លោកអ្នក បានជ្រាបរួចមកហើយថា កញ្ញា វ៉ាន់ នីឡា ជាកូនស្រីបង្កើតរបស់ លោក សុវណ្ណរិទ្ធី ហៅតា វ៉ិច ទ័រ ហើយនាង បានចូលសិល្បៈ លេងកំប្លែង តាំងពីនៅតូចមកម្ល៉េះ រហូតមកដល់ពេញរូបពេញរាង ដូចសព្វថ្ងៃ។
វ៉ាន់ នីឡា មានទេពកោសល្យផ្នែកសិល្បៈតាំងពីតូច ហើយជាដៃគូ ដ៏សក្ដិសមរបស់នាយចឺម តាំងពីតូចនោះផងដែរ។ ប៉ុន្តែរហូតមកដល់បច្ចុប្បន្ន ពួកគេពេញកំឡោះក្រមុំអស់ទៅហើយនោះ ដោយវ៉ាន់នីឡា ប្រកបរបរជាអ្នកលក់អនឡាញបន្ថែមលើអាជីពជាអ្នកកំប្លែង ខណៈនាយចឺម បោះបង់កំប្លែង មកធ្វើជាតារាចម្រៀងនោះ។
ដោយឡែកនៅថ្ងៃទី១៩ ខែកក្កដា ឆ្នាំ២០២១ ជាថ្ងៃខួបកំណើតរបស់វ៉ាន់ នីឡា នោះ ស្រាប់តែលោកតាវ៉័ចទ័រ បានបង្ហោះរូបថ២សន្លឹក ធ្វើឲ្យអ្នកគាំទ្រ ឃើញហើយស្រឡាំងកាំងតែម្ដង។ បង្ហោះភ្ជាប់រូបថត២សន្លឹកកាត់ទន្ទឹមគ្នានេះ លោកតា វ៉័ចទ័រ បានដាក់Captionថា «រីករាយថ្ងៃខួបកំណើតកូនស្រីប៉ាសូមអោយកូនបានសម្រេចគ្រប់បំណងប្រាថ្នា»។
ចំពោះរូបថត និងការជូនពរពីឪពុកនេះ វ៉ាន់ នីឡា មិនបាននិយាយអ្វីទាំងអស់ គ្រាន់តែចែករំលែកបន្តចូលគណនីហ្វេសប៊ុករបស់ខ្លួន ហើយដាក់ស្ទីកឃ័រអស់សំណើច។ អ្នកគាំទ្រ ដោយឃើញបែបនេះ ក៏បញ្ចេញមតិម្នាក់មួយម៉ាត់គួរឲ្យអស់សំណើច ផងដែរ។
ជាក់ស្ដែង ពួកគេ បានលើកឡើងដូច្នេះថា «មើលលើកណាក៏សើចដែរ, គាំងហេ?, ប៉ាធើស៊ីកូនដល់ហើយ, ឃ្យូតសាហាវ, នៅតូចអាក្រក់ម្ល៉េះ, កាលនៅក្មេងCuteសាឡប់មងSis, យករូបគេបាក់ធ្មេញមកផុសប៉ាប៉ា, មានរូបស្អាតជាតនេះទេបង វ៉ិចទ័រ?»៕
