ភ្នំពេញ ៖ លោកឈុំ ប៊ុនឈឿន ហៅតាចេក ធ្លាប់ជាតារាកំប្លែងមានប្រជាប្រិយភាព ហើយបានបាត់មុខពីកញ្ចក់ទូរទស្សន៍អស់រយៈពេលជាយូរដែរហើយនោះ នៅតែបន្តលក់ផ្លែឈើដដែល នៅមុខរីសត កាច់ជ្រុងផ្លូវចូលដំណាក់ដំរី សូមបងប្អូនជិះឆ្លងកាត់ទីនេះ ជួយទិញផង។
កាលពីពេលថ្មីៗកន្លងទៅនេះ លោកតាចេក បានបង្ហោះរូបជាច្រើនសន្លឹកជាមួយនឹងការសរសេរសារយ៉ាងខ្លីថា «គីរីរម្យយើងនឹងបើចង់ហូបអាចចូលទិញបានអគុណសុខសប្បាយណាលក់មុខរីសតកាច់ជ្រុងផ្លូវចូលដំណាក់ដំរី»។
ថ្លែងប្រាប់គេហទំព័រក្នុងស្រុកនាពេលកន្លងមក តាចេក បានបញ្ជាក់ថា លោកមានកូនស្រីម្នាក់ បានទៅរកស៊ីលក់ផ្លែឈើនៅស្ពានទី២ ផ្លូវឡើងទៅភ្នំ គិរីរម្យ ជាច្រើនឆ្នាំមកហើយ ក្នុងនោះលោកតែងតែទៅលេងញឹកញាប់។
លោកថា នៅទីនោះបច្ចុប្បន្នដល់រដូវផ្លែឈើច្រើនមិនថា ទុរេន សាវម៉ាវ ដូង កំពីងរាជ គឺសម្បូរខ្លាំងណាស់ ដូច្នេះ បើសិនជាបងប្អូនទៅលេងទីនោះ សូមជួយទិញកូនស្រីលោកផង ហើយចំពោះអ្នកភ្នំពេញវិញ អាចទាក់ទងបាន លោកនឹងឲ្យកូនស្រីផ្ញើមក ដឹកឲ្យដល់ផ្ទះតែម្ដង តម្លៃវិញលក់ដូចគេដូចឯង។
ការទៅលក់ផ្លែងឈើ នៅផ្លូវឡើងទៅរមណីយដ្ឋានគិរីរម្យ របស់តាចេក មិនទៅលក់ជាប្រចាំឡើយ ពោល ដូចបានលើកឡើង គឺលោកទៅជួយលក់ពេលដែលទៅលេងកូនស្រីៗ និង ចៅៗម្ដងម្កាលប៉ុណ្ណោះ ទីតាំងប្រកបអាជីវកម្មអចិន្ត្រៃយ៍របស់លោក គឺលោកនៅតែ លក់ភេសជ្ជៈគ្រប់មុខនៅ តាមបណ្ដោយផ្លូវជាតិលេខ២ផ្លូវទៅទន្លេបាទី ម្ដុំហួសរង្វង់មូលគូរស្រូវ ដដែល។ ដូចនេះប្រសិនបើបងប្អូនចង់ជួយទិញផ្លែឈើធម្មជាតិពី តាចេក អាចទាក់ទងលេខទូរសព្ទ លោកផ្ទាល់ 012704372។
ទោះយ៉ាណា ថ្មីៗលោកតាចេក បានក្រឡាប់រ៉ឺម៉ករងរ.បួស ហើយក៏មិនមែនជាលើកទី១ដែរ ដែលលោកតា ជួបរឿងស្រដៀងៗនេះ។ តែម្ដងនេះ អ្នកស្រី ទ្រី ដាណា ថៅកែហាងពេជ្រចិត្តធម៌ ដែលអ្នកគាំទ្រអ្នកស្រីមួយចំនួន ដាក់រហស្សនាមថា ទេវតាលើដី នោះ មានការអាណិតចំពោះតាចេក ក៏សម្រេចជួយថវិកាខ្លះ ដល់គាត់ដើម្បីធ្វើដើមទុន។
បង្ហោះភ្ជាប់ជាមួយរូបថតតាចេកជាច្រើនសន្លឹកកាលពីថ្ងៃទី១៣ ខែមករា ឆ្នាំ២០២២ អ្នកស្រី ទ្រី ដាណា បានរៀបរាប់ដូច្នេះថា «ឱតាចេកអើយ ទើបឃើញ មើលទៅសង្វេគចិត្តណាស់ទើបសួរគេ ថាគាត់ឈប់សម្ដែងយូរហើយ ឃើញទៅលក់ទឹកសុទ្ធ ឥឡូវទៅលក់បន្លែ ប៉ុន្មានថ្ងៃមុនក្រឡាប់កង់បី របួ.សដោយទាំងកូនទៀត។ ជីវិតយើងម្នាក់ៗ ឆ្លងកាត់ការលំបាករាប់មិនអស់ ហឹម! ខ្ញុំនឹងជួយគាត់ខ្លះ ដើម្បីបានដើមទុន យកទៅរកស៊ីបន្ថែម! សុំសួរតិច ពូចេក នៅណាឥឡូវ ជួយប្រាប់ខ្ញុំផង»៕
