អ្នកស្រី ទ្រី ដាណា ថៅកែហាងពេជ្រចិត្តធម៌ បច្ចុប្បន្នមានភាពមមាញឹកខ្លាំងណាស់នឹងមុខជំនួញជាច្រើនរបស់ខ្លួននោះ ស្ទើរតែគ្មានពេលសម្រាប់ជួបជុំគ្រួសារ ដោយសូម្បីតែពេលពិសាបាយក៏អ្នកស្រី ឡាយលក់ផលិតផលដែរនោះ។
តួយ៉ាងនៅលើបណ្ដាញសង្គមហ្វេសប៊ុក គេកម្រឃើញអ្នកស្រីថតរូបជុំគ្រួសារខ្លាំងណាស់ ដោយឃើញភាគច្រើនតែជាមួយកូនប្រុសទី៣ញឹកញាប់ជាងគេ ក្រៅពីនេះ យូរៗឃើញម្ដងប៉ុណ្ណោះ ហើយអ្នកស្រីខ្លួនឯងក៏ទទួលស្គាល់ចំណុចនេះផងដែរ។
កាលពីថ្ងៃទី១៦ ខែធ្នូ ឆ្នាំ២០២១ម្សិលមិញនេះ មុនថ្ងៃខួបកំណើតកូនប្រុសកណ្ដាលរបស់ខ្លួននោះ អ្នកស្រី បានបង្ហោះរូបកូនប្រុសរូបនេះ ហើយបានប្រាប់ឲ្យអ្នកគាំទ្រដឹងថា «ថ្ងៃស្អែកជាថ្ងៃខួបកំណើតកូនប្រុសកណ្តាលរបស់ម៉ាក់ ម៉ាក់ជូនពរកូន ឱ្យមានសុខភាពល្អ ឆ្លាតវៃ ឈ្នះអស់ជំងឺទាំងពួង និងឈ្នះអស់មារសត្រូវ មានអនាគតល្អ ជួបនឹងមនុស្សល្អៗ»។
លុះនៅថ្ងៃខួបកំណើតកូនរបស់កណ្ដាលរបស់ខ្លួននាថ្ងៃទី១៧ ខែធ្នូ ឆ្នាំ២០២១នេះ បានឈានមកល់នោះ, អ្នកស្រី បានបង្ហោះវីដេអូមួយ ដោយដាក់Captionថា «សំណូមពរពីកូនប្រុសក្នុងថ្ងៃខួបកំណើតរបស់គាត់(និយាយឡើងយំ)»។
នៅក្នុងវីដេអូនោះ គេឃើញកូនប្រុសកណ្ដាលរបស់អ្នកស្រីរូបនេះ បានបង្ហាញពីបំណងប្រាថ្នារបស់ខ្លួន ដោយចង់ឲ្យអ្នកស្រី សប្បាយ មានពេលទំនេរខ្លះ និងរកស៊ីដំណើរការល្អ។
នៅពេលអ្នកស្រីសួរថា តើចង់ឲ្យម៉ាក់មានពេលវេលាទំនេរសម្រាប់ធ្វើអី? កូនប្រុសកណ្ដាលរូបនេះ ក៏ឆ្លើយថា មិនចង់ឲ្យម្ដាយរបស់ខ្លួនធុញថប់ ដោយរូបគេលើកហេតុផលថា នៅពេលដែលយើងធ្វើការងារច្រើនពេកមិនសរសៃប្រាសាទ។
និយាយដល់ចំណុចនេះ ស្រាប់តែទឹកភ្នែកកូនប្រុសកណ្ដាលរបស់អ្នកស្រីក៏ធ្លាក់ចុះមក ដោយសារតែការរំភើបពេក រហូតធ្វើឲ្យអ្នកស្រីសឹងតែយំតាមទៅហើយ។ នៅពេលនោះ អ្នកស្រី បានសួរទៀតថា តើកូនចង់ឲ្យម៉ាក់មានពេលវេលាហ្នឹងសម្រាប់កូនឬ? កូនប្រុសអ្នកស្រីក៏ឆ្លើយថា បាទ ហើយពួកគេ ក៏ឱបគ្នាតែម្ដង។ តាមរយៈវីដេអូនេះ បានធ្វើឲ្យអ្នកគាំទ្រអ្នកស្រី ទ្រី ដាណា មិនតិចនាក់ទេ បានបង្ហាញអារម្មណ៍រំភើបរហូតស្រក់ទឹកភ្នែកដែរនោះ។
ពួកគេ បានបង្ហាញអារម្មណ៍ស្រដៀងៗគ្នាដូច្នេះថា «ខ្ញុំ.ចង់យំតាមគាត់ហើយ, happy birthday អ៊ីអ៊ីយំតាមដែរហើយ, អួយអួលដើម.ក ខ្ញុំយំតាមហើយ, ហូរទឹកភ្នែកតាមក្មួយហើយ, ខ្ញុំយំតាមហើយ, ហូរទឹកភ្នែកតាមក្មួយហើយ, ចេះណាស់ខ្ញុំយំតាមហើយកូនល្អចេះគិតម៉ាក់ខ្លាចម៉ាក់ហត់នឿយឆ្លាតណាស់,
កូនប្រុស ប្អូន លាក់ អារម្មណ៍ពិតក្នុងចិត្ត មានអារម្មណ៍នឹកម្តាយ ចង់នៅក្បែរម្តាយ ឲ្យបានច្រើន ចេះ បារម្ភពីការនឿយហត់ របស់ម្តាយ កូនប្រុសឆ្លាត ណាស់ ក្នុងចិត្ត តឹងទ្រូង ចង់យំ ប៉ុន្តែបន្លប់ ជាសើច លួងចិត្តម្តាយ ឆ្លាតណាស់ ជូនពរក្មួយប្រុស ថ្ងៃខួបកំណើត បានប្រកបដោយសេចក្តីសុខសាន្ត រៀនសូត្រវៃឆ្លាតសុខភាពល្អ នឹងក្រុមគ្រួសារ»៕ ដើម្បីឲ្យកាន់តែច្បាស់ទៀតនោះ សូមទស្សនា វីដេអូខាងក្រោមនេះ ៖
