លោកអ្នក មួយចំនួន ប្រហែលជា បានជ្រាបរួចមកហើយ នូវខ្សែជីវិតរបស់អតីតពលករប្រទេសកូរ៉េ អ្នកឧកញ៉ា ឡេង ណាវ៉ាត្រា ដែលកើតចេញពីត្រកូលកសិករ និងមានដើមកំណើតនៅខេត្តព្រៃវែង ហើយក៏ជាបុគ្គល ដែលតស៊ូខ្លាំងបំផុតដើម្បីចាកចេញពីភាពក្រីក្រ ដោយបច្ចុប្បន្នកំពុងជោគជ័យលើមុខជំនួញជាច្រើន។
ទន្ទឹមនឹងភាពជោគជ័យលើមុខជំនួញ អ្នកឧកញ៉ា ក៏សកម្មនឹងការងារមនុស្សធម៌ផងដែរ ដោយគ្រាន់តែថវិកា និងគ្រឿងឧបភោគបរិភោគ ក្នុងការចូលរួមប្រយុទ្ធប្រឆាំងកូវីដ-១៩ នាពេលកន្លងមក គិតជាទឹកប្រាក់ មិនក្រោម១០លានដុល្លារនោះទេ។
ងាកមកមើលជីវិតគ្រួសារវិញ, អ្នកឧកញ៉ា ឡេង ណាវ៉ាត្រា និង លោកជំទាវ ឈឿន ស្រីម៉ាច បានរៀបការជាមួយគ្នា កាលពីអំឡុងឆ្នាំ២០១៥ ក្រោយពីស្វែងយល់ចិត្តគ្នាអស់រយៈពេលរហូតដល់ទៅ៨ឆ្នាំនោះ។ ក្រោយរៀបការ ហើយរស់នៅជាមួយគ្នាយ៉ាងមានសុភមង្គល រហូតមកដល់ពេលនេះ ពួកគេ ទទួលបានចំណងដៃកូនប្រុសស្រីចំនួន៣នាក់ក្នុងបន្ទុក។
កូនរបស់ទាំង៣របស់អ្នកឧកញ៉ា មើលទៅពិតជាឆ្លាតខ្លាំងណាស់។ ជាក់ស្ដែង កូនស្រីរបស់អ្នកឧកញ៉ាឈ្មោះចាស្មីន សូម្បីតែអាថ៌កំបាំង នៅពីភាពជោគជ័យនៅពីក្រោយរបស់ឪពុករបស់ខ្លួន ក៏នាងអាចរកនឹកសរសេរចេញដែរ។
បង្ហោះភ្ជាប់ជាមួយរូបថតជាច្រើនសន្លឹកបង្ហាញពីសកម្មភាពឪពុក និងម្ដាយរបស់ខ្លួន នៅរសៀលថ្ងៃទី២ ខែតុលា ឆ្នាំ២០២១នេះ , ចាស្មីន កូនអ្នកឧកញ៉ា ឡេង ណាវ៉ាត្រា បានដាក់Captoionយ៉ាងចាក់ដោតថា «អាថ៌កំបាំងនៅពីក្រោយភាពជោគជ័យរបស់លោកពុកខ្ញុំគឺអ្នកម៉ែជាអ្នកបោកខោអាវ»។
តាមរយៈនេះ មានការលើកឡើងថា «ស្រលាញ់ពេញបេះដួងហើយចា៎, ហេសហេខំតែគិតស្មានតាជោគជ័យលើអីផ្សេង, ខ្ញុំបោកខោអាវតែខ្លួនឯងអញ្ចឹងបានអត់យោគជ័យសោះ, ប្រពន្ធល្អ លោកជំទាវ, មើលសប្បាយណាស់បង»៕
