កម្សាន្ត៖ មុននេះបន្ដិច តារាកំប្លែង Peypey Dy បានបង្ហោះវីដេអូ ធ្វើការបញ្ចេញមតិទៅ លើហេតុការណ៍គ្រោះថ្នាក់ចរាចរណ៍របស់ពិធីករ តាប៊ុយ នៅ ក្នុងបណ្ដាញសង្គម Tiktok។ នៅ ក្នុងហេតុការណ៍នោះ តាប៊ុយ ជាអ្នកបង្កហេតុ ដោយបើកឡានម៉ាក Range Rover ក្នុងស្ថានភាពស្រវឹង បានបុកជាមួយនឹង រថយន្ដម៉ាក Prius កាលពីយប់មិញនេះ។
លើសពីនោះ តាប៊ុយ បានឡាយវីដេអូបន្ទោសជនរងគ្រោះទៀតផង ដែលធ្វើឲ្យមានមតិផ្ទុយគ្នាជាច្រើនកើតឡើងនៅ ក្នុងបណ្ដាញសង្គម។ ជាមួយគ្នានេះដែរ មានមតិជាច្រើនចោទប្រកាន់ទៅ ខាងម្ចាស់ឡានថា ទាសំណងថ្លៃ ដល់ទៅ ២០០០ ដុល្លារ។
ដោយឡែក ថ្មីៗនេះ Peypey Dy បាននិយាយបញ្ចេញមតិផ្ទាល់ខ្លួនទៅ កាន់ហេតុការណ៍នោះចំៗ ហើយថែមទាំងប្រកាសឲ្យបងប្អូនដែលលេងបណ្ដាញសង្គមជួយស៊ែរតៗគ្នាឲ្យបានឃើញផង។ ទន្ទឹមនឹងនោះ Peypey Dy បានបញ្ចេញមតិថា ជនរងគ្រោះទើបនឹងទិញឡាន Prius ថ្មី កាលពីថ្ងៃទី៤ ខែធ្នូនេះ ហើយដែលគេយោគយល់ដល់តាប៊ុយ មិនប្ដឹងប្ដល់ ដោយគ្រាន់តែឲ្យបង់ថ្លៃជួសជុលរថយន្ដនោះគឺជាសំណាងធំហើយ៕
ប្រភពពីkhmerload
សូមទស្សនាវីដេអូរបស់ Peypey Dy ខាងក្រោមនេះ៖
