អតីតតារាចម្រៀងប្រចាំផលិតកម្មថោន អ្នកនាង សាសា ក្រោយពីបាត់មុខពីពិភពសិល្បៈអស់រយៈពេលជាយូរនោះ, ស្រាប់តែថ្មីៗនេះ បានធ្វើឲ្យអ្នកលេងបណ្ដាញសង្គមមានការភ្ញាក់ផ្អើលជាខ្លាំង ក្រោយពីរូបនាងយំហើមភ្នែករៀបរាប់រឿងខំឲ្យលុយមិត្តភក្ដិខ្ចី ចុងក្រោយគេរត់បាត់នោះ។
បង្ហោះភ្ជាប់ជាមួយរូបថតយំហើមភ្នែកកាលពីយប់ថ្ងៃទី២៨ ខែធ្នូ សាសា បានរៀបរាប់ថា «ខ្ញុំយំនេះ ព្រោះខ្ញុំខឹងនឹងខ្លួនឯង ដែលទុកចិត្តពួកម៉ាកអស់ពីពោះ តែចុះក្រោយទៅចោលខ្ញុំគ្មានស្រណោះអីបន្ដិច ទាំងដែលដឹងគ្រប់យ៉ាង ថាខ្ញុំកំពុងតែពិបាក ហើយពិបាកខ្លាំង ហេងអើយចូលខ្លួនមក ខ្ញុំត្រូវកាអ្នកដោះស្រាយរឿងលុយរបស់ខ្ញុំ មិនមែនលុយតុងទីនដូចពួកបងបងទេ គឺលុយសុទ្ធជិត100kតែម្ដង
សង្ឃឹមអ្វី ដែលអ្នកនិយាយជាមួយនឹងខ្ញុំ ថានឹងដោះស្រាយគ្រប់បញ្ហា មិនថា មានរឿងអីកើតឡើងទេ ខ្ញុំត្រូវមើលកូននិងប្អូនៗៗខ្ញុំទៀត អ្នកក៏ដឹងដែរ ពេលដែរអ្នកត្រូវកាលុយ ខ្ញុំសុខចិត្តយកនាឡិកាពេជ្រទៅបញ្ចាំអោយទៀត គួរតែនឹកដល់ពេលនឹងផងហេង ខ្ញុំដេកមិនដែលលក់ទេតាំងពីអ្នករត់បាត់ដំណឹងសូន្យឈឹង អ្នកឃើញគាត់ជួយទំនាក់ទំនងមកខ្ញុំផងណា»។
តាមរយៈការបង្ហោះសារខាងលើ សាសា មិនបានបញ្ជាក់ថា មិត្តភក្ដិខ្លួននោះជាអ្នកណានោះទេ តែបើតាមគណនីហ្វេសប៊ុកឈ្មោះVady Helen បានបញ្ជាក់កាលពីពេលថ្មីៗថា «មេតុងទីន Mrr Heng ម្នាក់ នេះបានរត់ចោលស្រុក ដែលបានបោកលុយគេអស់សរុបជិត 40ម៉ឺន$ ក្នុងនោះរួមមានទាំងខ្ញុំផងដែរ និងមានមនុស្សជាច្រើនទៀតដែលត្រូវរងគ្រោះនិង ធ្ងន់ធ្ងរជាងខ្ញុំទៀត សូមចេញមុខមកដោះស្រាយជាបន្ទាន់ កុំទៅបាត់ស្ងាត់ឈឹងចឹង គេនឹកគ្រប់គ្នា bro Heng . សូមជួយ Share ផងអោយគេបានស្គាល់»។
បន្ថែមលើនេះ គណនីហ្វេសប៊ុកខាងលើ បានរៀបរាប់ទៀតថា «ខ្ញុំអស់តែជាង 4000$ ទេ តែអាណិតអ្នកផ្សេងៗអស់ ជិត 10មុឺន$ . ផុស high show ផុសជេរគេដល់ហើយថោ.កខ្លួនឯង ចង់ Live អោយគេស្តាប់ voice វាណាស់ ថាវានិយាយលូយប៉ុណ្ណា»។
ដោយឡែក នៅព្រលប់ថ្ងៃទី៣០ ខែធ្នូ ឆ្នាំ២០២១ ដោយមិនអស់ចិត្តជុំវិញរឿងនេះ សាសា បានបង្ហោះសាររៀបរាប់ និងប្រកាសថា «ខ្ញុំនៅមិនសុខទេ ខ្ញុំសុំអោយឈ្មោះ ពៅចាន់ទី ហៅ ហេង ពួកម៉ាកគ្នាជិត 10 ឆ្នាំ បែរជាមកបោកលុយខ្ញុំទៅវិញ ពួកម៉ាកចិត្តខ្មៅ ចិត្តព្រៃ.ផ្សៃណាស់ មិនអានិតខ្ញុំតិចទេអី ខ្ញុំសួរតាមត្រង់ ???? ហេតុអីលើកដៃទៅរួច លុយ100k មិនតិចទេណា អ្នកដែលឃើញបុរសក្នុងរូបនេះ ជួយប្រាប់ខ្ញុំផង បើខ្ញុំចាប់បាន ខ្ញុំនឹងជូនជាសគុណ មិនអោយបងបងខកបំណងទេ មានរូបនិងទីតាំងច្បាស់លាស់ទំនាក់ទំនង់ខ្ញុំបាន 060638888»៕
