គេសង្កេតឃើញថា ពេលអ្នកនាងខ្ញុង ដាច់ចិត្តប្រកាសរឿងក្ស័យធន ជំពាក់គេជិត៦០ម៉ឺនដុល្លារ និងសុំជំនួយពីអ្នកគាំទ្រ ម្នាក់ចំនួន១ដុល្លារនោះ , មានមហាជនជាច្រើន រួមនឹងអ្នកសិល្បៈមួយចំនួន បានជួយអ្នកនាងខ្ញុងជាហូរហែ។
នៅពេលនោះ ស្របពេលមានអ្នកជួយច្រើនក៏ពិតមែន តែក៏មានអ្នកមិនជួយជាច្រើនទៀត, អ្នកខ្លះចេញមុខរិះគន់ស្ថាបនា អ្នកខ្លះរិះគន់ជាន់ពន្លិច អ្នកខ្លះទៀត ថែមទាំងកាត់.តវីដេអូ ចាស់ៗធៀបនឹងបច្ចុប្បន្ន ធ្វើឲ្យអ្នកមិនដឹងរឿង ស្អប់អ្នកនាងខ្ញុង កាន់តែច្រើនឡើងថែមទៀត។
លុះក្រោយមក ពេលដឹងរឿង អ្នកនាងខ្ញុង ប្រកាសក្ស័យធន និងសុំជំនួយនេះ ជាការរៀបចំរបស់គ្រូជោគជ័យម្នាក់នោះ បានធ្វើឲ្យអ្នកជួយមួយចំនួន និងអ្នកស្អប់នាងស្រាប់ទៅហើយនោះ នាំគ្នារិះគន់ ដៀមដាមផ្លែផ្កា ជាន់ពន្លិច កាន់តែខ្លាំងថែមទៀត រហូតដល់អ្នកខ្លះពេលមុន មិននាំគ្នា ជួយមន្ទីរពេទ្យគន្ធបុប្ផាយ៉ាងផុសផុលនោះទេ ដល់ពេលមានរឿងនេះកើតឡើង ទើបនាំគ្នាជួយជាបន្តបន្ទាប់ខុសពីពេលធម្មតា ហើយបង្ហោះបង្ហាញព្រោងព្រាត។
ងាកមកអ្នកនាង តេង ដាណា ហៅអាម៉ី និងស្វាមីវិញ ទោះដឹងរឿងនេះ អស់ហើយក៏ដោយ ក៏ពួកគេនៅតែជួយអ្នកនាងខ្ញុង ដដែល។ ជាក់ស្ដែង អាម៉ី បានបង្ហោះសារ ភ្ជាប់ជាមួយប្រតិបត្តិការផ្ញើលុយឲ្យអ្នកនាងខ្ញុង ១០០ដុល្លារ នៅថ្ងៃទី២២ ខែតុលា ថា «មិនថាក្នុងហេតុផលណាទេ! ប្ដីប្រពន្ធខ្ញុំគិតថា ធ្វើអ្វីមួយដែលប្ដីប្រពន្ធខ្ញុំគិតថា ត្រឹមត្រូវសម្រាប់ពួកខ្ញុំ ហើយប្ដីប្រពន្ធខ្ញុំទាំងពីរសូមជូនពរឲ្យពួកគាត់រួចផុតពីទុក្ខវេទនារបស់ពួកគាត់ចុះ»។
បន្ថែមលើនេះ អាម៉ី បានបញ្ជាក់ក្នុងខំមិនទៀតថា «បើជួយគឺកុំប្រើពាក្យថា ស្ដាយក្រោយ មុន នឹងជួយស៊ើបអោយដឹងសាច់រឿងអោយអស់សិនថា ការពិតយ៉ាងម៉េច ហើយបេះដូងយើងព្រមទទួលព្រមជួយ ឬអត់»។
អ្នកនាង បន្តថា «បើព្រមចាំជួយ កុំជួយដោយសារជោរ តាមគ្នាក្រោយមកជួយគេហើយមកនិយាយថា ស្អប់និងស្ដាយក្រោយ ទាំងនោះវាមិនមែនជាការជួយចេញពីបេះដូងទេ ត្រូវគិតថា បើយើងជួយគាត់វាមិនធ្វើអោយយើងពិបាកចិត្តចាំជួយ ។ សូមអរគុណ ចែករំលែកក្ដីស្រឡាញ់ទៅមនុស្សជុំវិញខ្លួន»៕
