នៅព្រឹកថ្ងៃទី១២ ខែមករា ឆ្នាំ២០២២នេះ ពូម៉ៅ បានចេញវីដេអូ សុំទោសអតីតភរិយារបស់ខ្លួន គឺអ្នកស្រី ទ្រី ដាណា និងប្រកាសមិនទាមទារអ្វីទៀតនោះទេ ព្រមទាំងជូនពរឲ្យអតីតភរិយា កាន់តែកាក់កបលើមុខជំនួញផងដែរ។
នៅលើវីដេអូសុំទោសនោះ លោកបានដាក់Captionថា «ក្រោយពីដឹងកំហុសក៏ដូចជាគោរពអនុសាសន៍ ខ្ញុំបាទសូមចេញវីដេអូសុំទោសអតីតភរិយាខ្ញុំ ទ្រីដាណា ជាសាធារណៈ និងសុំអោយគាត់លើកលែងទោសអោយខ្ញុំ ទុកពេលអោយរូបខ្ញុំ បានកែប្រែគំនិតគិតអ្វីៗល្អឡើងវិញ និងព្រមលែងលះដោយសន្តិវិធី មិនទាមទារអ្វីទៀតទេ។
សូមបងប្អូនឈប់យល់ច្រឡំលើអតីតភរិយាខ្ញុំទៀតទៅ គាត់តែងតែជួយសង្គមក៏ដូចមនុស្សជុំវិញគាត់ កូនចៅក៏ដូចជាតំណាងគាត់ តែងតែគោរពស្រលាញ់គាត់ណាស់។ សូមអរគុណ»។
បន្ថែមលើនេះ នៅក្នុងវីដេអូ ពូម៉ៅ បានរៀបរាប់ថា លោកសុំចេញវីដេអូ ដើម្បីសុំទោសអតីតភរិយាជាសាធារណៈ និងព្រមទទួលស្គាល់កំហុសគ្រប់បែបយ៉ាង ដោយកន្លងមកលោកបានធ្វើបាប អតីតភរិយា ទាំងផ្លូវកាយ និងផ្លូវចិត្ត។
ពូម៉ៅ បានសង្កត់ធ្ងន់ថា លោក និងអតីតភរិយា បានព្រមលែងលះគ្នា ដោយសន្តិវិធី។ ការបង្ហោះរបស់លោកកន្លងមក ក៏ដូចជាការឡាយ គឺលោកធ្វើដោយចិត្តខ្លួនឯង ដើម្បីចង់យកឈ្នះគាត់ប៉ុណ្ណោះ។ តាមការពិត មិនមែនថា អតីតភរិយា មិនដែលជួយគ្រួសារលោកទេ គឺគាត់ជួយគ្រួសារលោកជារហូត តែដោយសារលោក ចង់យកឈ្នះ ទើបបង្ហោះធ្វើឲ្យមហាជន មានការស្អប់គាត់ ដូចជាការដាក់គំនាបគាត់។
លោកថា តាមពិត លោក និងអតីតភរិយា ព្រមលែងលះ និងបែងចែកទ្រព្យសម្បត្តិអស់ហើយ តែដោយសារតែលោក ស្ដាប់អ្នកនៅជិតខ្លួន បងប្អូនចាក់រុក ទើបធ្វើឲ្យលោកមានការទាមទារបន្ថែមលើទ្រព្យសម្បត្តិទៀត។
មុនចេញវីដេអូ សុំទោសខាងលើនេះ នៅយប់ថ្ងៃទី១១ ខែមករា ឆ្នាំ២០២២ ពូម៉ៅ បានបង្ហោះរូបថត១សន្លឹកកាលនៅជុំគ្នាជាមួយអ្នកស្រី ទ្រី ដាណា ហើយរៀបរាប់យ៉ាងកម្សត់ថា «ក្រោយពីការរស់នៅបែកគ្នាមួយរយៈមកខ្ញុំបានស្វែងយល់កំហុសខ្លួនឯងជាច្រើន ដែលបានធ្វើដាក់ប្រពន្ធខ្ញុំ ភាពកក់ក្តៅខ្ញុំមិនដែលផ្តល់អោយគាត់ទេ ហើយគាត់តែងតែអនុគ្រោះអោយខ្ញុំជានិច្ច ខ្ញុំពិតជាល្ងង់ណាស់មានប្រពន្ធល្អថែមិនបាន។ មានតែការសុំអភ័យទោស បងដឹងខុសហើយហើយខ្ញុំដឹងថាអ្វីៗហួសអស់ហើយមានតែការសោកស្ដាយតែប៉ុណ្ណោះ»។
តាមរយៈនេះ អ្នកគាំទ្រ បានលើកទឹកចិត្ត និងបង្ហាញក្ដីសង្ឃឹមថា «សម្ដីកូនប្រុសទ្រូងហត្ថ ពិតជាល្អណាស់ហ៊ា ខ្ញុំគិតថា កាលដឹងកំហុសមិនចេះហួសពេលទេ ហ៊ា, សង្ឃឹមថាចែអភ័យទោសអោយបងម្តងទៀតផងចុះ, តស៊ូណាហ៊ា ខ្ញុំជឿថាថ្ងៃណា1ហ៊ានិងបានរស់នៅជុំគ្រួសារហ៊ាវិញហើយ,
ពេលបានឮសំដីមួយម៉ាត់នេះហើយ ចង់ស្រក់ទឹកភែ្នក, ជូនពរអោយពូម៉ៅជុំមួយដានាវិញចុះស្រលាញ់អ្នកទាំងពីរ, ជូនពរឣោយប្ឣូនត្រូវ គា្នវិញចុះស្រលាញ់ជារៀងរហូត, នាវាជីវិត, គុំគិតច្រើនពេកបង គងមានថ្ងៃណាមួយបងស្រីនឹងលើកទោសអោយបងហើយ,
គ្មានប្រពន្ធណាមិនស្រឡាញ់ប្ដីទេបង មកពីពេលមនុស្សខឹងពេក និយាយទៅអោយអស់កំហឹងធូរក្នុងចិត្តគ្រួសារណាក៏ចេះឈ្លោះគ្នាដែរបង ខ្ញុំសូមជូនពរអោយបង និងចែត្រូវគ្នាវិញ ស្រឡាញ់ បងទាំងពីរណាស់, មើលមុខប្រពន្ធដឹងហើយ ថាស្រលាញ់ប្តីណាស់»៕ សូមទស្សនាវីដេអូ ខាងក្រោម ៖
