គេនៅចាំបានថា តារាសម្ដែង ឌី សូនីតា បានសម្រាលកូនស្រី ប្រកបដោយសុវត្ថិភាព កាលពីថ្ងៃទី២២ ខែតុលា ឆ្នាំ២០២០ កន្លងទៅនេះ បន្ទាប់ពីទម្លាយរឿងមានកូនជាមួយតារាសម្ដែងប្រុសលោកលោក ចន អេឡិច ហ្សូរ៉ា ប៉ុន្មានថ្ងៃនោះ។
កន្លងមក, កូនស្រីរបស់អ្នកនាង ដែលមានឈ្មោះ «Smile» ត្រូវបានអ្នកគាំទ្រជាច្រើន លើកឡើងថា មានមុខមាត់ដូចបារាំង ខ្លះទៀតថាដូចប៉ាៗ។ ឆ្លើយទៅនឹងការលើកឡើងនៅពេលនោះ ឌី សូនីតា បានបកស្រាយថា «ចេះតែថាអូនកាត់ទៅ Daddy ហើយ មើលមុខយាយទួតអូនផង ច្រមុះហោះតាំងពីលើមកចា តែយ៉ាងណាសុំសម្លក់យាយទួតមួយសិន…»។
គេសង្កេតឃើញថា ក្រោយពីទទួលបានចំណងដៃកូនស្រីដ៏គួរឲ្យស្រឡាញ់រួចមក គ្រួសារស្ថិតក្នុងរង្វង់សិល្បៈមួយនេះ រស់នៅកាន់តែមានសុភមង្គល ជាមួយនឹងការយល់ចិត្តគ្នា បង្កើតបរិយាកាសសប្បាយរីករាយដូចកាលពីពួកគេជាដៃគូសម្ដែងជាមួយគ្នានោះដែរ។
ដោយឡែកនៅថ្ងៃទី១៦ ខែកក្កដា ឆ្នាំ២០២១នេះ តារាសម្ដែង ឌី សូនីតា បានបង្ហោះរូបថតអមដោយវីដេអូ អរគុណស្វាមីរបស់ខ្លួនសម្រាប់ការរៀបចំខួបកំណើតថា «Thanks you pa pa រាល់ឆ្នាំមិនដែល អវត្តមានអ្នកទេ តែឆ្នាំនេះបាត់ សូម្បីតែសំឡេងតហា ដោយសារវត្តមានកូវីដ សូម្បីតែកូនក៏ស្រណោះម៉ាមីដែរ»។
តាមរយៈនេះ អ្នកគាំទ្រ បានលើកឡើងថា «ហ្អើយកាតុបអឺត ធ្វើមុខប្រុងម៉េចនឹងកូន…..ម៉ែកំពុងសេដនឹកឪ…..មិនជួយលួងខ្លះទេ…, ធ្វើតែខួបកំណើតម៉ាមីចុះខ្ញុំវិញ កូនស្មាយចេះលេងទឹកមុខផង, អូនស្មាយៈ …..!! គ្រាន់ចឹងសោះម៉ែឯងរលីងរលោងចូលតួអី កាន់ដៃខ្ញុំតែចិត្តនឹកឪ មានយល់មុខខ្ញុំអត់ម៉ែ?,
មើលកូនគេចេះចូលតួតាំងពីតូចទៅហើយនឹង ចុះទម្រាំធំទៀតដឹងចូលតួប៉ុណ្ណាទេ, Cake នឹងទុកឲ្យអូនស្មាយ៍វិញម៉ាក់កុំរញ៉េរញ៉ៃ, មើលអាស្មាយធ្វើមុខ, មុខអាស្មាយ៍ឆ្ងល់ឥតល្ហែ, មើលអូនស្មាយមើលមុខម៉ាមីហ៎, មើលមុខ អាស្មាយ មានគ្រប់សព្វហ្មង, អូនស្មាយកុំលេងទឹកមុខជាមួយម៉ាក់ៗពេក អោយម៉ាក់ៗនិយាយសាច់កាជាមួយប៉ាៗសិន»៕ សូមទស្សនាវីដេអូ ខាងក្រោម ៖
