គេសង្កេតឃើញថា ប៉ុន្មានខែចុងក្រោយនេះ តារាចម្រៀងពេជ្រ សូលីកា មិនសូវបានបង្ហាញការថតរូបជុំគ្នាជាមួយស្វាមីដូចពេលមុនៗនោះទេ ហើយមិនដឹងថា ស្វាមី របស់នាង មានការងារមមាញឹកអ្វីទើបមិនបានបង្ហាញវត្តមានជាមួយគ្នាដែរ តែពេលនេះចម្លើយបានលេចចេញហើយ។
ជាក់ស្ដែង កាលពីថ្ងៃទី៩ ខែកក្កដា ឆ្នាំ២០២១កន្លងទៅនេះ ពេជ្រ សូលីកា បានបង្ហោះរូបថតជាច្រើនសន្លឹក ជាមួយនឹងសារបង្ហាញមោទកភាពចំពោះស្វាមី និងអបអរសាទរចំពោះវត្តមានMOJO មកកាន់ទឹកដីកម្ពុជាថា «I’m so proud of you Han Khim And congratulations to MOJO to Cambodia»។
ក្នុងចំណោមរូបថត ដែលពេជ្រ សូលីកា បង្ហោះជាច្រើនសន្លឹកនោះ មានរូបថតមួយសន្លឹក នាងបានឈរក្រពាត់ដៃទៅមុខដោយទឹកមុខញញឹមនៅពីក្រោយស្វាមី បានធ្វើឲ្យមហាជនមានការចាប់អារម្មណ៍ខ្លាំងណាស់ ដោយមានអ្នកចែករំលែកបន្តរហូតដល់ទៅជាង៨ពាន់ដង និងបញ្ចេញមតិជាង៥០០។
ចំពោះរូបថតមួយសន្លឹកដ៏ទាក់ទាញនេះ ពួកគេ បានចូលទៅបញ្ចេញមតិស្រដៀងៗគ្នាបែបនេះថា «ចឹងហើយបានខ្ញុំមិនទាន់ជោគជ័យ ព្រោះមិនទាន់មានមនុស្សស្រីណាម្នាក់ជាកាតាលីករជំរុញ, នៅពីក្រោយខ្នងបុរសជោគជ័យ តែងមានស្ត្រីជាទីជ្រោមជ្រែង, អូននៅពីក្រោយបងចាំលើកទឹកចិត្ដបងគ្រប់ពេលមិនថាបងជោគជ័យឬក៏បរាជ័យ,
ប្រពន្ធល្អទោះប្ដីធ្លាក់ដល់ចំណុចណាក៏នៅក្បែមិនមែនបំបាកមុខប្ដីទេ មិនមែនដល់ប្ដីបានខ្ពស់មុខមាត់បានមានវត្តមានទេទោះកាលៈទេសៈណាក៏មានវត្តមានប្រពន្ធនោះទើបហៅថាប្រពន្ធល្អ បងលីកាជាប្រពន្ធល្អ ខ្ញុំចូលចិត្តបង, បុរសជោគជ័យតែងមាននារីប្រពៃនៅពីក្រោយ ហើយនារីម្នាក់នោះចាំមើលអ្នកពីក្រោយរហូតចាំលើកទឹកចិត្តអ្នកនិងគាំទ្រអ្នកគ្រប់រឿង»៕
