កាលពីថ្ងៃទី៧ ខែតុលា ឆ្នាំ២០២១កន្លងទៅនេះ អាម៉ី ត្រូវអនាគតស្វាមីរបស់ខ្លួន ទិញរថយន្ត ដ៏ទំនើបម៉ាក ROLLS ROYCE GHOST យកមកSurprise ធ្វើឲ្យនាងរំភើបខ្លាំងណាស់រហូតដល់ភាំង រកនឹកនិយាយអ្វីមិនចេញ។
ដោយឡែក អាជី វិញ កាលពីយប់ថ្ងៃទី២៩ ខែកញ្ញា ឆ្នាំ២០២១កន្លងទៅនេះ ក៏មិនធម្មតានោះដែរ ដោយត្រូវអនាគតស្វាមីរបស់នាង ទិញនាឡិកាដ៏ស្រស់ស្អាតមួយគ្រឿង មានតម្លៃ២៣ ៩០០ដុល្លារ មកSurprise និងលួងចិត្តនាងផងដែរ។
ក្រោយមក ពេល លោកKelvin ទិញរថយន្ត ROLLS ROYCE GHOSTជូនអាម៉ី ជាប្អូនស្រីខ្លួននោះ, កាលពីថ្ងៃទី៩ ខែតុលា ឆ្នាំ២០២១ អាជី ក៏បានឈរបង្ហាញរថយន្តដ៏ស្រស់ស្អាត១គ្រឿងផងដែរ ហើយប្រាប់ថា «1គ្រឿងនេះម៉េចដែរ ស្រលាញ់ស្ទើរលេបហើយ បើមិនទិញមិចកើត»។
ទោះយ៉ាងណា ក្រោយនិយាយបែបនេះរួច ស្រាប់តែ នាង បានបញ្ជាក់ក្រោមផុសរបស់ខ្លួនថា «គ្មានលុយទិញទេall nop អើយសុំគេថតទេ ក្រណាស់មានលុយណាទិញ»។ ចំណែកអនាគតស្វាមីនាង ឃើញអាជី និយាយបែបនេះ ក៏ប្រាប់ថា «ចាំបងលក់ដី២កន្លែងបន្ថែមទៀតអូន»។
ឃើញបែបនេះ មានមតិមួយនោះ បានលើកឡើងថា «គាត់ខ្លាចចាញ់ប្អូនគាត់»។ ជាការឆ្លើយតប អ្នកលក់ផលិតផលតាមអនឡាញ ដែលល្បីថា ស្អាតពីធម្មជាតិរូបនេះ បានបញ្ជាក់ថា «ត្រូវហើយខំរកចង់ងាប់ដើម្បីរបស់យើងស្រលាញ់នឹង»៕
