នៅថ្ងៃទី១៥ ខែធ្នូ ឆ្នាំ២០២១នេះ អ្នកនាងLove Riya និងលោក ហេង គីមហៀង ហៅជា បានដឹកនាំគ្នាចូលរោងការ តាមប្រពៃណីខ្មែរ ដោយពិធីនេះ ធ្វើឡើងនៅភូមិព្រែករាំង ឃុំកំពង់សំណាញ់ ក្រុងតាខ្មៅ។
បើក្រឡេកមកមើលទំនាក់ទំនងរបស់ពួកគេ មុនឈានដល់ដល់ការរៀបមង្គលការជាមួយគ្នានេះ កើតឡើងឡើងដោយសារតែមានការណែនាំពីអតីតតារាចម្រៀង ម៉ូលីកា ដែលចាត់ទុកលោក ហេង គីមហៀង ដូចជាបងប្រុស ឲ្យទៅស្គាល់គ្នាជាមួយអ្នកនាងLove Riya នោះ។
ទោះយ៉ាងណា ថ្ងៃមង្គលការរបស់ពួកគេ, ម៉ូលីកា បែរជាបង្ហោះសារយំសោក អន់ចិត្តខ្លាំងរឿងគេមិនឲ្យតម្លៃខ្លួន ខំចាត់ទុកគេដូចជាបងប្រុស ណែនាំឲ្យស្គាល់គ្នា គេបែរជាមិនប្រាប់ការនាងទៅវិញ។
បង្ហោះភ្ជាប់ជាមួយរូបថតយកដៃខ្ទប់ច្រមុះ នៅរាត្រីឆ្លងចូលថ្ងៃទី១៥ ខែធ្នូ ឆ្នាំ២០២១នេះ ម៉ូលីកា បានបង្ហាញអារម្មណ៍សោកស្ដាយថា «ខ្ញុំស្ដាយមិត្តភាព ដែលទុកមនុស្សម្នាក់ជាបងប្រុស ចង់អោយគាត់ល្អ ចង់អោយគាត់មាន ចង់អោយគាត់មានឡានជិះ មានមនុស្សស្រីម្នាក់ ដែលប្រាកដ ប៉ុន្តែពេលបានល្អហើយ ពេលមានហើយ ពេលដូចបំណងហើយ បែរជាបងប្រុសម្នាក់នឹងភ្លេចប្អូនហើយ»។
ម៉ូលីកា បន្តថា «ប្អូនម្នាក់នេះមិន ដែលចង់បានផលតបស្នងច្រើនទេ គ្រាន់តែចង់អោយបងគិតឡើងវិញថា មុនពេលបានដូចបំណង តើអ្នកណាជាអ្នកជួយជ្រោមជ្រែងអោយទៅស្គាល់គេ ហើយគេ បើមិនបានខ្ញុំក៏គេមិនបានស្គាល់បងដែរ មិននឹកស្មានថាបងទៅជាចឹង»។
អតីតតារាចម្រៀងនៅផលិតកម្មRockរូបនេះ រៀបរាប់ទាំងឈឺចាប់ទៀតថា «ទោះយើងមិនមែនបងប្អូនបង្កើតក៏ខ្ញុំខំlive ប្រកាសប្រាប់គេថាបងជាបងប្រុសរបស់ខ្ងុំ បងជាមនុស្សល្អ បងមិនចេះផឹកបងមិន ដែលមានសង្សារ បងខ្ញុំល្អណាស់ ទៅណាក៏បបួលទៅ អោយមកគេងនៅផ្ទះជាមួយ បងប្រុសឃ្លានអី ខលមកកម្មង់ បងឃ្លានគោឡើងភ្នំ ខ្ញុំក៏ធ្វើអោយញុំា នេះអីដែលបងតបស្នងមកប្អូនវិញ បងប្លែកណាស់ អ្វីដែលហួសចិត្តបំផុតគឺថ្ងៃជ័យ័បងប្រុស បងប្រុស មិនមកហៅសំបុត្រប្អូនទេគឺខ្លាចអន់ ខ្ញុំអន់ចិត្តណាស់ ធ្លាប់តែយំដោយសារប្ដី តែនេះយំដោយសារអ្នកដ៏ទៃវាឈឺចាប់ណាស់»។
ជុំវិញរឿងនេះ រហូតមកដល់រសៀលថ្ងៃទី១៥ ខែធ្នូ ឆ្នាំ២០២១នេះ គេមិនទាន់ឃើញ ហេង គីមហៀង ធ្វើការបកស្រាយបែបណានៅឡើយទេ ព្រោះកំពុងតែរវល់ជាមួយនឹងថ្ងៃដ៏ពិសេសរបស់ខ្លួនក្នុងនាមជាកូនកំលោះនោះ។ យើងសង្ឃឹមថា នឹងមានការបកស្រាយឆាប់ៗនេះ៕
