លោកអ្នក បានជ្រាបរួចមកហើយថា បច្ចុប្បន្ននេះ លោកស្រី ទ្រី ដាណា កំពុងតែកសាងកេរ្តិ៍ឈ្មោះយ៉ាងល្បីល្បាញលើការងារមនុស្សធម៌ ហើយការងារ រកស៊ី មុខជំនួញរបស់អ្នកស្រីទៀតសោត កំពុងជោគជ័យខ្លាំងផងដែរ។
ប្រការនេះហើយ ទើបធ្វើឲ្យអ្នកស្រី កាន់តែមានទៅៗ រហូតគេដាក់រហ័សនាមថា ជាសេដ្ឋិនី ទៀតផង។ ទោះយ៉ាងណា ប្រិយមិត្តមួយចំនួនទំនងជាមិនទាន់ដឹង នូវអាថ៌កំបាំងនៅពីក្រោយភាពជោគជ័យ របស់អ្នកស្រី ទ្រី ដាណា នៅឡើយទេ។
ដោយហេតុថា មានអ្នកខ្លះមិនទាន់ដឹងហ្នឹងហើយ ទើបមានការលើកជាសំណួរទៅកាន់អ្នកស្រី ថា ធ្វើអ្វីក៏មានលឿនម្ល៉េះ? ហើយដើម្បីកុំឲ្យមានការឆ្ងល់តទៅទៀត និងដើម្បីធ្វើជាគំរូដល់អ្នកចង់មានចង់បានផងនោះ, អ្នកស្រី ទ្រី ដាណា បានទម្លាយអាថ៌កំបាំងនេះ ទាំងយប់តែម្ដង។
បង្ហោះភ្ជាប់ជាមួយវីដេអូ ខ្លួនកំពុងធ្វើការទាំងកណ្ដាលអធ្រាត្រ អ្នកស្រី ទ្រី ដាណា បានសម្ដែងការអាណិតចំពោះខ្លួនឯងថា «មើលវីដេអូហ្នឹងហើយមានអារម្មណ៍ថា អាណិតខ្លួនម៉ោង12យប់ គេគេងស្ងាត់ហើយនៅតែចែដាណា អរគុណអូនដែលផ្ញើវីដេអូនេះមក»។
បន្ថែមលើនេះ អ្នកស្រី បានបង្ហោះសាររៀបរាប់ទៀតថា «អ្នកខ្លះឃើញខ្ញុំមានលុយច្រើន តែងតែសួរថា ធ្វើស្អីគេបានមានលឿនម្ល៉េះ? រយៈពេល១១ឆ្នាំគត់ដែលខ្ញុំមិនដែលស្គាល់ពាក្យថា សប្បាយ មិនដែលស្គាល់ភាពយុវវ័យ មិនដែលស្គាល់ពាក្យថាមិត្តភក្តិទេ
ក្រោយពេល ដែលខ្ញុំមើលរូបថតនេះរួចហើយ ខ្ញុំស្រណោះខ្លួនខ្លាំងណាស់ ខ្ញុំប្រឹងមិនស្គាល់ថ្ងៃស្គាល់យប់ខ្ញុំប្រឹងមិនដែលប្រើពាក្យថា ហត់ខ្ញុំប្រឹងខ្លាំងណាស់មិន ដែលស្គាល់ការសប្បាយដូចគេទេ មានតែការដើរទៅមុខមិន ដែលរាថយ
រហូតមកដល់ពេលនេះក៏នៅតែប្រឹង កុំសួរថា ខ្ញុំខំប្រឹងម្ល៉េះហើយខំប្រឹងដើម្បីអ្វី? ខ្ញុំគ្រាន់តែប្រាប់យ៉ាងខ្លីថា ឱកាសមានខ្ញុំត្រូវតែចាប់យក ដូច្នេះរាល់ការខិតខំប្រឹងប្រែងទាំងឡាយតែងតែ ហុច ផលមកឱ្យយើងតាមការអនុវត្តរបស់យើង
លុយ ដែលយើងរកបានដោយកម្លាំងញើសឈាម និងមិនបំពានអ្នកណានោះគឺយើងត្រជាក់ត្រជំហើយសប្បាយនៅក្នុងការចាយវាយ ហើយគ្រាន់តែចង់ប្រាប់សំណព្វចិត្តមួយចំនួនថា មិនមែនឃើញចែមានបានដូចសព្វថ្ងៃនេះស្រួលទេសំណព្វចិត្តអើយពិបាកខ្លាំងណាស់
ប៉ុន្តែចែមិនដែលនិយាយតែប៉ុណ្ណោះគ្រាន់តែក្រោយឃើញរូបថតមួយនេះ សូមត្រាម៉ាមួយតែប៉ុណ្ណោះស្រណោះខ្លួនពេក ហើយរូបនេះ ប្អូនលួចថតហើយផ្ញើអោយ មើលហើយស្រណោះខ្លះបន្តិច មិនដែលផុសម៉ោងជិតមួយយប់ចឹងទេ»៕ សូមទស្សនាវីដេអូ ខាងក្រោម ៖
