កាលពីពេលថ្មីៗកន្លងទៅនេះ មហាជន មានការចាប់អារម្មណ៍ជាថ្មី ក្រោយពី អ្នកស្រី ទ្រី ដាណា បានបង្ហោះសារជាបន្តបន្ទាប់ ទម្លាយមូលហេតុបែកបាក់គ្រួសារ និងទង្វើរបស់ពូម៉ៅ ធ្វើដាក់អ្នកស្រី នាពេលកន្លងមក។
បង្ហោះភ្ជាប់ជាមួយរូបថតប្អូនស្រីពូម៉ៅ កាលពីពេលថ្មីៗនេះ អ្នកស្រី ទ្រី ដាណា បានរៀបរាប់យ៉ាងវែងអន្លាយថា «តាមពិតចឹងសោះបងប្អូន បានគាត់ខំបំបែកបំបាក់ខ្ញុំ និងពូម៉ៅណាស់ គាត់ថា គាត់ចង់ល្បី លោកអើយអីក៏ឃោរឃៅម្ល៉េះ ចឹងបានរាល់ថ្ងៃនេះ ខំផុសដៀមដាមមកខ្ញុំរហូត ព្រោះគាត់សប្បាយចិត្តពេលបំបែកខ្ញុំជាមួយពូម៉ៅបានសម្រេច
តែខ្ញុំក៏សរសើរពូម៉ៅខ្ញុំដែរ ដែលរើសយកគ្រួសារ និងស្រីក្រៅចោលប្រពន្ធកូន តែខ្ញុំក៏មិនតូចចិត្តដែរដោយសារប្តីយើងទេ ជឿគ្រួសារជាងប្រពន្ធកូន ខ្ញុំប្រាប់បងប្អូនតាមត្រង់ថា ខ្ញុំនិងពូម៉ៅពីមុនមកគាត់បែងចែកដាច់រវៀងគ្រួសារគាត់ និងជីវិតគូពួកខ្ញុំមិនដែលឈ្លោះគ្នាទេ តែក្រោយមកដោយសារ ចិត្តរបស់ខ្ញុំនេះវាឆ្កួតខ្លួនឯង ទៅជួយប្អូនរបស់គាត់នេះ
តាំងតែពីជួយមកជីវិតគ្រួសារខ្ញុំមានបញ្ហាសឹងរាល់ថ្ងៃ ថ្ងៃណាក៏មុខពូម៉ៅមិនដែលស្រស់ដែរ ហើយរាល់ពេលដែលគាត់ស្រវឹងម្តងៗលើកឡើងតែពីប្អូននេះ មកនិយាយ និងម្តាយគាត់របស់ តើអោយខ្ញុំជួយរបៀបណាទៅលោកអើយ ជួយហើយខុសទៀតហើយស្មានថាប្តីខ្លួនឯងសរសើរប្រពន្ធថាប្រពន្ធចិត្តបាន តែមិនមែនទេបងប្អូនអើយ ការជួយរបស់ខ្ញុំដូចនាំដុំភ្លើងចូលក្នុងផ្ទះខ្ញុំទៅវិញ
ពេលដែលខ្ញុំជួយហើយហេតុអីក៏មិនអោយខ្ញុំសុខ? តែចុងក្រោយខ្ញុំចាញ់នាងដដែល ចាញ់ត្រង់ខ្ញុំមិនអាចរស់នៅក្នុងការគ្រប់គ្រងរបស់គេទេ ដោយសារប្តីខ្ញុំស្តាប់គ្រួសារខ្លាំងពេករហូតឡាយបំពានខ្ញុំ រាល់ថ្ងៃនេះអាណិតពូម៉ៅណាស់ តែដោយសារគាត់ជឿសម្តីគ្រួសារពេក ទើបសុខចិត្តបំផ្លាញគ្រួសារបែបនេះ មិនដែលស្រឡាញ់ប្រពន្ធកូនទេ
សរុបសេចក្តីមកវិញ មូលហេតុនៃការលែងលះនេះដោយសារខ្ញុំលែងជួយប្អូនស្រីនេះហើយគាត់វ៉ៃធ្វើបាបខ្ញុំទាំងកាយនិងចិត្តដោយសារស្តាប់គ្រួសារខាងមករករឿងខ្ញុំរហូត បងប្អូនមើលតែក្នុងការឡាយរបស់ពូម៉ៅពេលមានរឿងដំបូងទៅដឹងហើយ
ខ្ញុំស្រលាញ់ប្ដីណាស់ហើយក៏ស្មោះខ្លាំងណាស់ ហើយក៏ប្រឹងខ្លាំងណាស់ ដើម្បីគ្រួសារមួយនេះ តែទីបញ្ចប់ប្តីខ្ញុំមិនដែលអោយតម្លៃខ្ញុំទេ នេះហើយជាការឈឺចាប់បំផុតរបស់មនុស្សស្រី
ប្រពន្ធមុនផ្តាំទៅប្រពន្ធក្រោយផងថាបើចង់រស់នៅមួយពូម៉ៅបានសុខទាល់តែយកចិត្តនិងតាមគ្រប់រឿងរបស់គ្រួសារគាត់ជាពិសេសនាងម្នាក់និង ព្រោះមិនចឹងទេមិនសុខទេ ព្រោះពូម៉ៅគាត់មិនចេះបែងចែកដាច់រវាងគ្រួសារគាត់ និងប្រពន្ធទេ បើទេវតាមានភ្នែកមែនជួយមើលផង សាធុប»។
ដោយឡែក នៅព្រឹកថ្ងៃទី២៧ ខែធ្នូ ឆ្នាំ២០២១នេះ អ្នកស្រី ទ្រី ដាណា បានឡាយវីដេអូ យំគគ្រូកបកស្រាយរឿងនេះបន្ថែម ដើម្បីជាការឆ្លើយតបទៅនឹងពូម៉ៅនោះ។ អ្នកស្រី ទ្រី ដាណា បានរៀបរាប់ទាំងទឹកភ្នែកថា «ខ្ញុំរស់នៅជាមួយបងឯង ខ្ញុំរស់នៅជាមួយសំបកមនុស្ស បងឯងត្រូវដឹង ខ្ញុំឈឺចាប់ប៉ុណ្ណា ពីមនុស្សស្រីម្នាក់ ដែលស្មោះត្រង់ជាមួយប្ដី សូម្បីតែប្រុសផ្សេង ឆាតមក ឬក៏អី ក៏ខ្ញុំអត់ដែលខ្វល់»។
អ្នកស្រីរៀបរាប់ទៀតថា «បងឯងមើលមកថារាល់ថ្ងៃខ្ញុំអន់ខ្លាំងណាស់ បងឯងមិនដែលឃើញខ្ញុំស្អាតទេ បងឯងអត់ដែលឃើញប្រពន្ធខ្លួនឯងស្អាតទេបង ខ្ញុំប្រឹងណាស់បង ខ្ញុំប្រឹងអត់ដែលស្គាល់ថ្ងៃស្គាល់យប់ បងឯងឃើញទេ ថ្ងៃខ្លះខ្ញុំគេងអត់ងូតទឹកមែន ខ្ញុំទទួលស្គាល់ ថាខ្ញុំគគ្រិច ខ្ញុំគេងអត់ងូតទឹក ប៉ុន្តែដោយសារអីបង ដោយសារគ្រួសារយើង។ ប៉ុន្តែបង មានដែលសរសើរប្រពន្ធមួយម៉ាត់ថា អូនហត់ហើយ អូនសម្រាកទៅ បងឯងមិនចឹងទេ បងឯងដឹងតែម្យ៉ាងគត់ បងប្អូនឯងអត់ប្រយោជន៍ បងឯងដៀលខ្ញុំ បងឯងថាឲ្យខ្ញុំអត់ប្រយោជន៍»។
អ្នកស្រី បន្ថែមទៀតថា «បងប្អូនបងឯងអត់បានប្រយោជន៍ពីខ្ញុំ បងឯងកត់ទុក បងឯងគុំកួនគ្រួសារខ្ញុំ បងឯងគុំកួនតាំងពីប្អូនឡើង ដែលគេខំជួយយើងមក តាំងពីអត់ តាំងពីអី។ ប្អូនខ្ញុំជួយខ្ញុំ តាំងពីខ្ញុំលក់ក្រោមឆត្រ ជាមួយគ្រួសារខ្ញុំមុន ប្អូនខ្ញុំកម្សត់កម្រជាមួយខ្ញុំ។ ពីមុនមក គាត់ចេះស្រឡាញ់ប្អូន ស្រឡាញ់អីណាស់។ ប៉ុន្តែបន្ទាប់ពីបាត់ប្រយោជន៍របស់ប្អូនស្រីគាត់ហ្នឹងមក គឺគ្រប់យ៉ាងទាំងអស់ ប្រែទៅជាពណ៌ខ្មៅ»។
ក្រោយអ្នកស្រី ទ្រី ដាណា រៀបរាប់រឿងជាច្រើនពាក់ព័ន្ធនឹងខ្លួន ព្រមទាំងគ្រួសារនោះ ពូម៉ៅ មិននិយាយអ្វីច្រើនទេ គ្រាន់តែលើកទឹកចិត្តខ្លួនឯងថា «ថ្ងៃនេះថ្ងៃសីល៍, ស៊ូៗអត់ធ្មត់» ភ្ជាប់ជាមួយCaptionគេដែលមានស្រាប់ ដោយមានខ្លឹមសារថា«ខឹងគេមិនចាំបាច់ទៅចងគំនុំទេ ត្រឹមទប់ចិត្តខ្លួនឯងរួចដើរចេញ ជាវិធីដ៏ល្អបំផុត»។
ក្រោយមក ពូម៉ៅ បានបង្ហោះសារទៀតថា «គំរោង បើមិនមានគំរោងក៏មិនមានការរៀបចំដែរ យល់?
ចឹងឈប់គិតទៅហ៊ារិទ្ធអើយ»។ តាមរយៈនេះ មានការលើកឡើងថា «ត្រូវគ្នាវិញទៅលោកពូអាណិតកូន, ពូម៉ៅបើពូម៉ៅជាមនុស្សល្អមែន ពូម៉ៅឡាយនិយាយតតំាងទៅ»៕ សូមទស្សនាវីដេអូ លម្អិតខាងក្រោមនេះ ៖
