មួយរយៈចុងក្រោយនេះ គេសង្កេតឃើញថា តារាចម្រៀង សួ វីហ្សា និងលោក ថមមី កំពុងឡើងកូដខ្លាំងណាស់ ដោយរាល់ការលក់ផលិតផលរបស់ពួកគេ មានអ្នកទស្សនាច្រើនបំបែកកំណត់ត្រាអ្នកមើលច្រើនបំផុតក្នុងចំណោមអ្នកលក់នោះស្រុកខ្មែរនោះ។
ការមានអ្នកមើលច្រើនបែបនេះ ក៏ដោយសារភាពប៉ិនប្រសព្វរបស់ពួកគេ២នាក់ប្ដីប្រពន្ធ ក្នុងការផ្ដល់ភាពរីករាយដល់អ្នកទស្សនានោះ ជាពិសេស ការតុបតែងខ្លួនរបស់លោកថមមី ជាមួយនឹងកាយវិការ ពាក្យសម្ដី គួរឲ្យអស់សំណើច ឃើញហើយ មិនអាចអូសរំលងបាននោះ។
ទោះយ៉ាងណា ក៏មានអ្នកទើសពួកគេទាំង២នាក់ផងដែរ ហើយជាការឆ្លើយតបនឹងអ្នកទើសខ្លួននៅ នៅព្រលប់ថ្ងៃទី២៨ ខែធ្នូ ឆ្នាំ២០២១នេះ សួស វីហ្សា បានបង្ហោះសាររៀបរាប់ថា «ពួកខ្ញុំកើតចេញពីត្រកូលអ្នកក្រ ដូច្នេះហើយទោះពួកខ្ញុំធ្វើឡប់ធ្វើឆ្កួត ឬលក់របស់អន់ៗរបស់ឡូៗយ៉ាងម៉េចក៏សមដែរ តែចែជាត្រកូលអ្នកមាន បើចែចង់មករកស៊ីធ្វើឡប់ឆ្កួតលក់របស់មួយរៀលៗដូចពួកខ្ញុំក៏អត់សមដែរ
ចង់ប្រាប់ថា រាល់ថ្ងៃពីរនាក់ខ្ញុំរកស៊ីមួយរៀលៗទេ ហើយសុំតែមួយរស់ៗប៉ុណ្ណោះ តែបើអ៊ី បើចែ បើហ៊ា បើបង បើប្អូន មិនសប្បាយចិត្តជាមួយនឹងការខំប្រឹងរបស់ពួកខ្ញុំ ពួកខ្ញុំក៏អត់ដឹងត្រូវធ្វើយ៉ាងម៉េចដែរ ពួកខ្ញុំមានតែសុំចិត្តអ៊ី សុំចិត្តចែ សុំចិត្តហ៊ា សុំចិត្តបង សុំចិត្តប្អូនប្តូរគំនិតមកគិតថា ចែកគ្នារកស៊ីផងទៅ ចែកគេឯងរស់ផងទៅ យើងខ្មែរដូចគ្នាទេ
កុំចង់មានបានតែឯងអី កុំឃើញគេឡើងបន្តិចចង់ក្តិចត្រួយគេ ហយកុំល្អតែពីមុខក្រោយខ្នងឡើងសាហាវ មិត្តភាពបែបនេះខ្ញុំមិនត្រូវការទេ ជឿខ្ញុំទៅរៀនធ្វើចិត្តអោយទូលាយក្រែងជីវិតបានសុខជាងនេះកុំមកអង្គុយក្តៅក្រហាយជាមួយក្មេងៗរកស៊ីមួយរៀលៗដូចពួកខ្ញុំធ្វើអី វាបាបណាស់»។
ដោយឃើញ សួស វីហ្សា និយាយបែបនេះ, តារាចម្រៀង ពេជ្រ សោភា ក៏បានស៊ែរចូលផេករបស់ខ្លួន ហើយលើកឡើងឆ្លើយតបមួយទំហឹងដែរថា «ហ្ហើយអ្នកក្រៗដូចពួកខ្ញុំ វាពិបាកចឹងហេស មួយថ្ងៃៗគិតតែពីរកតែក៏មិនទ្រ មនុស្សឆ្អិនក្បាលស៊ីក្បាលឆ្អិនកន្ទុយស៊ីកន្ទុយដែរ ធុញឡោហ៊ា ឡោម៉ា កូនៗហត់ជំនួស Good Night ឈប់និយាយពីគេប្រាប់ខ្ញុំ ឈប់និយាយពីខ្ញុំប្រាប់គេ ផែនដីវិលជុំណា ឯងមើលរកប្តីចេះចិនហើយអាងទៅរោងចក្រនៃប្រទេសចិន»៕
