គេនៅចាំបានថា អ្នកលក់ឡេដ៏ល្បី អ្នកនាង Love Riya បានរៀបការជាមួយបុរសសង្ហាខ្មែរឥស្លាម លោក ហេន ឌ្រី កាលពីថ្ងៃទី១៧ ខែមីនា ឆ្នាំ២០១៩ និង បានផ្ដិតមេដៃលែងលះគ្នា កាលពីថ្ងៃទី២៦ ខែធ្នូ ឆ្នាំ២០១៩ ក្រោយពីរស់នៅមិនចុះសម្រុងគ្នានោះ។
ក្នុងការរស់នៅជាមួយគ្នានោះ ពួកគេបានបន្សល់ទុកកូនស្រីម្នាក់ជាដំណក់ឈាមរួមគ្នា ឈ្មោះ សារី រ៉ូហ្សាណា ហៅទែនទែន កើតដោយវះកាត់ នៅវេលាម៉ោង១១និង១១នាទីយប់ ថ្ងៃសៅរ៍ទី១២ ខែតុលា ឆ្នាំ២០១៩ គិតមកដល់ពេលនេះមានអាយុ២ឆ្នាំហើយ។ បច្ចុប្បន្ន ទែនទែន កំពុងតែរស់នៅយ៉ាងមានភាពកក់ក្ដៅជាមួយអ្នកនាងLove Riya។
ក្រោយលែងលះជាមួយលោកហេន ឌ្រី, អ្នកនាងLove Riyaចាប់ផ្ដើមសាងទំនាក់ទំនងជាមួយលោក ដែន សូនី បានរយៈពេលជាង១ឆ្នាំ ចំណងស្នេហ៍នេះ ត្រូវបានបញ្ចប់ បើទោះ កន្លងមក ពួកគេ ធ្លាប់ថតPre-Weddingស្ទើរតែនឹងចូលរោងការជាមួយគ្នាក៏ដោយចុះ។
បន្ទាប់ពីផ្ដាច់ទំនាក់ទំនងស្នេហាជាមួយលោក ដែន សូនី អ្នកនាង Love Riya ក៏បានរកឃើញអ្នកស្អំបេះដូងថ្មីឈ្មោះ ហេង គីមហៀង ហៅជា ដោយស្គាល់គ្នាបានមួយរយៈ ពួកគេយល់ចិត្តថ្លើមគ្នាខ្លាំងណាស់ ក៏បានសម្រេចចិត្ត ដឹកដៃគ្នាចូលរោងការកាលពីថ្ងៃទី១៥ ខែធ្នូ ឆ្នាំ២០២១កន្លងទៅនេះ។
ទោះLov Riyaមានប្ដី និងសង្សារច្រើនក៏ពិតមែន តែនាងនៅតែមានក្ដីស្រឡាញ់ចំពោះកូនយ៉ាងធំធេង ហើយរាល់សង្សារ ឬប្ដីរបស់អ្នកនាង ក៏មានការស្រឡាញ់កូននាងដូចជាកូនបង្កើតផងដែរ។ ដោយឡែក ពេលនាងឡាយលក់ផលិតផលនៅថ្ងៃទី១៨ ខែធ្នូ ឆ្នាំ២០២១នេះ មានអ្នកគាំទ្រខ្លះមើលឃើញថា ក្រោយមានអ្នកថ្មី នាងមិនសូវស្រឡាញ់កូនទៅវិញ។
ឆ្លើយតបនឹងការលើកឡើងនេះ Love Riyaបានបញ្ជាក់ច្បាស់ៗថា រឿងនេះ ខ្លួនទើបតែនិយាយជាមួយប្ដីហើយ ដោយប្រាប់ថា កូនអូន អូនស្រឡាញ់ កូនយើងជាមួយគ្នា ក៏អូនស្រឡាញ់ តែកុំដាក់សម្ពាធទៅលើកូន។
ជុំវិញការស្ដីប្រដៅកូន Love Riya បាននិយាយជាមួយប្ដីដែរថា ប្រដៅដោយមានសុជីវធម៌ និងគន្លងធម៌ ហើយទុកអូនជាអ្នកប្រដៅ បងប្រដៅតិចតួចបានហើយ ព្រោះអូនជាម្ដាយ និងកូន, អូនអត់ចង់ឲ្យកូនអូនមានសម្ពាធទេ។ កុំឲ្យគាត់ តូចចិត្តថា ម៉ាក់អត់ស្រឡាញ់កូនទេ៕ ដើម្បីកាន់តែជ្រាបច្បាស់ទៀតនោះ សូមទស្សនា វីដេអូ ខាងក្រោមនេះ ៖
