សូមរំលឹកថា មុននឹងធ្វើការលែងលះគ្នាជាផ្លូវការ កាលពីចុងឆ្នាំ២០២០នោះ លោកឌួង ឆាយ និងអ្នកនាង ដេត ម៉ាលីណា មានកូន៣នាក់ជាដំណក់ឈាមរួមគ្នា ក្នុងរយៈពេលរួមរស់ជាមួយគ្នាជាង១៣ឆ្នាំ ក្នុងនោះប្រុស២នាក់ និងកូនស្រីពៅម្នាក់។
កូនប្រុសស្រីទាំង៣នាក់នេះ បច្ចុប្បន្ន កំពុងរស់នៅជាមួយម្ដាយ ដោយកូនទី ១.ឈ្មោះ ឌួង គីមវិសាល មានបញ្ហាភ្នែកមិនទាន់មើលឃើញច្បាស់នៅឡើយ, កូនប្រុសទី២ឈ្មោះ ឌួង ម៉ាណាវីត និងកូនស្រីពៅ ឈ្មោះ ឌួង រាជនីគុជ ហៅ អូនភើល។
គេសង្កេតឃើញថា ក្រោយពីលែងលះគ្នារួចមក អតីតគូស្វាមី ដែលធ្លាប់ត្រូវបានគេសរសើរខាងលើនេះ ឧស្សាហ៍មានជម្លោះជាមួយគ្នាជាហូរហែ ពាក់ព័ន្ធនឹងរឿងកូនៗ។ ជាក់ស្ដែង ពេលនេះ មានបញ្ហាទៀតហើយ ដោយលោក ឌួង ឆាយ បានជូនដំណឹង១សប្ដាហ៍មុនទៅហើយ ក៏អ្នកនាង ដេត ម៉ាលីណា មិនអនុញ្ញាតឲ្យលោក ឌួង ឆាយ បានជួបកូនៗនោះដែរ។
បង្ហោះភ្ជាប់ជាមួយរូបថតឈរត្រៀបត្រាជាមួយអាជ្ញាធរ សមត្ថកិច្ច នៅមុខផ្ទះអតីតភរិយារបស់ខ្លួន នៅព្រឹកថ្ងៃទី២៥ ខែតុលា ឆ្នាំ២០២១នេះ លោក ឌួង ឆាយ បានរៀបរាប់ថា «ខ្ញុំបាទ និងអ្នកម្តាយរួមជាមួយអាជ្ញាធរខណ្ឌបានជូនដំណឹងមុន 1 សប្តាហ៍ដើម្បីជួបកូនៗ។ ប៉ុន្តែអតីតរបស់ខ្ញុំមិនអោយជួប»។
លោកបន្តថា «សូមពូមីងបងប្អូនទាំងអស់គ្នាពិចារណាតាមការគួរ។ ច្បាប់ធម្មជាតិក្តី ច្បាប់មនុស្សក្តីមិនអាចកាត់ផ្តាច់មនោសចេតនាឪពុក និងកូនៗខ្ញុំបានទេ។ រយៈពេលជាង កន្លះឆ្នាំជួបកូនៗខ្ញុំបានតែ 3 ដង។ អានិតកូនៗ ខ្ញុំណាស់ខ្វះភាពកក់ក្តៅជាពិសេសកូនប្រុសច្បងខ្ញុំនៅឈឺ និងកូនស្រីពៅនៅតូចណាស់
ឌួង ឆាយ»៕
