ប្រិយមិត្តមួយចំនួនទំនងជាជ្រាបរួចមកហើយថា អ្នកនាង សួស វីហ្សា និងលោកថមមី ទម្រាំតែក្លាយជាប្ដីប្រពន្ធនឹងគ្នាដូចសព្វថ្ងៃ ពួកគេធ្លាប់ឆ្លងកាត់ការតស៊ូជាមួយគ្នាជាច្រើនតាំងពីនៅជាសង្សារនឹងគ្នា ហើយក៏ធ្លាប់ត្រូវគេមើលងាយ ពេលពួកគេមានជីវភាពលំបាកផងដែរ។
ពួកគេ បានសម្រេចចិត្តរៀបអាពាហ៍ពិពាហ៍ជាមួយគ្នា កាលពីថ្ងៃទី២៩ ខែវិច្ឆិកាឆ្នាំ ២០១៩ ហើយក្រោយមកក៏បានទទួលចំណងដៃកូនស្រីដ៏គួរឲ្យស្រឡាញ់ម្នាក់ឈ្មោះ ថង សាម៉ូលីណា ហៅ Jenny កើតនៅថ្ងៃទី០៩ ខែតុលា ឆ្នាំ២០២០វេលាម៉ោង៩និង០៩នាទីព្រឹក នៅ មន្ទីរពហុព្យាបាល និងសម្ភព អរៀនដា។ ដូច្នេះគិតមកដល់ថ្ងៃទី៧ ខែតុលា ឆ្នាំ២០២១នេះ ជិតដល់ថ្ងៃខួបកំណើតរបស់Jennyគម្រប់១ឆ្នាំហើយ។
នៅមុនថ្ងៃខួបកំណើតប៉ុន្មានថ្ងៃនោះ លោកថមមី បានត្រៀមកាដូ សម្រាប់កូន និងភរិយាខ្លួនរួចហើយ ដោយកុម្ម៉ង់មាសពេជ្រ ចេញពីហាងអ្នកស្រី ទ្រី ដាណា អស់ជាង៤ម៉ឺនដុល្លារ។ ថមមី បានបញ្ជាក់នៅពេលនោះ ថា «ថ្ងៃនេះមកតែឯង មកទិញកាដូជូន Jenny និង ភរិយា សម្រាប់គម្រប់ខួបកូនស្រីអាយុ១ឆ្នាំ នៅថ្ងៃទី 09.10.2021 សង្ឃឹមថាកូនស្រីខ្ញុំ និងភរិយាខ្ញុំបានឃើញការផុសនេះ នឹងសប្បាយចិត្ត និងយល់ពីជម្រៅចិត្តប៉ាៗ»។
ដោយឡែក អ្នកនាង សួស វីហ្សា ក្រោយឆ្លងកាត់ជីវិតមានគ្រួសារ ក្លាយជាម្ដាយគេ និងជិតដល់ថ្ងៃខួបកំណើតកូននោះ នៅថ្ងៃទី៦ ខែតុលា ឆ្នាំ២០២១នេះ ក៏ចែករំលែកបទពិសោជន៍ និងទម្លាយអារម្មណ៍របស់ខ្លួនដូច្នេះថា «នៅពេលដែលយើងក្លាយជាម្តាយគេ វាពិតជាមិនងាយស្រួលដូចពេលយើងនៅខ្លួនមួយទេ ទាំងពេលវេលាក៏មិនមានគ្រប់គ្រាន់សម្រាប់ខ្លួនឯង ទាំងសម្រស់ក៏ស្ទើរតែមិនមានពេលគ្រប់គ្រាន់សម្រាប់មើលថែដូចពីមុន
ដូច្នេះបើយើងខំប្រឹងប្រែងលះបង់យ៉ាងនេះហើយ ពេលមានលុយយើងគួរតែទុកធ្វើបុណ្យខ្លះ ចាយខ្លះ ធ្វើខ្លួនខ្លះ សម្ភារៈនិយមខ្លះ ទិញអាហារឆ្ងាញ់ៗហូបខ្លះ ទិញរបស់ ដែលខ្លួនស្រលាញ់ខ្លះ ទើបវាសក្ដិសមនឹងការខំប្រឹងប្រែងលះបង់របស់យើងមែនអត់? គិតចឹងដែរអត់ម៉ាក់ៗទាំងអស់គ្នា?
(ទាល់តែអ្នកមានកូន ទើបយល់អារម្មណ៍នេះ)»។
តាមរយៈនេះ មានការលើកឡើងពីសំណាក់អ្នកគាំទ្រថា «ត្រូវហើយ អូនធ្វើតាមលទ្ធភាពយើងមាន, បងនិយាយត្រូវ, ពិតណាស់បង, ត្រូវហើយបង, យល់ខ្លាំងណាស់, មែនតើបង, មែនហើយម៉ាក់ៗ, គិតដូចបងដែរ តែឥទ្បូវរកតែលុយទិញដោះគោកូនមឹមសិន»៕
