រាជធានីភ្នំពេញ៖ តារាចម្រៀងកញ្ញា វ៉ាន់ នីឡា បន្ទាបពីស្ងប់ស្ងាត់ពីវិស័យសិល្បៈអស់រយៈពេលជាច្រើនឆ្នាំមកនេះធ្វើឲ្យមហាជនពិសេសមិត្តអ្នកគាំទ្រជាច្រើនមានការនឹករលឹក និងតែងតែទន្ទឹងរង់ចាំបទចម្រៀងថ្មីៗ និងវីដេអូចម្រៀងរបស់នាងអស់រយៈពេលជាយូរ ។ នៅទីបំផុត តារាចម្រៀងនាង វ៉ាន់ នីឡា ក៏បានសម្រេចវិលមករកអាជីពសិល្បៈចម្រៀងរបស់ខ្លួនឡើងវិញហើយ ក្រោយសម្ងំអស់ពេលប៉ុន្មានឆ្នាំ ក្រោយពេលដែលនាងបានជួបរឿងរ៉ាវពេលកន្លងទៅ ។
យ៉ាងណាមូលហេតុចម្បងដែលបានធ្វើអោយស្រីស្អាត វ៉ាន់ នីឡា សម្រេចចិត្តវិលវិញនាពេលនេះ ដោយសារតែនាងសម្លឹងឃើញពីការគាំទ្ររបស់ទស្សនិកជនចំពោះរូបនាងនៅតែមានសន្ទុះច្រើនគួរសម ។
ជាក់ស្តែងនៅពេលថ្មីៗនេះ កញ្ញា វ៉ាន់ នីឡា ក៏បានបង្ហោះសារបង្ហាញអារម្មណ៍សប្បាយចិត្តខ្លាំងក្រោយបានឡើងចម្រៀងលើឆាកតន្រ្តីវិញ ដោយក្នុងនោះកញ្ញា វ៉ាន់ នីឡា បញ្ជាក់នៅហ្វេសប៊ុករបស់ខ្លួនថា៖ «ទីបំផុតបានស្គាល់រស់ជាតិឡើងឆាកតន្រ្តីវិញហើយ មិនដឹងគួរធ្វើអារម្មណ៍បែបមិច» ។
សូមបញ្ជាក់ថា អតីតតារាចម្រៀង ប្រចាំផលិតកម្ម Pleng Records កញ្ញា វ៉ាន់ នីឡា បានស្ងប់ស្ងាត់ពីវិស័យសិល្បៈអស់រយៈពេលជាច្រើនឆ្នាំមកនេះ បន្ទាប់ពីនាងជួបរឿងអាស្រូវកាលពីប៉ុន្មានឆ្នាំមុន ។ ទោះបីជាមិនបានបង្ហាញមុខតាមឆាកតន្ត្រីនានាក្ដី ប៉ុន្តែនាងតែងភ្ជាប់ទំនាក់ទំនងជាមួយអ្នកគាំទ្រលើបណ្ដាញសង្គមជាធម្មតា៕
ប្រភពពីតារាញូស៍
ដេីម្បីកាន់តែជ្រាបច្បាស់សូមទស្សនារូបភាពខាងក្រោមទាំងអស់គ្នា៖
