កោះកុង៖ កាលពីម្សិលមិញនេះ តារាចម្រៀង សុវត្ថិ មុនីវណ្ណ ដែលត្រូវជាកូនប្រុស លោក ព្រាប សុវត្ថិ ត្រូវបានក្រមុំៗស្វាគមន៍យ៉ាងកក់ក្តៅ ខណៈពេលដែលលោកកំពុងចុះទៅបេសកម្មដាំដើមកោងកាង នៅឯខេត្តកោះកុង។
ដោយឡែក តារាប្រុសរូបនេះ បានបង្ហោះពីវីដេអូ សកម្មភាពចុះទៅដាំដើមកោងកាង ដោយពេលនោះ ត្រូវបានហ្វេនៗនារីជាច្រើនសម្តែងពីទំហំក្តីស្រឡាញ់ចំពោះអាយដល ដោយឱបជុំជិតតែម្តង ចំណែកសុវត្ថិ មុនីវណ្ណ ក៏បានញញឹមពព្រាយចេញពីក្នុងចិត្ត ព្រមទាំងថ្លែងអំណរគុណទៅកាន់ហ្វេនៗទាំងអស់ចំពោះការគាំទ្របែបនេះផងដែរ។
យ៉ាងណាមិញ ក្រោយពីបានឃើញវីដេអូនេះ ហើយអ្នកគាំទ្រជាច្រើនក៏បានសរសើរពីទឹកចិត្តតារាប្រុសរូបនេះ ដែលរក្សាស្នាមញញឹមចំពោះហ្វេនជានិច្ច ទោះបីស្ថិតក្នុងស្ថានការណ៍បែបណាក៏ដោយ៕
សូមចូលទស្សនារូបភាព និងវីដេអូខាងក្រោម៖
