ករណីគ្រោះ,ថ្នាក់ចរា,ចរណ៍រថយន្ត Rolls Roy បុកបង្គោលភ្លើង និងរបាំងពុះចែកផ្លូវ កាលពីយប់ថ្ងៃទី១៣ ខែតុលា ឆ្នាំ២០២១ វេលាម៉ោង០២ និង២០នាទី ត្រង់ចំណុចមុខវិហារចិន មហាវិថីសហព័ន្ធរុស្សី សង្កាត់ទឹកថ្លា ខណ្ឌសែនសុខនោះ អ្នកបើកបរ មិនមែនអ្នកនាង ដេត ម៉ាលីណា នោះទេ។
ជាក់ស្ដែង បើយោងតាមការបង្ហោះរបស់អគ្គស្នងការដ្ឋាននគរបាលជាតិ បានបញ្ជាក់ដូច្នេះថា «សេចក្តីបំភ្លឺព័ត៌មានរបស់ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ ទាក់ទងទៅនឹងលទ្ធផល នៃចំណាត់ការរបស់សមត្ថកិច្ច ក្នុងករណីគ្រោះ,ថ្នាក់ចរា,ចរណ៍រថយន្ត Rolls Roy ពណ៌ស ស្លាកលេខ កម្ពុជា MR.IDOL
ដែលបានបើកបុកបង្គោលភ្លើង និងរបាំងពុះចែកផ្លូវ កាលពីយប់ថ្ងៃទី១៣ ខែតុលា ឆ្នាំ២០២១ វេលាម៉ោង០២ និង២០នាទី ត្រង់ចំណុចមុខវិហារចិន មហាវិថីសហព័ន្ធរុស្សី សង្កាត់ទឹកថ្លា ខណ្ឌសែនសុខ បន្ទាប់ពីទទួលបានព័ត៌មានអំពីករណីគ្រោះថ្នាក់ចរាចរណ៍នេះភ្លាម សមត្ថកិច្ចជំនាញ បានចុះធ្វើការពិនិត្យនៅជុំវិញ និងបរិវេណកន្លែងកើតហេតុ ជាលទ្ធផលរកពុំឃើញមានកាមេរ៉ាសុវត្ថិភាព ដែលបង្ហាញពីសកម្មភាពពេលកើតហេតុនោះទេ។
សមត្ថកិច្ចជំនាញការិយាល័យចរាចរណ៍ផ្លូវគោក បានធ្វើការនាំយករថយន្តបង្កហេតុយកមករក្សាទុកនៅការិយាល័យនគរបាលចរាចរណ៍ផ្លូវគោក និងបានធ្វើការកោះអញ្ជើញម្ចាស់រថយន្តបង្ក ឱ្យចូលខ្លួនបំភ្លឺ និងទទួលខុសត្រូវ លើករណីបង្កនេះ។
ក្រោយពីធ្វើការស្រាវជ្រាវ និងស្តាប់ចម្លើយរបស់ឈ្មោះ ចិន ពុទ្ធឆាត ភេទប្រុស ជាតំណាងម្ចាស់រថយន្ត បានបញ្ជាក់ថា អ្នកបើករថយន្តបង្កគ្រោះ,ថ្នាក់ គឺឈ្មោះ ដេត ឫទ្ធី ភេទប្រុស ជាបងប្រុសបង្កើតរបស់ម្ចាស់រថយន្ត ជាមួយនោះដែរឈ្មោះ ដេត ឫទ្ធី ក៏បានចូលខ្លួនមកបំភ្លឺ និងបញ្ជាក់ចំពោះមុខសមត្ថកិច្ចថា
ខ្លួនពិតជាអ្នកបើករថយន្ត Roll Roy របស់ប្អូនស្រីគាត់ បង្កឱ្យមានគ្រោះ,ថ្នាក់ចរាចរណ៍ពិតប្រាកដមែន ដោយគាត់បានធ្វើដំណើរចេញពីហាងមួយកន្លែង នៅជិតផ្សារTK ក្នុងគោលបំណងទៅផ្ទះនៅខណ្ឌពោធិ៍សែនជ័យ ដល់កន្លែងកើតហេតុ បានជែងរថយន្តមួយគ្រឿង ក៏ជ្រុលចង្កូតទៅបុករបាំងថ្ម និងបង្គោលភ្លើងបំភ្លឺផ្លូវ។
ដោយទទួលស្គាល់នូវកំហុស ជន,បង្កក៏បានយល់ព្រម សម្របសម្រួលបញ្ចប់ ដោយបានសងសំណងទៅមន្ទីរសាធារណការ និងដឹកជញ្ជូន រាជធានីភ្នំពេញ កាលពីថ្ងៃទី១៤ ខែតុលា ឆ្នាំ២០២១ ម្យ៉ាងវិញទៀតករណីគ្រោះថ្នាក់នេះ ក៏មិនបានបង្កឱ្យមានមនុស្សរងរបួ,សឡើយ ជាមួយនោះដែរខាងមន្ទីរសាធារណការ ក៏មិនបានដាក់ពាក្យបណ្តឹងលើករណីនេះដែរ ដោយគ្រាន់តែទាមទារសំណងយកមកជួសជុលការខូចខាតតែប៉ុណ្ណោះ ។
ស្នងការដ្ឋាននគរបាលរាជធានីភ្នំពេញ មានកិត្តិយសបញ្ជាក់ជូនសាធារណជនទាំងអស់ឱ្យបានជ្រាបថា ការអនុវត្តច្បាប់ គឺយោងទៅលើភស្តុតាងច្បាស់លាស់ មិនមែនជាការចោ,ទប្រកាន់ខុស ឬត្រូវ ទៅតាមការគិត ឬនឹងឃើញនោះទេ។
បើមានភស្តុតាងច្បាស់លាស់ សមត្ថ,កិច្ចជំនាញនឹងចាត់ការតាមវិធានការច្បា,ប់ ហើយបើគ្មានភស្តុតាងច្បាស់លាស់នោះទេ ក្នុងនាមជាអ្នកអនុវត្តច្បាប់មិនអាចចោទប្រកាន់បុគ្គលណាម្នាក់បានថា អ្នកនោះជាអ្នកបើកបរ អ្នកនោះបើកបរក្នុងស្ថានភាពស្រ,វឹង ឬហេតុផលណាមួយដោយគ្មានភស្តុតាងបានឡើយ»។
ចំណែកអ្នកនាង ដេត ម៉ាលីណា នៅក្នុងការឡាយកាលពីយប់ថ្ងៃទី១៥ ខែតុលា ឆ្នាំ២០២១នោះ ក៏បានលើកជាសំណួរទៅកាន់អ្នកទស្សនានាថា ច្បាស់អត់ថា អ្នកស្រី ជាអ្នកបើកបរ ហើយក្នុងឡានមានគ្នាប៉ុន្មាននាក់? អ្នកស្រី បានសង្កត់ធ្ងន់ថា បើមិនច្បាស់ទេ កុំចេះតែខំមិនជេរ ចាំដឹងរឿងច្បាស់ចាំនិយាយ៕ ដើម្បីជ្រាបច្បាស់សូមស្ដាប់ការបកស្រាយរបស់អ្នកនាង ដេត ម៉ាលីណា ខាងក្រោមនេះ ៖
