កាលពេលថ្មីៗកន្លងទៅនេះ អ្នកស្រី ទ្រី ដាណា ថៅកែហាងពេជ្រចិត្តធម៌ បានចែករំលែកបទពិសោធន៍គូជីវិត ដែលអ្នកស្រី មិនអាចឃុំគ្រងស្វាមីបាន រហូតមានស្រីក្រៅជាដើមនោះ។
នៅក្នុងវីដេអូនោះ ថៅកែហាងពេជ្រចិត្តធម៌រូបនេះ បានលើកឡើងជាការចែករំលែកបទពិសោធន៍ថា កន្លងមកខ្លួនធ្លាប់មានអំនួត ទី១ខ្លួនស្អាត ទី២ ខ្លួនពូកែ ទី៣ពូកែយកចិត្តប្ដី ហើយពូកែញ៉ិកញ៉ក់ដាក់មុខប្ដីណាស់ ប៉ុន្តែខ្លួនឃុំគ្រងប្ដីអត់បាននោះទេ។
អ្នកស្រី បានលើកឡើងទៀតថា អ្នកស្រី ចាញ់ត្រង់មិនអាចធ្វើឲ្យគេស្មោះនឹងអ្នកស្រីបាន កន្លែងហ្នឹងហើយ អ្នកដែលទើបនឹងការកុំអួត អួតអត់កើតទេ អ្នកការបាន១ឆ្នាំ ២ឆ្នាំ ៣ឆ្នាំអីមិនបាច់មកអួតទេ។
អ្នកស្រីបន្តថា ខ្លួនឆ្លងកាត់អស់ហើយជីវិតគូ, មនុស្សប្រុសមួយចំនួនអត់ស្កប់ទេ ទោះជាយើងពូកែ យើងល្អ យើងស្អាត យើងឆ្លាតប៉ុណ្ណាក៏ដោយ ព្យាយាមធ្វើយ៉ាងម៉េចក៏ដោយ ក៏គេនៅតែទៅចោលយើងដែរ។ អ្នកស្រីថា ខ្លួនគ្រាន់តែចង់ចែករំលែកប៉ុណ្ណឹង ដើម្បីឲ្យស្ត្រីមួយចំនួនរៀនរស់នៅដោយខ្លួនឯង កុំពឹងផ្អែកទៅលើគេពេក។
អ្នកស្រី លើកឡើងទៀតថា ដូចខ្លួនពីមុនអីចឹង ស្អាត ឆ្លាត ពូកែ មានលុយ ខ្លួនអត់ចេះខ្វល់ទេ។ ពីមុនខ្លួនធ្លាប់ប្រើពាក្យថា បែក១យក១ ប៉ុន្តែប្រើពាក្យហ្នឹងអត់ត្រូវទេ ពីព្រោះចរិតមនុស្សខុសៗគ្នា ឥឡូវនេះរាងចាលតែម្ដង។ ពូកែប៉ុណ្ណាក៏ដោយ មិនអាចឃុំគ្រងចិត្តមនុស្សប្រុសបានទេ។
អ្នកស្រីថា អ្នកស្រីនិយាយនេះ តែមនុស្សប្រុសមួយចំនួនប៉ុណ្ណោះ កុំឲ្យប៉ះពាល់មនុស្សប្រុសគេល្អ ពីព្រោះមានប្រុសល្អ ហើយខ្លួនក៏ធ្លាប់ជួបដែរ បុរសបែបហ្នុង តែខ្លួនសោកស្ដាយក្នុងជីវិត ដែលអ្នកស្រី ថែរក្សាគេអត់បានល្អ។
ទោះយ៉ាងណា អ្នកស្រី បានបញ្ជាក់ថា អ្នកស្រី មិនបាននិយាយបុរស ដែលខ្លួនទើបនឹងលែងនេះទេ។ អ្នកស្រីថា អ្នកខ្លះស្រឡាញ់យើងណាស់ ដល់ថ្នាក់មើលមនុស្សស្រីផ្សេងអត់ឃើញស្អាត។ ប៉ុន្តែមនុស្សប្រុសមួយចំនួនវិញ មើលយើងអត់ដែលឃើញស្អាតទេ។ តែបើមើលមនុស្សស្រីផ្សេង អាក្រក់ជាងយើងម៉េចក៏គេមើលឃើញស្អាតដែរ។
ដោយឡែកពូម៉ៅវិញ នៅថ្ងៃទី២០ ខែវិច្ឆិកា ឆ្នាំ២០២១នេះ ពូម៉ៅ បានបង្ហោះសារមួយ ដោយលើកឡើងថា «មាសសុទ្ធមិនខ្លាចភ្លើង សំខាន់យើងមិនដូចអ្វីគេចោទ កុំអាងមានមាត់ចេះតែយាយ»។ ទោះយ៉ាងណា គេមិនដឹងថា ពូម៉ៅ បង្ហោះបែបនេះ ជាការឆ្លើយតប នឹងអ្នកស្រី ទ្រី ដាណា ឬយ៉ាងណានោះឡើយ៕ សូមទស្សនាវីដេអូ ខាងក្រោមនេះ ៖
