និយាយដល់ឈ្មោះ អ៊ីអ៊ី , អ្នកលេងបណ្ដាញសង្គមទីកតុកច្បាស់ជាស្គាល់មិនខាន ដោយនាងនិយាយ និងអាន ខ្មែរមិនសូវច្បាស់នោះឡើយ។ តែអ្វីទាំងនេះ បែរជាធ្វើឲ្យមានអ្នកចូលចិត្តនាងច្រើនទៅវិញ រួមផ្សំនឹងរូបសម្រស់ដ៏ស្រស់ស្អាតរបស់នាងផងនោះ។
អ៊ីអ៊ី ជាកូនកាត់ខ្មែរ-កូរ៉េមួយរូប រស់នៅប្រទេសកូរ៉េខាងត្បូង ហើយកាលពីយប់ថ្ងៃទី២០ ខែមករា ឆ្នាំ២០២២កន្លងទៅនេះ រូបនាង បានធ្វើដំណើរទេសចរណ៍មកកាន់ប្រទេសខ្មែរ ធ្វើឲ្យផ្អើលអស់អ្នកគាំទ្រជាច្រើន មកទទួលស្វាគមន៍នាង រួមទាំងអ្នកសារព័ត៌មានទៅសម្ភាសន៍ទៀតផង។
នៅក្នុងបទសម្ភាសន៍ជាមួយអ្នកសារព័ត៌មាននៅយប់នោះ អ៊ីអ៊ី បានបង្ហាញអារម្មណ៍សប្បាយចិត្តនៅពេលឃើញអ្នកគាំទ្ររបស់ខ្លួនច្រើនបែបនេះ ដោយកន្លងមក មិនដែលនឹកស្មានថា មកជួបអ្នកគាំទ្របែបនេះនោះឡើយ។
ជាមួយគ្នានេះ បានបញ្ជាក់ប្រាប់អ្នកសារព័ត៌មានថា ខ្លួនរៀនរាំតាំងពីអាយុ១១ឆ្នាំមកម្ល៉េះ ហើយឥឡូវ អាយុខ្ទង់១៧ ១៨ឆ្នាំហើយ។ តាមរយៈបទពិសោធន៍នេះ អ៊ីអ៊ី បានបង្ហាញក្ដីសង្ឃឹមរហូតដល់៨០ភាគរយ ថានឹងជាប់ក្លាយជាតារាK-POP។
ឆ្លើយទៅនឹងសំណួរថាតើហេតុអ្វី បានជាចង់ចូលប្រឡូកក្នុងវិស័យK-POPនោះ អ៊ីអ៊ី បានបញ្ជាកល់ថា ដោយសារខ្លួនចូលចិត្តរាំ និងច្រៀង។ ចំពោះការមកប្រទេសកម្ពុជានេះ អ៊ីអ៊ី ក៏បានបញ្ជាក់ពីបំណងរបស់ខ្លួនថា ចង់ទៅអង្គរវត្ត ចង់ទៅសមុទ្រ ចង់ទៅទឹកជ្រោះ។
ក្រោយពីបានទស្សនាវីដេអូបទសម្ភាសន៍របស់អ៊ីអ៊ីរួចមក ស្រាប់តែមានអ្នកចូលខំមិនព្រោងព្រាត មានមតិគាំទ្រ និងមិនគាំទ្រ។ ចំពោះមតិរិះគន់ បានលើកឡើងថា «បើតារាសម្តែងវប្បធម៌ខ្មែរ ឬកីឡាករខ្មែរ ដែលចេញទៅប្រកួតនៅបរទេសដើម្បីមុខមាត់ជាតិ តើមានយុវ័យប៉ុន្មាននាក់ទៅទទួល,
និយាយលើសពីសមត្ថភាពរបស់កូន ដែលអាចធ្វើបាន ទាំងសមត្ថភាព រាំច្រៀង រូបសម្រស់ ចំណេះដឹង គឺទៅមិនរួចឡើយ! , ក្រុមមនុស្សជោរ ជោរតាមគ្នា, ខ្លួនឯងខ្មែរសោះ និយាយឡើងកូនកាត់ខ្មែរ, ដូចអត់មានប្រយោជន៍អីផង ខំរកលុយចិញ្ចឹមគ្រួសារវិញល្អជាង,
ចំពោះមតិគាំទ្រវិញ បានធ្វើការឆ្លើយតបទៅកាន់អ្នកទើសថា «ខ្ញុំឆ្ងល់អាអ្នកដើរទើសគេនឹងគេចែកអង្ករអោយមែនបានខំទើសគេណាស់ ធ្វើដូចខ្លួនល្អលើសគេចឹង រឿងគេសោះក៏ឈឺចាប់ម៉េះ.បញ្ជាក់:ខ្ញុំថាតែអ្នកទើសគេខុសរបៀប .បើធ្វើមិនបានដូចគេអង្គុយមើលគេទៅកុំទៅច្រណែនគេ,
បើសាសន៍គេលើកតម្កើងណាស់ពួកអាទើសដើរទើសគេនឹងខ្លួនវា បានជួយសង្គមអ្វីខ្លះ ដើររិះគន់គេ។, ឆ្ងល់មនុស្សមួយចំនួន ចូលចិត្តណាស់អាខាងដើរទើសគេហ្នឹង គេស្រឡាញ់ចូលចិត្តអ្នកណាជារឿងរបស់គេ ព្រោះគេមិនបានយកខ្លួនអ្នកទៅចូលចិត្តឯណា បើទំនេរខ្លាំងប្រឹងធ្វើការទៅរកលុយចិញ្ចឹមជីវិតខ្លួនឯងឱ្យល្អប្រសើរ និងមានកេរ្តិ៍ឈ្មោះដូចគេ កុំចាំតែដើរខាំគេអញ្ចឹង វាអត់ល្អទេ កុំឱ្យគេដៀល ថាកើតមកជាកូនខ្មែរមួយរូបគ្មានធ្វើអ្វីឱ្យចម្រុងចម្រើនដល់សង្គមទេមានតែជាន់ពន្លិច,
ចង់ប្រាប់អ៊ំពូមីងមួយចំនួន ដែលគាត់ប៉ិនទើសគេនឹងហ្ហា បើមិនស្គាល់ K-popជាស្អីទេមិនបាច់ចូលខមិនទើសគេថា ជាក្មេងបាតសង្គមទេ ជួនកាលគ្រានតែគេរាំk-popល្បីក៏គេអាចលើកមុខមាត់ប្រទេសក៏អាចថាបានដែរ ហើយពូៗមួយចំនួននឹងមានមុខមាត់ក្នុងសង្គមនៅនឹង»៕ ដើម្បីកាន់តែជ្រាបច្បាស់ទៀតនោះ សូមទស្សនា វីដេអូ ខាងក្រោមនេះ ៖
