រាជធានីភ្នំពេញ ៖ ពិតណាស់ តាំងពីឡើងកូដស្រើតៗរួចមក លោក ថមមី ស្វាមីតារាចម្រៀងស្រី សួស វីហ្សា ទិញរបស់មានតម្លៃស្ទើរតែរាល់ខែ មិនថាជារថយន្ត គ្រឿងមាស គ្រឿងពេជ្រ និងផ្ទះ ព្រមទាំំងបង្កើតមុខរបរថ្មីបន្តកន្ទុយគ្នា ឥតដាច់តែម្តង ធ្វើឲ្យមហាជននរណាៗក៏ស្ងើច។
ទន្ទឹមនឹងនេះ ដើមឆ្នាំ២០២២ ការរកស៊ីកាន់តែរីកចម្រើន កាក់កបខ្លាំងឡើងៗ ស្រាប់តែពេលនេះ លោក ថមមី ស៊ូជះលុយទិញវីឡាថ្មី ទុកធ្វើជាកាដូឲ្យភរិយានិងកូនស្រី គ្រាន់តែឃើញទិដ្ឋភាពផ្ទះហើយ មហាជន ផ្ទុះការចាប់អារម្មណ៍ ការរៀបចំពិតជាស្រស់ស្អាត ហើយមានទីធ្លាធំទូទាយ តម្លៃជឿជាក់ថា យ៉ាងហោចណាស់ក៏ខ្ទង់សែនដុល្លារ ឡើងដែរ ។
ជាក់ស្តែង ក្នុងនោះ រូបលោកបាន បង្ហោះទិដ្ឋភាពរបស់ផ្ទះថ្មី ព្រមទាំងអមជាមួយសារយ៉ាងដូច្នេះថា ៖
ហេងហេង ! ថ្ងៃនេះមកទិញកាដូ សមាជិកថ្មី ជូនប្រពន្ធនិងកូនស្រីសំលាញ់ ក្នុងឱកាសឆ្នាំថ្មី ២០២២៕
បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖
