ក្ដៅគគុក! ករណី​ចូល​ប្លន់​ផ្ទះ អ៊ាន សៀវម៉ី, សមត្ថកិច្ច ឃាត់​ខ្លួន​លោក ​William Guang ដោយសារ​តែ…(មានវីដេអូ)

ក្រុម​,​ចោរ​ប្រដាប់​អា​,​វុ​ធ ដែល​បាន​បន្លំ​ខ្លួន​ជា​សមត្ថ​,​កិច្ច ហើយ​ភូត​កុហក​ថា ជា​ការចុះអនុវត្ត​សាលដីកា​ក្លែងក្លាយ ចូលទៅ​ផ្ទះ​លោកជំទាវ​ឧកញ៉ា អ៊ា​ន សៀវ​ម៉ី ដើម្បី​ប្លន់​ទ្រព្យសម្បត្តិ​នោះ ត្រូវបាន​សមត្ថកិច្ច​ឃាត់ខ្លួន​​​ហើយ នៅ​ទីតាំង​បុរី ប៉េង​ហួត ផ្លូវ​៦០​ម៉ែត្រ រាជធានី​ភ្នំពេញ។​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​យោងតាម​កងរាជអាវុធហត្ថ​រាជធានី​ភ្នំពេញ បាន​បញ្ជាក់ថា «​ក្រោម​ការចង្អុលបង្ហាញ​ពី​លោកនាយ​ឧ​ត្ត​ម​សេនីយ៍ សៅ សុខា អគ្គ​មេបញ្ជាការរង កងយោធពល​ខេមរភូមិន្ទ មេបញ្ជាការ កងរាជអាវុធហត្ថ​លើ​ផ្ទៃ​ប្រទេស នា​យប់​ថ្ងៃទី​២០ ខែធ្នូ ឆ្នាំ​២០២១​នេះ

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

កម្លាំង​អាវុធហត្ថ​រាជធានី​ភ្នំពេញ ដឹកនាំ​ដោយ​ឧ​ត្ត​ម​សេនីយ៍​ឯក រ័ត្ន ស្រ៊ាង មេបញ្ជាការរង កងរាជអាវុធហត្ថ​លើ​ផ្ទៃ​ប្រទេស និង​មេបញ្ជាការ​កងរាជអាវុធហត្ថ​រាជធានី​ភ្នំពេញ បាន​សម្រុកចូល​សំបុក​ក្រុមចោរប្លន់​ផ្ទះ​អ្នកលក់​ឡេ អ៊ា​ន សៀវ​ម៉ី ប្រមូលបាន​គ្រឿង​ពេជ្រ​ត្រឡប់មកវិញ និង​ដកហូត​អាវុធ​ចំនួន​៥​ដើម​(​វែង​១​ដើម ខ្លី​៤​ដើម​)​។ អាវុធហត្ថ​ភ្នំពេញ កំពុង​បន្ត​នីតិ​វិធី​លើ​មនុស្ស​ពាក់ព័ន្ធ ក្នុងចំណោម​មនុស្ស​ដែល​ឃាត់​ខ្លួន​ចំនួន​១២​នាក់​(​ប្រុស​៩​នាក់ ស្រី​៣​នាក់​)​។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ងាក​មក​មើល​ប្រតិបត្តិការ​មួយ​កន្លែង​ទៀត​ក្នុង​ការ​បង្ក្រាប​ក្រុម​ចោរ ​ក្នុង​ករណី​ប្លន់​ដដែល​នេះ ត្រូវ​បាន​ស្នងការ​នគរបាល​រាជធានី​ភ្នំពេញ បញ្ជាក់​ថា «​ដោយ​អនុវត្ត​តាម​បទបញ្ជា​របស់​ឯកឧត្តម នាយ​ឧ​ត្ត​ម​សេនីយ៍ សន្តិ​បណ្ឌិត នេ​ត សាវឿន អគ្គស្នងការ​នគរ​បាល​ជាតិ ឯកឧត្តម ឧ​ត្ត​ម​សេនីយ៍​ឯក ស ថេត អគ្គ​ស្នងការ​រង និង​ជា​ស្នងការ​នគរបាល​រាជធានី​ភ្នំពេញ និង​នាយកដ្ឋាន​ជំនាញ​ពាក់ព័ន្ធ កម្លាំង​ការិយាល័យ​ព្រហ្មទណ្ឌ​កម្រិត​ធ្ងន់​នៃ​ស្នងការដ្ឋាន​នគរបាល​រាជធានី​ភ្នំពេញ កម្លាំង​នៃ​អធិការដ្ឋាន​នគរបាល​ខណ្ឌ​ដង្កោ សហការ​ជាមួយ​កម្លាំង​នាយកដ្ឋាន​ព្រហ្មទណ្ឌ

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

បាន​ស្រាវជ្រាវ និង​ដេញ​ឃាត់​បាន​រថយន្ត​ដែល​ជនសង្ស័យ​បាន​ប្រើប្រាស់​ក្នុងករណី​ប្លន់​កាលពី​ព្រឹក​ថ្ងៃទី​១៩ ខែធ្នូ ឆ្នាំ​២០២១ នៅក្នុង​បុរី​ញូ​ថោ​ន ខណ្ឌ​ពោធិ៍​សែន​ជ័យ។ ដោយ​ស្ថានភាព​ងងឹត​ខ្លាំង កម្លាំង​ជំនាញ​បាន​ប្រដេញ​រថយន្ត​នេះ រហូត​ជនសង្ស័យ បាន​បើកទ្វារ​លោត​គេចខ្លួន​ចូលក្នុង​គុម្ពោត​ព្រៃ ពេលនេះ​សមត្ថកិច្ច​កំពុងធ្វើការ​ឡោមព័ទ្ធ​ទីតាំង​នោះ ដើម្បី​បន្ត​រុករក​ជនសង្ស័យ ដែល​រត់គេចខ្លួន​។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ដោយ​ពិនិត្យឃើញ​មាន​ដប​សាំង​ក្នុង​រថយន្ត សមត្ថកិច្ច​បានធ្វើការ​សន្និដ្ឋាន​ជាបឋម​ថា ជនសង្ស័យ​មានបំណង​បើករថយន្ត​ទៅ​កន្លែង​ស្ងាត់​ដើម្បី​ដុត​កំទេចចោល​បំផ្លាញ​ភស្តុតាង​»​។ ចំពោះ​ជនសង្ស័យ ដែល​រត់គេចខ្លួន​នេះ មិនទាន់​ទទួល​បាន​ព័ត៌មាន​ណាមួយ​ថា ចាប់​បាន​នៅឡើយ​ទេ គិត​ត្រឹម​ម៉ោង​១១​យប់​ថ្ងៃទី​២០ ខែធ្នូ ឆ្នាំ​២០២១។

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ជុំវិញ​រឿង​នេះ​នោះ អ្វី ដែល​ជា​ការចាប់អារម្មណ៍​នោះ បើ​តាម​ការផ្សាយ​របស់​ហ្វ្រេស​ញូ​ស៍ បាន​បញ្ជាក់​ថា «​តាម​ព័ត៌មាន​ច្បាស់​ការ ដែល​បណ្តាញ​ព័ត៌មាន Fresh News ទទួល​បាន​ពី​កម្លាំង​អាវុធហត្ថ​រាជធានី​ភ្នំពេញ ដែល​ដឹកនាំ​ផ្ទាល់​ដោយ​លោក​ឧ​ត្ត​ម​សេនីយ៍​ឯក រ័ត្ន ស្រ៊ាង ​បាន​ចាប់​ឃាត់ខ្លួន​មនុស្ស​មួយចំនួន ក្នុង​នោះ​មាន​លោក លោក សុខ​សុវណ្ណ វ​ឌ្ឍ​នាសា​ប៊ុង ហៅ William Guang ប្រធាន​គណបក្ស​ខ្មែរ​ក្រោក ដែល​អាច​ជាប់​ពាក់ព័ន្ធ​ករណី​ជាមួយ​ក្រុម​ចោរប្លន់​អ្នកលក់​ឡេ​ដ៏​ល្បីឈ្មោះ អ៊ា​ន សៀវ​ម៉ី​»៕ សូមទស្សនាវីដេអូ ខាងក្រោមនេះ ៖

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

Related posts

Leave a Comment