តារាកម្សាន្ត÷ កាលពីពេលថ្មីៗកន្លងទៅនេះ កញ្ញារ៉េត ស៊ូហ្សាណា តារាចម្រៀងវ័យក្មេងសមត្ថភាពខ្ពស់ប្រចាំផលិតកម្មរស្មីហង្សមាស បានសាងភាពភ្ញាក់ផ្អើលយ៉ាងខ្លាំងដល់ហ្វេនៗដែលជាអ្នកនិយមគាំទ្រ ដោយក្នុងឱកាសនៃពិធីខួបកំណើតចូលដល់វ័យ២២ឆ្នាំ តារាស្រីវ័យក្មេងរូបនេះអញ្ជើញសុទ្ធតែកំពូលតារាចម្រៀងល្បីៗចូលរួមតែម្តង។
ជាក់ស្តែង អមដោយការរចនាដេគ័រកម្មវិធីបានយ៉ាងស្រស់ស្អាត គេក៏សង្កេតឃើញមានការចូលរួមពីសំណាក់តារាចម្រៀងប្រុសស្រីល្បីៗដែលជារៀមច្បង និងជាមិត្តភក្ភិរបស់កញ្ញារ៉េត ស៊ូហ្សាណា ក្នុងនោះមានដូចជា អ្នកនាងឱក សុគន្ធកញ្ញា អ្នកនាងសុគន្ធនីសា ស្រីនា លោកនីរតនា កូនប្រុសលោកព្រាបសុវត្ថិ លោកនភាល័យ អ្នកនាង ចាន់កែវនិមល ព្រមទាំងវត្តមានរបស់តារាចម្រៀង និង influencerល្បីៗជាច្រើនរូបថែមទៀតផង។
សូមបញ្ជាក់ផងដែរថា កញ្ញារ៉េត ស៊ូហ្សាណា បានទទួលភាពល្បីល្បាញ និងការគាំទ្រខ្លាំងបន្ទាប់ពីតារាស្រីរូបនេះបានចូលរួមប្រកួតក្នុងកម្មវិធី The Voice Cambodia៕
