រាជធានីភ្នំពេញ៖ កាលពីពេលថ្មីៗនេះ អ្នកណាក៏ដឹងថា តារាកំប្លែង អៀង ចេនឡា ជាតារាប្រុសពហុជំនាញមួយរូប ដែលលោកពេលនេះ ហាក់ស្រកសាច់ស្រាកឈាម ស្គមស្គាំងជាងមុន ព្រោះតែទឹកចូលសួត ក្នុងនោះ លោកក៏បានបញ្ជាក់ហើយថា លោកបានបូមទឹកចេញពីសួត កាលពីកន្លងមកនេះ។
ក្នុងនោះដែរ ក៏មានមហាជនជាច្រើន មើលចំណាំរូបលោក សឹងមិនស្គាល់ ព្រោះតែលោកស្រកសាច់ស្រកឈាមខ្លាំងពេក ទន្ទឹមនឹងនោះ ក៏មានអ្នកគាំទ្រ ជូនពររូបលោក ឱ្យបានឆាប់ជាពីជំងឺ។ យ៉ាងណាមិញ តារាកំប្លែងរូបនេះ ហាក់ដូចជាតូចចិត្ត ព្រោះតែលោកក៏ជាតារា ដែលលេចធ្លោមួយរូប ក្នុងចំណោមមហាជនផងដែរ ប៉ុន្តែ ពុំឃើញសូវមានអ្នកណាចិត្តទុកដាក់នោះទេ។
ជាមួយគ្នានេះ តារាកំប្លែងរូបនេះ បានពោលតូចចិត្តតូចថ្លើម នៅលើទំព័រហ្វេសប៊ុករបស់ខ្លួន ហេតុតែលោកពុំមែនជាតារាល្បីហ្នឹងគេ ទើបឈឺពុំមានសមាគមណាអើពើ ហើយលោកបន្ថែមថា លោកមិនចង់បានជំនួយអីនោះទេ ចង់បានត្រឹមការសួរសុខទុក្ខ ក្នុងនាមជាសិល្បករ ប្រឡូកជាង២០ឆ្នាំ ហ្នឹងគេដែរ។
តាមសំណេរ លោក អៀង ចេនឡា បានសរសេរឱ្យដឹងថា៖
ខ្ញុំមិនមែនជាអ្នកសិល្បៈ ឬ ជាតារាល្បីអីទេមើលទៅ ទើបឈឺគ្មានសមាគមខាងណាអើពើ ខ្ញុំមិនចង់បានជំនួយទេ ចង់បានតែការសួរសុខទុក្ខ ក្នុងនាមជាសិល្បករ ដែលប្រលូកក្នុងវិស័យសិល្បៈ២០ឆ្នាំមកហើយ។ (តូចចិត្ត)។
ក្នុងនោះដែរ គេសង្កេតឃើញ អ្នកគាំទ្រគោរពស្រលាញ់ បានចូលទៅខមិនលើកទឹកចិត្ត និង ជូនពរូបលោក ឱ្យបានឆាប់ជាសះស្បើយពីជំងឺផងដែរ ក្នុងចំណោមនោះ ក៏មានតារាចម្រៀងដ៏ល្បីប្រចាំផលិតកម្មរស្មីហង្សមាស លោក ណុប បាយ៉ារិទ្ធ ផងដែរ៕ប្រភពពីkhmerload
ដេីម្បីកាន់តែជ្រាបច្បាស់សូមទស្សនារូបភាពខាងក្រោមទាំងអស់គ្នា៖
