គេសង្កេតឃើញថា តាំងពីAdminជីងចក់ ដែលជាអ្នកអត្ថាធិប្បាយបាល់ទាត់ដ៏ល្បីមួយរូប បង្ហាញមុខអនាគតភរិយាជាសាធារណៈតាមបណ្ដាញសង្គមរួចមក, អ្នកគាំទ្រ មានការចាប់អារម្មណ៍ខ្លាំងណាស់ ហើយក៏ចង់ដឹងពីសមាសភាពរបស់ម្ចាស់ចិត្តលោកផងដែរ។
ពេលលោកបង្ហាញមុខអនាគតភរិយាភ្លាមៗនោះ អ្នកគាំទ្រ ដឹងត្រឹមថា ម្ចាស់បេះដូងលោកនោះ ជាស្ត្រីមេម៉ាយកូនមួយ ជាអភិជនម្នាក់ ដែលមានរូបសម្រស់ស្អាត វ៉ាដាច់អស់គេឯង ស្រស់ស្អាតបែបថ្លៃថ្នូរ សូម្បីតែអ្នកគាំទ្រលោក ឃើញហើយ ក៏លាន់មាត់សរសើរស្ទើរគ្រប់គ្នាដែរ។
ចំពោះអ្នកគាំទ្រមួយចំនួននោះ ដឹងត្រឹមប៉ុណ្ណឹងមិនគ្រប់គ្រាន់នោះទេ ដោយពួកគេ បានបន្តស្រាវជ្រាវថែមទៀតពីប្រវត្តិរបស់អនាគតភរិយារបស់Adminជីងចក់ រហូតរកឃើញវីដេអូមួយ កាលពី៦ឆ្នាំមុន ដែលអ្នកនាង ផល្លា បានចូលរួមប្រកួតប្រជែងក្នុងកម្មវិធីមួយរបស់ស្ថានីយទូរទស្សន៍MY TV។
កម្មវិធីនោះ មានឈ្មោះថា កំពូលតារាបង្ហាញម៉ូដកម្ពុជា (Cambodia Next Top Model) ហើយអ្នកគាំទ្រមួយចំនួន បានកាត់យកផ្នែកខ្លះនៃកម្មវិធីនេះ ដែលមានវត្តមានរបស់អនាគតភរិយា Adminជីងចក់ យកទៅបង្ហោះក្នុងបណ្ដាញសង្គមទីកតុក បង្កការចាប់អារម្មណ៍ដល់អ្នកគាំទ្រផ្សេងទៀត។
តាមរយៈនេះ មានការលើកឡើងថា «សរសើរមនុស្សម៉ង វីដេអូ ១០ ២០ជំនានក់ណា ក៏រកឃើញដែរ, ពូកែរកម៉េស សូមសរសើរ ចង់មើលកម្មវិធីហ្នឹងវគ្គ២ណាស់, ចឹងបានចេះតែមានអារម្មណ៍ថា ដូចធ្លាប់ឃើញ, ពូកែម្ល៉េះ, កាលនឹងដើមទ្រូងគាត់មិនទាន់ធំទេ, ចឹងបានថា រឿងខ្លះ១០ ទៅ២០ឆ្នាំ បានផ្ទុះ»៕ ដើម្បីជ្រាបច្បាស់សូមទស្សនា វីដេអូ ខាងក្រោមនេះ ៖
