នៅល្ងាចថ្ងៃទី១ ខែធ្នូ ឆ្នាំ២០២១នេះ អ្នកស្រី ទ្រី ដាណា ថៅកែហាងពេជ្រចិត្តធម៌ បានបង្ហាញអារម្មណ៍រំភើប ពេលឃើញ បវរកញ្ញាតំណាងជាតិយើង ឡើងលើឆាកអន្តរជាតិ ហើយអ្នកស្រី បានសម្រេចជួយជាថវិកាមួយចំនួន ដើម្បីបោះឆ្នោតតាម App ផងដែរ។
អ្នកស្រី បានបង្ហោះរូបថតបវរកញ្ញាតំណាងជាតិខ្មែរ ហើយបង្ហាញអារម្មណ៍ដូច្នេះថា «រំភើបចិត្តពេលឃើញបវរកញ្ញាខ្មែរយើងឡើងឆាកអន្តរជាតិម្ដងៗ នាងខ្ញុំជួយ 5000$ ដើម្បីបោះឆ្នោតតាម App ស្មើនឹង 5500 Votes ខំប្រឹង តស៊ូឡើងប្អូនស្រី ត្រូវចាំថា ប្អូនជាបវរកញ្ញាតំណាងជាតិយើង
ហើយយើងទាំងអស់គ្នា រង់ចាំគាំទ្រផ្ដល់កម្លាំងចិត្តជានិច្ច សូមគាំទ្រ ការបោះឆ្នោតតាម App Star Phone សល់ពេល ៣ថ្ងៃទៀត ដើម្បីបវរកញ្ញាកម្ពុជាយើងបានឈានចូល Top 10 វគ្គផ្ដាច់ព្រ័ត្រក្នុងកម្មវិធី Miss Grand International»។
ដោយឡែក ស្រីអូន សម្រស់ធម្មជាតិ ដែលជាស្ត្រីចិត្តធម៌ដែរនោះ នៅយប់ថ្ងៃដដែលនេះ ក៏បានសម្រេចជួយដល់បវរកញ្ញាតំណាងជាតិយើងផងដែរ តាមរយៈការឧបត្ថម្ភថវិកាចំនួន២ពាន់ដុល្លារ សម្រាប់បោះឆ្នោតតាមApp star phone។
ស្រីអូន បានបញ្ជាក់ដូច្នេះថា «ខ្ញុំបានធ្វើរួចហើយដើម្បីជួយធីតា 2000$ សម្រាប់បោះឆ្នោតតាម App ជូនដល់បវរកញ្ញាខ្មែរយើង សល់តែ3ថ្ងៃទៀតទេលឿនៗ សូមបងប្អូនចូលរួមជួយស៊ែរនិងlike ពិសេសសូមជួយបោះឆ្នោតតាម App star phone ដើម្បីលើកមុខមាត់កញ្ញាឯករបស់យើងផង ខ្មែរជួយខ្មែរ»។
គួរបញ្ជាក់ថា អ្នកស្រី ទ្រី ដាណា និង ស្រីអូន សម្រស់ធម្មជាតិ ជាស្ត្រីចិត្តធម៌ដូចគ្នា ហើយនៅថ្ងៃទី១ ខែធ្នូ ឆ្នាំ២០២១នេះ ពួកគេ បានសម្រេចជួយដល់បវរកញ្ញាតំណាងជាតិយើងដូចគ្នាទៀតផង ដោយអ្នកស្រី ទ្រី ដាណា ជួយ៥ពាន់, ស្រីអូន ជួយ២ពាន់ សម្រាប់បោះឆ្នោត តាមApp។ ដោយ១ដុល្លារស្មើ១ពិន្ទុ ដូច្នេះពួកគេទាំង២នាក់ សរុបបានផ្ដល់ជូនបវរកញ្ញាតំណាងជាតិយើងសរុបចំនួន៧ពាន់ពិន្ទុហើយ៕
