រឿងរ៉ាវអ្នកស្រី ទ្រី ដាណា ប្រកាសចែកផ្លូវគ្នាជាមួយពូម៉ៅ កាលពីប៉ុន្មានខែមុន បង្កឲ្យមានការភ្ញាក់ផ្អើលម្ដងរួចមកហើយ ហើយថ្មីៗនេះ រឿងរ៉ាវពួកគេ ក៏ផ្ទុះកក្រើកជាថ្មីម្ដងទៀត ក្រោយពីការបង្ហោះសារឆ្លើយឆ្លងគ្នាទៅមក និងទម្លាយរឿងជាបន្តបន្ទាប់នោះ។
ជាក់ស្ដែង កាលពីព្រឹកថ្ងៃទី២៧ ខែធ្នូ ឆ្នាំ២០២១ អ្នកស្រី ទ្រី ដាណា បានឡាយវីដេអូ ឆ្លើយតបជាមួយនឹងពូម៉ៅ ហើយនៅក្នុងវីដេអូនោះ អ្នកស្រី បានរៀបរាបរឿងរ៉ាវជាច្រើន ដែលពូម៉ៅ ធ្វើបាបអ្នកស្រី កាលពីអំឡុងរស់នៅជាមួយគ្នា ពិសេសការប្រើប្រាស់អំពើហិ,ង្សាយ៉ាងធ្ងន់ធ្ងរនោះ។
ក្រោយពីឡាយវីដេអូហើយនោះ នៅយប់ថ្ងៃទី២៨ ខែធ្នូ ឆ្នាំ២០២១ អ្នកស្រី ទ្រី ដាណា បានបង្ហាញស្នាមរបួស ហើយរៀបរាប់ទាំងឈឺចាប់ថា «ស្លាកស្នាមមិនអាចបំភ្លេចបានក្នុងឆាកជីវិតនេះ ស្លាកស្នាម ដែលពូម៉ៅគាត់វ៉ៃធ្វើបាប ហើយជាអ្វី ដែលមិនធ្លាប់ទម្លាយពីមុនមក ក៏ព្រោះគិតពីកិត្តិយស គិតពីកូន ហើយក៏ខ្មាសគេ នៅមានរឿងជាច្រើនទៀត ដែលមិនអាចនិយាយអស់ ហើយក៏មិនគួរនិយាយក្នុងនាមជាមនុស្សស្រី
នឹកឃើញពេលណា ទឹកភ្នែកហូរស្រក់ពេលនោះ ព្យាយាមធ្វើជារឹងមាំ ព្យាយាមធ្វើជាមនុស្សម្នាក់អស្ចារ្យ លាក់បាំងភាពឈឺចាប់រាប់ឆ្នាំ តែពេលនេះមិនអាចទ្រាំបានទៀតទេ ខ្ញុំធ្លាប់ផ្ដល់ឱកាសគាត់ច្រើនដងហើយ ក៏គិតកិត្តិយសខ្លួនឯងជាស្រី ជាម្ដាយ តែអ្វីដែលទទួលបានគឺការឈឺចាប់ម្ដងហើយម្ដងទៀត
លើកនេះ ក៏ខ្ញុំសុំចប់ដោយសន្តិភាពរៀងខ្លួន តែគាត់នៅបំពាន បងប្អូន និងម្ដាយគាត់នៅតែចោទប្រកាន់ខ្ញុំ បង្ខូចឈ្មោះខ្ញុំ ទម្លាក់កំហុសលើខ្ញុំ។ ស្លាកស្នាមលើរាងកាយ វាមិនស្មើនឹងឈឺចាប់ក្នុងចិត្ត ហើយប្រឹងទ្រាំទេ ខ្ញុំអាណិតពុកម៉ែខ្ញុំ ដែលមិនអាចការពារខ្លួនឯងបាន អោយគេធ្វើបាបបែបនេះ អោយគេធ្វើបាបរាងកាយកូនពួកគាត់
ខ្ញុំខុសអី ខំប្រឹងគ្រប់បែបយ៉ាង គ្មានពេលសម្រាក គឺដើម្បីគ្រួសារ និងកូនៗ ចុងក្រោយទទួលបានការតបស្នងបែបនេះ។ ខ្ញុំធ្លាប់ប្រាប់គាត់ហើយ បើគាត់ព្រមដោះលែងខ្ញុំដោយសន្តិវិធី យើងនឹងរស់នៅមានក្ដីសុខរៀងខ្លួន តែគ្រួសារ បងប្អូន និងម្ដាយគាត់ មិនព្រមទេ នៅតែតាមបង្ខូចឈ្មោះខ្ញុំ។
ខ្ញុំសុំចុះ យើងចប់គ្នាត្រឹមហ្នឹង ឈប់រករឿងខ្ញុំទៀត អាណិតកូន សូមមនុស្សប្រុសគ្រប់រូប នឹកឃើញពេលស្រលាញ់ថ្នាក់ថ្នមប្រពន្ធដំបូងផង មិនបានច្រើន សុំត្រឹម ៥០% ពេលជួបដំបូងក៏បាន យល់ពីអារម្មណ៍មនុស្សស្រី ផ្ដល់ការអាណិតខ្លះផង»៕ សូមទស្សនាវីដេអូខាងក្រោមនេះ ៖
