មួយរយៈចុងក្រោយនេះ មនុស្សម្នា បានផ្អើលតាមគ្នា ទៅទិញ ដំបងយក្សសំប៉ែត យ៉ាងភ្លូកទឹកភ្លូកដី ដើម្បីយកមកញុំា ហើយក៏ត្រូវបានអ្នកលេងបណ្ដាញសង្គមជាច្រើន បានធ្វើការរិះគន់ វែកញែក ពន្យល់ ជុំវិញផលប៉ះពាល់នៃការញុំាដំបងយក្សនេះផងដែរ។
ចំពោះការផ្អើលទិញតាមគ្នានេះ ត្រូវបានគេចោទថា តារាចម្រៀង ទេព បូព្រឹក្ស ជាអ្នកដើម ខណៈថ្មីៗនេះ នាងធ្លាប់បកស្រាយរួចហើយ ថា នាងគ្រាន់តែញុំាទេ មិនបានឲ្យបងប្អូនញុំាតាមខ្លួនឡើយ។
ក្រោយរឿងនេះល្បីកក្រើក រហូតមានអ្នកយកទៅTrollពេញបណ្ដាញសង្គមនោះ, នៅយប់រំលងអធ្រាត្រឆ្លងចូលថ្ងៃទី២ ខែតុលា កាកាអូស្ត្រាលី ក៏បានចេញមុខមកពន្យល់យ៉ាងលម្អិត ជាមួយនឹងការដាក់ផ្លែផ្កា ក្រើនរំលឹក ឲ្យអ្នកជោរញុំាតាមគ្នាផងដែរ។
កាកា អូស្ត្រី បានបង្ហោះរូបថត ភ្ជាប់ជាមួយសារពន្យល់យ៉ាងលម្អិតដូច្នេះថា «ដើមដំបងយក្សល្បីម៉ែអាល្បី‼️EATING TREND ថ្មីទៀតហើយ‼️ អ្នកកើតជំងឺJ+Oតាមគ្នាព្យាបាលមិនជាសះស្បើយអាចញាំដំបងកូនយក្ស ធានាថា ជាពីអាជំងឺJ+Oតាមគេហ្នឹង100% បើមិនជឿស្អែកចាំខ្ញុំញ៉ាំឱ្យមើល ហើយបើមានអ្នកញ៉ាំតាមខ្ញុំទៀតអ្នកនោះ ព្យាបាលមិនជាទេ! ព្រោះមូលហេតុបញ្ជាក់ថាគាត់មានអាជំងឺJ+O តាមគេហ្នឹងពីកំណើត!
(ហាហា‼️ និយាយលេងទេបងប្អូនកុំប្រកាន់❗️) ខ្ញុំគ្រាន់តែចង់ចែករំលែកអ្វីដែលខ្ញុំបានដឹងអំពីដើមដំបងយក្ស ដែលឃើញបងប្អូននាំគ្នាបរិភោគតាមគ្នារាល់ថ្ងៃហ្នឹង ខ្ញុំមិនអាចបញ្ជាក់ជូនបងប្អូនឲ្យបានច្បាស់លាស់ទេ ដោយសារតែដើមដំបងយក្សនៅប្រទេសកម្ពុជា ខ្ញុំមិនបានដឹងថា ជាដើមប្រភេទអ្វីខ្លះ ដែលអ្នកលក់នៅប្រទេសខ្មែរបានយកមកលក់ជូនបងប្អូនពិសារ…អ្វីដែលខ្ញុំអាចប្រាប់បាន-
១- ដើមដំបងយក្សមានប្រហែលជា ២០០-៣០០ ពូជ និងមានល្បាក់ប្រហែលជា ២៥០០-៣០០០ប្រភេទ ដែលអាចរកបាននៅជុំវិញពិភពលោក
២- ពូជខ្លះដូចជាCHOLLA, DRAGON FRUIT CACTUS ដែលខ្មែរយើងស្គាល់ថាផ្លែស្រកានាគនិង PRICKLY PEAR អាចបរិភោគបន្ទាប់ពីដកឆ្អឹងខ្នងចេញ
៣- ទោះយ៉ាងណាក៏ដោយប្រភេទដំបងយក្សដទៃទៀតរួមមាន ពយយ៉ូត(PEYOTE) សាន់ប៉េដ្រូ (SAN PEDRO) និងបូលីវី (BOLIVIAN) មានជាតិពុលហើយមិនគួរបរិភោគឡើយ!
៤- ការសិក្សាមួយ បានរកឃើញថា ការទទួលទានប្រភេទ ដែលអាចហូបបាន មានគុណសម្បត្តិដូចតទៅ-
អាចកាត់បន្ថយជាតិខ្លាញ់ក្នុងខ្លួន សម្ពាធឈាមនិងកម្រិតកូឡេស្តេរ៉ុល ការបរិភោគវាម្ដងម្កាល ជាមួយនឹងរបបអាហាររបស់អ្នក អាចជួយកាត់បន្ថយហានិភ័យនៃជំងឺដូចជាជំងឺដាច់សរសៃឈាមខួរក្បាល(STROKE) និងជំងឺសរសៃឈាមបេះដូង
៤-បន្ទះផ្កានិងផ្លែឈើអាចមានសុវត្ថិភាពនៅពេលប្រើជាថ្នាំក្នុងបរិមាណសមស្របក្នុងរយៈពេលខ្លី អញ្ចឹងអាចសរុបសេចក្តីថាការបរិភោគអ្វីក៏ដោយតែច្រើនពេកក៏មិនល្អដែរ
៦- ចំណុចសំខាន់បំផុតដែលត្រូវដឹង‼️ ចំពោះមនុស្សខ្លះអាចបណ្តាលឱ្យមានផលប៉ះពាល់តិចតួចរួមមាន- រាគ ចង់ក្អួត ហើមពោះនិងឈឺក្បាលក្នុងករណីកម្រការទទួលទានក្នុងបរិមាណច្រើនអាចបណ្តាលឱ្យស្ទះពោះវៀនខាងក្រោម‼️
៧- សម្រាប់អ្នកមានផ្ទៃពោះនិងបំបៅដោះកូន គួរតែជៀសឲ្យឆ្ងាយល្អប្រសើរជាង ព្រោះមិនមានឯកសារអ្វីដែលបញ្ជាក់ថា វាល្អសម្រាប់ម្ដាយ និងទារកក្នុងផ្ទៃឬកូនដែលកើតហើយបំបៅដោះនោះទេ❗️
៨- តាមប្រភេទនិងពូជខ្លះគេមានតាំងពីរដូវដែលគួរមិនគួរញ៉ាំ រួមទាំងរបៀបចម្អិននិងរបៀបក្នុងការយកមកសំអាតមុននឹងយកទៅបរិភោគ ត្រូវញ៉ាំអាខ្ចីឬក៏អាទុំ បងប្អូនខ្លះមិនដែល ធ្លាប់ហូបមិនស្គាល់ប្រភព ហើយយកទៅញ៉ាំជាមួយនឹងអំបិលម្ទេស ទឹកត្រីទឹកស្ករ រឿងអីមិនធ្វើទុក្ខ ជំងឺរាងកាយសុខភាពសុទ្ធតែខុសគ្នា អ្នកខ្លះញ៉ាំទៅក៏មិនអីអ្នកខ្លះទៅក៏ប៉ះពាល់
យោបល់ក្នុងការរិះគន់ជាស្ថាបនាតែប៉ុណ្ណោះ-បងប្អូនគួរតែប្រើការពិចារណាឲ្យខ្ពស់កុំឲ្យអ្វីដែលកំពុងពេញនិយមនៅក្នុងបណ្ដាញសង្គមធ្វើឲ្យបងប្អូនមោបាំងមួយគ្រា ដែលអាចធ្វើឲ្យប៉ះពាល់ដល់សុខភាពឬជីវិតរួមទាំងសង្គមយើងទាំងមូលបាន‼️
ដោយសារតែបណ្ដាញសង្គមអ្នកបរិភោគជ្រួលជ្រើមនិយមតាមគ្នា❗️ រាឯអ្នកលក់ក៏ជ្រួលជ្រើមឃើញអ្នកបរិភោគជ្រួលជ្រើមយកមកលក់តាមគ្នាបែកទឹកបែកដី‼️ បើយើងអ្នកហូបមិនស្គាល់ពូជឬប្រភេទវាបានច្បាស់លាស់ផង ចុះទម្រាំអ្នកលក់មានប៉ុន្មាននាក់ដែលស្គាល់ពូជនិងប្រភេទវា
អ្នកលក់ខ្លះមិនដែលលក់ផង ចុះបើយកប៉ះអ្វីដែលមិនគួរបរិភោគមានជាតិពុល សួរថា ពេលបងប្អូនមានគ្រោះថ្នាក់ តើអាចបន្ទោសអ្នកលក់បានទេ❓មិនអាចទេ! ព្រោះគាត់គ្រាន់តែចង់បានលុយនិងបំពេញតាមតម្រូវការពេញនិយមមួយឆាវរបស់បងប្អូនតែប៉ុណ្ណោះ
សួរថាបន្ទោសប្អូនស្រី Tep Boprek ដោយការចោទថាគាត់ជាអ្នកផ្ដើម តើត្រូវដែរឬទេ❓ ខ្ញុំសូមបញ្ចេញមតិរបស់ខ្ញុំថា វាមិនត្រឹមត្រូវទេ‼️ ពាក្យប៉ុន្មានម៉ាត់យ៉ាងខ្លីក្នុងការបកស្រាយរបស់ខ្ញុំនេះគឺ ពាក្យមានប៉ុន្មានឃ្លាដែលខ្ញុំតែងតែឮ ស្ដាប់ឡើងសាំ ឃើញរាល់ថ្ងៃ តាំងពីខ្ញុំមានវត្តមាននៅក្នុងបណ្ដាញសង្គមហ្វេសប៊ុកនេះអស់រយៈពេល ៨ ឆ្នាំកន្លងមកនេះនោះគឺ –
“CAMBODIA ALWAY’s NEW ខ្មែរថ្មីរហូត!” “ONLY in Cambodia-មានតែខ្មែរ!” “Romdoul always different!- រំដួលប្លែករហូត!”
– ជាចុងក្រោយនេះនាងខ្ញុំ កាកា អូស្ត្រាលី Kaka KH Australia សូមព្រះរាជទានទោសចំពោះព្រះអង្គម្ចាស់ នរោត្តម សីហមុនី (His Majesty King Norodom Sihamoni and the Queen) និងសូមខន្តីអភ័យទោស សម្ដេចពុកនិងសម្ដេចម៉ែជាទីគោរពរួមទាំងប្រជាពលរដ្ឋនៃប្រទេសកម្ពុជាទាំងមូល ចំពោះពាក្យសំដីទាំងប៉ុន្មានម៉ាត់ចុងក្រោយដែលខ្ញុំបានដាក់ ផ្កាពណ៌ផ្កាឈូកនេះ
ព្រោះការបកស្រាយរបស់នាងខ្ញុំអាចធ្វើឲ្យបងប្អូនយល់ច្រឡំឬក៏តាមបទពិសោធន៍ដែលដឹងអំពីបណ្ដាញសង្គមហ្វេសប៊ុក នាងខ្ញុំបញ្ជាក់ឱ្យហើយកុំឲ្យមានអ្នកលាបពណ៌ថាខ្ញុំ កំពុងតែដៀលខ្មាសឬក៏មើលងាយខ្មែរ
បងប្អូនត្រូវចាំថាពាក្យទាំងនេះ ជាពាក្យដែលបងប្អូនមួយចំនួនធំតែងតែចូលចិត្តសរសេរនៅក្នុងបណ្ដាញសង្គមនាៗ! ល្មមរៀនទទួលស្គាល់ការពិតខ្លះហើយ ឃើញអីប្លែកបន្តិចមិនបាន ធ្វើតាមគ្នាផ្អើលទឹកផ្អើលដី ទាំងដែលពេលខ្លះមិនដឹងប្រភពច្បាស់លាស់ អាមិនធ្លាប់ក៏ធ្វើ អាមិនដែលកសាក ពេលខ្លះរឿងខ្លះប្រថុយយកជីវិតសុខភាពខ្លួនឯងនិងអ្នកដទៃយកទៅលេងសើច ចង់ដូចគេដូចឯង តាមគេតាមឯង ដើម្បីកុំឱ្យខុសគេខុសឯង អត់តែឯងវាចម្លែក! ដល់ពេលមានបញ្ហាអាងអីបន្ទោសតែម្នាក់ តែស្ករតាមគ្នា ជាន់គ្នា ពន្លិចគ្នា ទាំងដែលខ្លួនឯងដឹងច្បាស់ថា
ខ្លួនឯងអ្នកចង់ខ្លួនឯង! អញ្ចឹងដល់ពេលមានបញ្ហាកុំអាងអី បន្ទោសគ្នាតែម្នាក់! ព្រោះវាជារឿងដែលមិនត្រឹមត្រូវទាល់តែសោះ! ហើយពាក្យទាំងអស់នោះ ក៏ចេញមក ពីខ្មែរនិយាយទៅកាន់ខ្មែរដូចគ្នា យកឈ្មោះប្រទេសជាតិទាំងមូល ទៅបង្កើតពាក្យទាំងនោះឱ្យកូនខ្មែរយកមកប្រើជាន់ពន្លិចប្រទេសកម្ពុជាខ្លួនឯងលេងតាមបណ្ដាញសង្គម‼️
បើបងប្អូនយល់ស្របហ្នឹងមតិខ្ញុំ សូមចែករំលែកសារនេះម្នាក់មួយទៅកាន់កូនខ្មែរទាំងឡាយ❗️ការលេងបណ្ដាញសង្គមមានគុណសម្បត្តិនិងគុណវិបត្តិអ្វីដែលគួរមិនគួរ ដឹងឬក៏មិនដឹង ប្រព្រឹត្តឬមិនប្រព្រឹត្ត យើងជាអ្នកសម្រេចចិត្តខ្លួនឯង កុំឲ្យតែល្អយកផល ដល់ពេលមានរឿងប៉ះពាល់យកម្រាមដៃទៅចង្អុលគេ!
បើគេរត់ចូលឡានល្បីអ្នករត់ចូលឡានដែរមែនទេ?វ៉េងបន្តិចមែនតែខ្ញុំចេះតែសរសេរចោលទៅ ក្រែងលោបាន ជាប្រយោជន៍ខ្លះក្នុងការដាស់តឿនសតិគ្នា ក្នុងនាមជាកូនខ្មែរម្នាក់ សង្ឃឹមថាអ្នកទាំងអស់គ្នាយល់!ជូនពរសុខភាពល្អសំណាងល្អទាំងអស់គ្នា សូមអរគុណ សូមគោរពលាពីចម្ងាយ រក្សាសិទ្ធិដោយ-កាកាអូស្ត្រាលី-ᴋᴀᴋᴀ ᴋʜ ᴀᴜꜱᴛʀᴀʟɪᴀ»៕
