ម្ចាស់ពានកម្មវិធីចម្រៀងលំដាប់ពិភពលោក The Voice Cambodia រដូកាលទី១ លោក ប៊ុត សីហា បន្ទាប់ពីស្ងប់ស្ងាត់ពីវិថីសិល្បៈនោះ ស្រាប់តែកាលពីថ្ងៃទី២៦ ខែតុលា ឆ្នាំ២០២១កន្លងទៅនេះ លោក បានសាងភាពភ្ញាក់ផ្អើលមួយសម្រាប់អ្នកគាំទ្រ ដោយចូលទៅខំមិនសុំជំនួយពីអ្នកស្រី ទ្រី ដាណា។
ការចូលទៅខំមិនសុំជំនួយនេះ កើតឡើង ក្រោយពីអ្នកស្រី ទ្រី ដាណា បានបង្ហោះរូបថត អមដោយសាររៀបរាប់ដូច្នេះថា «សូមប្រាប់រឿងពិតមួយណាបងប្អូន កុំឃើញអ្នកមានលុយអ្នកលក់មាសពេជ្រ និងអ្នកជំនួញពូកែអីណានោះ, តាមការពិតចែដាណា ជម្រាបបន្តិចថា សំលៀកបំពាក់ ដែលចែដាណាពាក់រាល់ថ្ងៃ តម្លៃ៧០០០រៀល,៨០០០រៀលទៅ៨ម៉ឺនរៀលអីអស់ហើយ មិនដែលចំណាយលុយទិញរបស់ប្រ៊េនៗ ឬសំលៀកបំពាក់ប្រ៊េនអីទេ តាំងតែពីដើមមករហូតដល់ពេលនេះ។
ព្រោះចែដាណាស្តាយលុយ និងគិតថា មិនចង់ចំណាយអីអោយអស់ច្រើនលើការស្លៀកពាក់នោះឡើយ មើលតែមួយឈុតនេះចុះ អាវតម្លៃ៧០០០រៀលខោតម្លៃ៤៥០០០រៀលតែប៉ុណ្ណោះ មិនមែនគ្មានលុយទិញខោអាវប្រេនដូចគេទេ តែចង់ទុកលុយដែលទិញអាវខោប្រេននោះជួយអ្នកក្រល្អជាង
តែមានអ្នកខ្លះសួរខ្ញុំច្រើនមែនទែនឃើញសម្លៀកបំពាក់ ដែលខ្ញុំស្លៀកពាក់កន្លងមកប្រហែលថាខ្ញុំទិញថ្លៃហើយ ថ្ងៃនេះមកជម្រាបឲ្យដឹងថា សម្លៀកបំពាក់ខ្ញុំពេលខ្លះខ្ញុំទិញផ្សារអូឫស្សី ផ្សារថ្មី និងតាមអនឡាញ ហើយចង់ជម្រាបប្រាប់ថា ទោះសម្លៀកបំពាក់ខ្ញុំមិនថ្លៃ
ប៉ុន្តែខ្ញុំមានក្តីសុខក្នុងការស្លៀកពាក់ ហើយពេល ដែលខ្ញុំស្លៀកសំលៀកបំពាក់មិនថ្លៃមិនប្រេន តែខ្ញុំមានលុយពេញហោប៉ៅរបស់ខ្ញុំ ពេលដែលខ្ញុំចេញដើរ ខ្ញុំសុខចិត្តជ្រើសរើសយកសម្លៀកបំពាក់ថោកប៉ុន្តែលុយចាយពេញដៃ ខ្ញុំមិនជ្រើសរើសយកសម្លៀកបំពាក់ថ្លៃ ប៉ុន្តែពេលចេញដើរគ្មានលុយចាយនោះទេ»។
នៅពេលនោះ តារាចម្រៀង ប៊ុត សីហា ក៏ចូលទៅខំមិនយ៉ាងភ្ញាក់ផ្អើលថា «សួស្តីចែ ខ្ញុំម្ចាស់អាខោនដែរ cmn នេះ ខ្ញុំប៊ុតសីហាខ្ញុំមានបញ្ហាចង់ប្រាប់ឲ្យជួយ.តែមិនដឹងទំនាក់ទំនងផ្ទាល់ជាមួយនឹងចែតាមលេខទូរសព្ទណាមួយទេ.?? សុំចែអាចឆ្លើយតបនឹងប្អូនតិចតាម.Chat fb បានអត់? អរគុណ..»។
តាមរយៈខំមិនខាងលើ រហូតមកដល់ថ្ងៃទី២៨ ខែតុលា ឆ្នាំ២០២១នេះ គេមិនឃើញ អ្នកស្រី ទ្រ ដាណា ធ្វើការឆ្លើយតបបែបណានោះឡើយ។ ប៉ុន្តែមតិជាច្រើនបាន ផ្ដល់យោបល់ឲ្យលោក ទាក់ទង (ឆាត) ទៅអ្នកស្រី ទ្រី ដាណា ដោយផ្ទាល់។ ក្នុងនោះ បើទោះមិនដឹងថា លោកចង់ឲ្យអ្នកស្រី ជួយរឿងអី ក៏អ្នកគាំទ្រលោកមានចំនួន បង្ហាញក្ដីសង្ឃឹមថា អ្នកស្រី ទ្រី ដាណា នឹងជួយលោក ផងដែរ៕
