ភ្នំពេញ ៖ តារាចម្រៀង សុខ ស្រីនាង ត្រូវបានគេកត់សម្គាល់ឃើញថា សព្វថ្ងៃនេះ កេរ្តិ៍ឈ្មោះរបស់នាង គឺបានឡើងខ្ពស់ត្រដែតខ្លាំងតែម្តង ដោយឃើញថាមានការគាំទ្រពីសំណាក់បងប្អូនអ្នកគាំទ្រជុំទិសទី មិនថានៅក្នុងឬ ក៏នៅខាងក្រៅបណ្តាញសង្គមនោះឡើយ។
ជាការពិតណាស់ តារាស្រីរូបនេះគឺមានសមត្ថភាពយ៉ាងអស្ចារ្យក្នុងការច្រៀងនិង រាំ ផងដែរ ជាពិសេសទៀតនោះ គឺនាង មានរូបសម្រស់ស្រស់ស្អាតខ្លាំង ដែលជាអំណោយផលពីធម្មជាតិមកតែម្តង ដែលនេះកម្រនឹងមានរូបសម្បត្តិ ល្អពីធម្មជាតិបែបនេះណាស់។
ដោយឡែក នៅថ្ងៃចន្ទ ដើមទ្រព្យនេះ សុខ ស្រីនាង បានបង្ហោញខ្លួនជាមួយនឹងរូបរាងដ៏ស្លីមស្អាតនិង សក់វែងស្អាតទន់រលើបរលោង ជាមួយនឹងទម្រង់មុខរាងពងក្រពើ ស្បែកសខ្ចីដូចនឹងពណ៌សម្បុរដងខ្លួនផងដែរ ជាមួយនឹងអាវ ផ្កា និង ខោជើងខ្លី បញ្ចេញសាច់សខ្ចី ដែលមើលទៅពិតជាស្រស់ស្អាត គ្មានទាស់ត្រង់ណាឡើយ។
ជាមួយគ្នានេះ ម្ចាស់បទ “មិនស័ក្ដិសម”រូបនេះ ក៏បានភ្ជាប់ជាមួយសំណេរខ្លីថា “ឆ្នាំអូន ២៦”។ក្រោយពី បានឃើញដូច្នេះរួចមក ក៏មានអ្នកគាំទ្រជាច្រើនបាននាំគ្នាសរសើរសម្រស់តារាស្រីរូបនេះដែលនៅតែរក្សាភាពក្មេងជាងវ័យបានដដែល ទោះបីជាមានវ័យរាងចំណាស់បន្តិចក្តី៕ ប្រភព ៖ តារាញូស៍
