លោកជំទាវ ហ៊ុន ស៊ីណាត ប្អូនស្រីបង្កើតរបស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នៅព្រឹក
ថ្ងៃទី១៦ ខែកក្កដា ឆ្នាំ២០២១នេះ បានធ្វើឱ្យមហាជនអ្នកប្រើប្រាស់បណ្ដាញសង្គមមានការចាប់អារម្មណ៍ និងស្ញើចសរសើរយ៉ាងខ្លាំង បន្ទាប់ពីលោកជំទាវធ្វើរឿងដ៏ជ្រះថ្លា នាំយកទេយ្យវត្ថុជាច្រើនទៅប្រគេនព្រះសង្ឃជាចំនួន១៨វត្ត នៅស្រុកជុំគីរី ខេត្តកំពត ។
ដោយលោកជំទាវបានឱ្យដឹងតាមរយៈសំណេរនៅលើគណនីហ្វេសប៊ុកយ៉ាងដូច្នេះថា «ថ្ងៃសុក្រ 7កើត ខែទុតិយាសាឍ ឆ្នាំឆ្លូវ ត្រីស័ក ពុទ្ធសករាជ២៥៦៥ ត្រូវនឹងថ្ងៃទី១៦ ខែកក្កដា ឆ្នាំ២០២១ ។ ថ្ងៃនេះខ្ញុំបាននាំយកទៀនព្រះវស្សា និងទេយ្យវត្ថុមកប្រគេនដល់ព្រះសង្ឃ ១៨ វត្តក្នុងស្រុកជុំគីរី ខេត្តកំពត » ។
ក្នុងនោះលោកជំទាវ ក៏បានបញ្ជាក់ដែរថា «វត្តនីមួយៗទទួលបាន ទៀនវស្សា១គូ, ស្លាដក់១, អង្ករ ៥០kg, អំបិល ១០០kg, ទឹកត្រី ២យួរ, ត្រីខ ២យួរ, មី ២កេះ, ទឹកក្រូច ២កេះ ទឹកបរិសុទ្ធ៣០យួរ, ប្រេងកាត ១០លីត្រ និងបច្ច័យ ៦០ ម៉ឺនរៀល» ។
ជាមួយគ្នានោះ លោកជំទាវ ហ៊ុន ស៊ីណាត បន្តដោយការសួងបួងទៀតថា «សូមឲ្យផល្លានិសង្សដែលកើតបានពីទៀនព្រះវស្សានេះជូនចំពោះវិញ្ញាណក្ខន្ធលោកអ្នកមានគុណ និងជូនដល់បងប្អូនកូនក្មួយមិត្តរួមហ្វេសប៊ុកទាំងអស់
អនុមោទនានូវអានិសង្សនេះ សូមឲ្យទទួលបាននូវសេចក្ដីសុខសេចក្ដីចម្រើន ជៀសផុតពីជម្ងឺកាចសាហាវទាំងពួងគ្រប់ក្រុមគ្រួសារ ម្យ៉ាងទៀតសូមឲ្យម្ចាស់ដើមទានទាំងអស់សមប្រកបនូវពុទ្ធពរទាំងឡាយ៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ» ៕ ប្រភពពី តារាញូស៍
ដេីម្បីកាន់តែជ្រាបច្បាស់សូមទស្សនារូបភាពខាងក្រោមទាំងអស់គ្នា៖
