្លៀកពាក់របស់ខ្លួនក៏ដោយ តែវាមិនបានធ្វើឲ្យប៉ះពាល់ដល់ចំណូលរបស់លោកនោះឡើយ។
ជាក់ស្ដែង កាលពីថ្ងៃទី៨ ខែកុម្ភៈ ឆ្នាំ២០២២ កក្កដា សុភ័ណ្ឌ បានក្លាយជាទូតសុឆន្ទៈរបស់ហាងលក់គ្រឿងចម្លាក់ឈើមួយកន្លែង រយៈពេល១ឆ្នាំពេញ ដោយទទួលបានថវិកាជាទីគាប់ប្រសើរទៀតផង។
បង្ហោះភ្ជាប់ជាមួយរូបថតទទួលបាច់ផ្កា និងថវិកា, កក្កដា សុភ័ណ្ឌ បានរៀបរាប់ថា «ថ្ងៃនេះខ្ញុំមានដំណឹងពិសេសមួយមកចែករំលែកជាមួយអ្នកទាំងអស់គ្នា! ខ្ញុំពិតជាមានកិត្តិយសជាខ្លាំង ដែលបានក្លាយខ្លួនជា(ទូតសុច្ឆន្ទៈ) 10000$កុងត្រាចំនួនមួយឆ្នាំពេញ ថ្មីដំបូងបំផុតរបស់ហាង តី អូន (លក់គ្រឿងចម្លាក់ឈើ) ហើយលើសពីនេះទៀតខ្ញុំពិតជារីករាយដែលបានចាប់ដៃគូជាមួយបងស្រីមានគោលដៅដូចគ្នា។ពួកយើងនឹងមានការងារពិសេសៗជាច្រើន ដើម្បីចែករំលែកដល់បងប្អូន»។
គួរបញ្ជាក់ថា កាលពីពេលថ្មីៗកន្លងទៅនេះ កក្កដា សុភ័ណ្ឌ បានទៅជួបលោកជំទាវ ហ៊ុន ស៊ីណាត ដើម្បីសុំពរជ័យ ទទួលការរិះគន់ម្ដងរួចមកហើយ ចំពោះការស្លៀកពាក់មិនសមរម្យនោះ។ មិនយូរប៉ុន្មាន ស្រាប់តែ កក្កដា សុភ័ណ្ឌ បានស្លៀកពាក់បែបមិនសមរម្យទៀត នៅមុខរូបសំណាកអ្នកតាដំបងគ្រញូង ខេត្តបាត់ដំបង ធ្វើឲ្យមានការរិះគន់ជាថ្មី។
ក្នុងចំណោមអ្នករិះគន់ជាច្រើននោះ ក៏មានលោកសុវណ្ណ រិទ្ធី ដែលជាអ្នកសារព័ត៌មានដ៏ល្បីផងដែរ ដោយលោកឡាយវីដេអូ និងបង្ហោះសារជាបន្តបន្ទាប់ជុំវិញជំហររបស់លោក ក្នុងការកែទម្លាប់អាក្រក់របស់កក្កដា សុភ័ណ្ឌនោះ។
លោក សុវណ្ណ រិទ្ធី បានបង្ហោះសារជាបន្តបន្ទាប់ដូច្នេះថា «សូមនិយាយបន្ត!!! បើខ្ញុំរៀបចំពាក្យប្តឹងបុគ្គល Kakada Sophorn កក្កដា សុភ័ណ្ឌ ទៅសាលាខេត្តបាត់ដំបង ដើម្បីអោយបុគ្គលនេះចេញមុខសុំទោសបងប្អូនប្រជាពលរដ្ឋខ្មែរដែលរស់ក្នុងខេត្តបាត់ដំបងយល់យ៉ាងណាដែរបងប្អូន,ខ្ញុំសុខចិត្តអោយអ្នកស្អប់ខ្ញុំ ….. តែខ្ញុំមិនអោយអ្នកយកសេចក្តីថ្លៃថ្នូររបស់ជនជាតិខ្ញុំមកធ្វើជាល្បែងកំសាន្តលេងសើចក្នុងបណ្ដាញសង្គមជាដាច់ខាត ៕,
អ្នកកុំគិតថា មនុស្សដូចខ្ញុំនិយាយហើយចោល …. មនុស្សដូចខ្ញុំបើហ៊ាននិយាយគឺហ៊ានធ្វើ …សប្បាយអរសិនចុះប្អូន …. ជួបគ្នាឆាប់ៗបងប្អូនអ្នកខេត្តបាត់ដំបង ……., ចេញមុខអ្នកកាង អ្នកការពារ មនុស្សវល់ៗក្នុងសង្គម មកបណ្តើរៗហើយ !? កុំគិតថាខ្ញុំដកថយ … មនុស្សដូចខ្ញុំបើតាំងចិត្តធ្វើហើយ គឺត្រូវធ្វើដល់ទីបញ្ចប់! ឲ្យឃើញ ស ឃើញខ្មៅ ដែរ !,
បើយើងជ្រុលជានិយាយហើយត្រូវតែកែទន្លាប់អាក្រក់របស់បុគ្គលនិងអោយដឹងអ្វីល្អ អ្វីអាក្រក់ ស-ខ្មៅ បើបន្តក្មេងជំនាន់ក្រោយនិងអាចយកគំរូតាម ព្រោះអីសម័យនេះ ជាសម័យអ៊ីនធ័រណេត៕ ជុំវិញការរិះគន់របស់លោក សុវណ្ណ រិទ្ធី នេះដែរ, កក្កដា សុភ័ណ្ឌ ធ្លាប់បានឆ្លើយតបម្ដងរួចមកហើយថា មនុស្សណាក៏ចេះខុសដែរ តែសម្រាប់ខ្លួនហេតុអ្វី បានត្រូវខុស?
កក្កដា សុភ័ណ្ឌ បន្តថា មនុស្សយើងម្នាក់ៗ ត្រូវការរើសយកអ្វី ដែលខ្លួនស្រឡាញ់រៀងៗខ្លួន ក្នុងការស្លៀកពាក់ ការដើរហើរ ជាដើម៕ ដើម្បីកាន់តែជ្រាបច្បាស់ទៀតនោះ សូមទស្សនាវីដេអូ ខាងក្រោមនេះ ទាំងអស់គ្នា ៖
