ងិន ម៉ារ៉ាឌី ពោលពាក្យយ៉ាងកម្សត់ ក្រោយបាត់បង់ឱកាសឡើងទៅវគ្គ Top 10 ក្នុងការប្រកួត Miss Universe 2021 ព្រឹកមិញ

បវរកញ្ញាចក្រវាលកម្ពុជាប្រចាំឆ្នាំ២០២១ កញ្ញា ងិន ម៉ារ៉ាឌី នៅព្រឹកថ្ងៃទី១៣ ខែធ្នូ ឆ្នាំ​២០​២១​នេះ បានបង្ហោះសារមួយនៅលើ​បណ្ដាញ​សង្គម​ ដោយបង្ហាញពីអារម្មណ៍សោកស្ដាយ ខណៈ​មិនមានឱកាសបាន​ឡើងទៅដល់ Top10 ​នៃវគ្គ​ផ្ដាច់ព័ត្រក្នុង​កម្មវិធី Miss Universe 2021 ដែលកំពុងធ្វើឡើងនៅប្រទេសអ៊ីស្រាអែល ។

កញ្ញា ងិន ម៉ារ៉ាឌី ឬ ងិន រ៉ូហ្សា បានរៀបរាប់លើបណ្ដាញសង្គមថា ដើម្បីអ្នកគាំទ្រ ដើម្បីប្រជាពលកម្ពុជា ក៏​ដូច​​ជាដើម្បី​ប្រទេស​កម្ពុជា ខ្លួនបានខិតខំប្រឹងប្រែងអស់ពីសមត្ថភាពហើយ ។ ប៉ុន្តែនាង​ក៏​អរគុណចំពោះការគាំទ្រ និងការស្រឡាញ់​នាពេលកន្លងមក ។

កញ្ញា ងិន ម៉ារ៉ាឌី បានគួសបញ្ជាក់ថា៖ «នាងខ្ញុំបានប្រឹងប្រែងអស់ពីសមត្ថភាពរបស់នាងខ្ញុំហើយ ដើម្បីបង​ប្អូនទាំងអស់គ្នា ដើម្បី​កម្ពុជា ។ សូមអរគុណពុកម៉ែបងប្អូន ដែលតែងតែនៅពីក្រោយ គាំទ្រ ស្រលាញ់ និងផ្តល់កំលាំងចិត្តដល់រូបនាងខ្ញុំកន្លងមក» ។

គួរបញ្ជាក់ថា កញ្ញា ងិន ម៉ារ៉ាឌី ឬ ងិន រ៉ូហ្សា គឺជាម្ចាស់ម្កុដ​កម្មវិធី​ប្រឡង​បវរកញ្ញា​ចក្រវាល​កម្ពុជាប្រចាំឆ្នាំ​២០២១ និងបានឡើងទៅប្រកួតប្រជែងសមត្ថភាពនៅលើឆាកអន្តរ​ជាតិ​ជា​ច្រើន នៅ​​​ប្រទេស​អ៊ីស្រាអែល ចាប់ពីថ្ងៃទី២៨ ខែវិច្ឆិកា កន្លងទៅនេះ ។

កញ្ញា ងិន ម៉ារ៉ាឌី បានបង្ហាញពីសមត្ថភាព ក៏ដូចជាបង្ហាញ​ឱ្យ​គេបាន​ស្គាល់​កម្ពុជាកាន់​តែច្បាស់តាមរយៈឆាកអន្តរជាតិនៃកម្មវិធី Miss Universe 2021 ។ ជាពិសេសបវរកញ្ញាចក្រវាល​ពោរពេញ​ដោយ​សម្រស់​ស្រស់សោភារបស់កម្ពុជារូបនេះ បានបង្ហាញ​ពីវប្បធម៌ និងអរិយ​ធម៌​​ខ្មែរជាច្រើន​ទៅកាន់​បរទេស។
ប្រភពពី​តារា​ញូស៍​

ដេីម្បី​កាន់​តែ​ជ្រាប​ច្បាស់​សូម​ទស្សនា​រូបភាព​ខាងក្រោម​ទាំង​អស់​គ្នា​៖

Related posts

Leave a Comment