អ្នកគាំទ្រ កញ្ញា តេង ស៊ីណាត ហៅអាជី ច្បាស់ជាបានជ្រាបរួចមកហើយថា កាលពីថ្ងៃទី៨ ខែធ្នូ ឆ្នាំ២០២១ម្សិលមិញនេះ រូបនាង ទើបតែប្រកាសបាត់លុយរហូតដល់ទៅជាង៣ម៉ឺនដុល្លារទាំងព្រឹក ធ្វើឲ្យអ្នកលេងបណ្ដាញសង្គមខ្លះក៏ជឿ ខណៈអ្នកខ្លះទៀតក៏មិនជឿ ថែមទាំងសើចចំអកនាងនោះ។
នៅពេលមានអ្នកអត់ជឿ ហើយដៀមដាម និងសើចចំអកនាងនោះ អាជី ក៏តបថា « «ខ្ញុំមានទុកបែបជានាំគ្នាជាន់ខ្ញុំ នាក់ខំមិនមួយចំនួនតូចគាត់ខំមិនមិនចេះគិត ខ្ញុំបាត់លុយមេន តែបែបជានិយាយថា ខ្ញុំចង់ល្បីទៅវិញ មុននឹងនិយាយថា ខ្ញុំលេងសើចកុ,ហកចង់បានlikeច្រើន ជួយចូលទៅមើលពេលខ្ញុំឡាយម្ដងៗផងថាតើអ្នកមើលឡាយខ្ញុំធម្មតានឹងប៉ុន្មាននាក់ ខ្ញុំឡាយលក់ឡេអ្នកមើលខ្ញុំរាល់ដងជា10k ហេតុអីខ្ញុំត្រូវយករឿងចឹងមកលេងសើចមនុស្សអើយមនុស្សហេតុអីជា,ន់តែខ្មែរគ្នាឯង»។
ដោយឡែក ក្រោយពីប្រកាសបាត់លុយនោះ ស្រាប់តែនៅល្ងាចថ្ងៃទី៩ ខែធ្នូ ឆ្នាំ២០២១នេះ អាជី បានបង្ហាញរថយន្ត១គ្រឿងយ៉ាងថ្មីសន្លាង ហើយប្រាប់ថា «អរគុណម៉ាៗសម្រាប់កាដូដល់ធំមួយនេះ»។ ការបង្ហាញរថយន្តម្ដងនេះ សង្ឃឹមថា ជាការពិតទៅចុះ ព្រោះកាលពីពេលមុននាងក៏ធ្លាប់បានបង្ហាញម្ដងរួចមកហើយដែរ ហើយក្រោយមកក៏ប្រាប់ថា គ្មានលុយទិញទេ នោះ។
តាមរយៈការបង្ហាញរថយន្តថ្មីសន្លាងម្ដងនេះ ហាក់មិនមែនអ្នកសើចចំអកនាង ឬដៀមដាមដូចពេលមុនៗនោះឡើយ ដោយពួកគេ បង្វែរមកលាន់មាត់សរសើរដូច្នេះថា «ស្អាតណាស់អូន, ស្អាតហាសចែ, ឃើញជិះមិញដែរចែឡូយកប់បស់គេ, អត់ដឹងថាពេលណាមានវាសនាដូចចែជីទេ, ស្រឡាញ់ចែជីណាស់»។
គួរបញ្ជាក់ថា កាលពីថ្ងៃទី៩ ខែតុលា ឆ្នាំ២០២១កន្លងទៅនេះ អាជី បានបង្ហាញរថយន្ត១គ្រឿង យ៉ាងថ្មីសន្លាង ហើយប្រាប់ថា «១គ្រឿងនេះម៉េចដែរ ស្រលាញ់ស្ទើរលេបហើយបើមិនទិញម៉េចកើត»។ ក្រោយពីបង្ហោះរួច ស្រាប់តែនាងប្រាប់វិញថា «គ្មានលុយទិញទេall nop អើយសុំគេថតទេ ក្រណាស់មានលុយណាទិញ»។ តែលើកនេះ ប្រហែលជាការពិតហើយ ដោយសារតែនាងអះអាងថា ជាកាដូ របស់ម៉ាៗនោះ៕
