គេនៅចាំបានថា កាលពីថ្ងៃទី៤ ខែសីហា ឆ្នាំ២០២១កន្លងទៅនេះ តារាចម្រៀង វីរៈនិច្ច បានធ្វើឲ្យអ្នកគាំទ្រភ្ញាក់ផ្អើលជាខ្លាំង ក្រោយពីទទួលដំណឹងថា នាង ភ្ជាប់ពាក្យជាមួយបុរសសង្ហាម្នាក់យ៉ាងស្ងាត់ៗនោះ។
ក្រោយភ្ជាប់ពាក្យរួច គេសង្កេតឃើញថា ម្ចាស់បទ «នៅsingleបានស្ទាវ» រូបនេះ បានបង្ហោះរូបថតPre-Wedding ជាបន្តបន្ទាប់ មើលទៅពិតជាស្រស់ស្អាត និងសក្ដិសមគ្នាខ្លាំងណាស់។ តែចាប់ពីថ្ងៃទី១៦ ខែតុលានេះ លែងបានថតPre-Wedding ទៀតហើយ ដោយសារតែ ពួកគេ បានចូលរោងការបញ្ចប់ភាពនៅលីវ។
យោងតាម ទំព័រហ្វេសប៊ុកImage Hunter Photography បានបង្ហោះរូបថតមង្គលការរបស់វីរៈនិច្ចជាច្រើនសន្លឹក អមដោយសាររៀបរាប់ថា «ថ្ងៃដែលមនុស្សស្រីគ្រប់រូបទន្ទឹងរង់ចាំក៏ដូចជាតារាចម្រៀងប្រចាំផលិតកម្មសាន់ដេ កញ្ញាវីរៈនិច្ច បានឈានមកដល់ថ្ងៃមង្គល ហើយក៏ សូមជូនពរអោយអ្នកទាំងពីរស្រលាញ់គ្នាជារៀងរហូត កុំភ្លេចរង់ចាំMV បទដ៏ផ្អែមល្ហែមសម្រាប់ស្វាមីកញ្ញា ល្ងាចនេះ និងpost ជូនអ្នកទាំងអស់គ្នាទស្សនា ( ថ្ងៃដែលអូនរង់ចាំ )ពី Page Imagehunter Studio»។
ជាមួយគ្នានេះ វីរៈនិច្ច ក៏បានចែករំលែករូបថត និងខ្លឹមសារខាងលើនេះ ចូលគណនីហ្វេសប៊ុករបស់ខ្លួន ហើយប្រាប់ថា «នៅសល់ MV ទៀតទុកជាចំណងដៃថ្ងៃមង្គលខ្លួនឯង កុំភ្លេចតាមដានល្ងាចនេះណា»។ ចំណែកនៅលើទំព័រហ្វេសប៊ុករបស់ខ្លួនវិញ រីរៈនិច្ច បានបង្ហោះរូបថតកាន់ដៃគ្នាជាមួយស្វាមី អមដោយសារយ៉ាងខ្លីថា «ប្ដីប្រពន្ធ»។
នៅក្នុងពិធីមង្គលការនោះ គេសង្កេតឃើញថា រីរៈនិច តុបតែងខ្លួនយ៉ាងស្រស់ស្អាត មើលសឹងមិនស្គាល់ ហើយបើទោះមង្គលការនេះ មិនមានភ្ញៀវច្រើនចូលរួមក៏ពិតមែន តែអ្នកចូលរួមសុទ្ធតែមិត្តសិល្បៈល្បីៗជាច្រើនដួង ដូចជា កញ្ញា អ៊ីវ៉ា, កញ្ញា ហ៊ិន ច័ន្ទនីរ័ត្ន, តារាស្រី រចនា រ៉ាវាឌី, អ្នកនាង ឌី សូនីតា, តារាចម្រៀង ស៊ូ ស៊ីរីកា ជាដើម។
ងាកមកចាប់អារម្មណ៍អ្នកកំដរកូនក្រមុំកូនកំលោះវិញ ក៏សុទ្ធសឹងតែជាតារាល្បីៗផងដែរ ដូចជា លោកជា លោក វេ ហាស៍, លោក ចឺម, កញ្ញា នាង គន្ធា ជាដើម។ ចំណែក អ្នកកា,ត់សក់ក្នុងពិធីនេះវិញ គឺនាយ ពាក់មី និងស្រីអ៊ីត៕ សូមទស្សនាវីដេអូ ខាងក្រោមនេះ ៖
