Peypey Dy ជាតារាហ្វេសប៊ុក ដ៏មានប្រជាប្រិយភាពម្នាក់ នៅលើបណ្ដាញសង្គមហ្វេសប៊ុកអស់រយៈពេលជាយូរមកហើយ ហើយត្រូវបានគេស្គាល់ តាមរយៈ ការបង្កើតវីដេអូបែបកំប្លែងៗប្លែកៗ ក៏ដូចជាសាច់រឿងខ្លីៗ ចែកជូនដល់អ្នកទស្សនាឲ្យមានភាពសប្បាយរីករាយនោះ។
បើនិយាយពីជីវិតឯកជនវិញនោះ កន្លងមកគេកម្រឃើញPeypey Dy និយាយពាក់ព័ន្ធនឹងរឿងគ្រួសារ ដូចជា មានបងប្អូនប៉ុន្មាន, ឪពុក, ម្ដាយ ឬក៏ យាយ ប៉ុន្តែពេលនេះ តារាហ្វេសប៊ុក ដ៏ល្បីរូបនេះ បានទម្លាយរឿង ខ្លួនត្រូវលោកយាយមើលថែថ្នាក់ថ្នមតាំងពីតូច រហូតដល់ធំហើយនៅតែបារម្ភចំពោះចៅទៀត។
បង្ហោះភ្ជាប់ជាមួយលោកយាយស្ថិតក្នុងវ័យជិត៩០ឆ្នាំ នៅថ្ងៃទី១ ខែតុលា ឆ្នាំ២០២១នេះ Peypey Dy បានរៀបរាប់ថា «យាយ ជាមនុស្សម្នាក់ ដែលតែងតែមើលថែចៅ តាំងពីតូច ព្រោះម៉ាក់មិនមានពេលគ្រប់គ្រាន់ សព្វថ្ងៃយាយអាយុ៨៧ឆ្នាំហើយ តែយាយនៅតែបារម្ភ និងតែងតែសួរសុខទុក្ខចៅ កាលពីតូច តែងតែលួចសុំលុយយាយ ហើយយាយជាមនុស្សតែម្នាក់គត់ ដែលតែងតែការពារចៅ អរគុណយាយ ជូនពរយាយអោយមានអាយុវែង និងសុខភាពល្អ»។
តាមរយៈនេះ អ្នកគាំទ្រ របស់លោកបានចូលរួមបញ្ចេញមតិជាច្រើន ក្នុងនោះពួកគេ បានលើកឡើងថា «ឃើញបែបនេះនឹកយាយខ្ញុំណាស់ទោះចៅធំចេះធ្វើការរកលុយខ្លួនឯងក៏ដោយ ពេលទៅស្រុកម្តងណាក៏យាយតែងតែអោយលុយចៅព្រោះខ្លាចចៅអត់លុយចាយ នឹកខ្លាំងណាស់, យាយមើលទៅនៅមាំដដែល,
បងឌីស្អាតណាស់, ធ្វើប្រុសម្ដងៗចង់លង់, ជូនពរលោកយាយអាយុវែង សុខភាពល្អ, បងឌីទៅស្រុកអត់កោះធំយើងនឹង, ចុះយាយនឹងម៉ាក់អូនសព្វថ្ងៃគាត់រស់នៅណាដែរ ពួកគាត់សុខសប្បាយទេ?ផ្តាំសួរសុខទុកពួកគាត់ផង, បងឌីកាលនៅតូចនៅកោះធំ ឬមួយនៅភ្នំពេញ?»។ ចំពោះសំណួរមួយចំនួននេះ មិនទាន់ឃើញ Peypey Dyធ្វើការឆ្លើយតបនៅឡើយទេ»៕
